25 December 2009

பதிவுத் திருட்டு பரவி வரும் அநாகரீகம்


கற்றுக்கொள்ளும் ஆர்வத்தில் இந்த வலைப்பதிவை துவங்கி ஒரு வருடத்தில் இது வரை 95 பதிவுகளும் இட்டு விட்டேன். தமிழிஷில் 45 பதிவுகள் பிரமலமானது . பல பதிவுகள் யூத்ஃபுல் விகடனில் தேர்வு பெற்றது. உங்கள் ஒரு வரி பின்னூட்டம் தரும் உற்சாகம் தான் என்னைத் தொடர்ந்து எழுத வைப்பது. எல்லோருக்கும் என் இதயம் நிறைந்த நன்றி.

நேற்று இணையவலம் வந்த போது எனது பதிவை அப்படியே காப்பி பேஸ்ட் செய்து ஈகரை தமிழ் கழஞ்சியம் என்ற தளத்தில் இட்டிருப்பதை கண்டு அதிர்சியுற்றேன். பிறனில் விழையாமை சொன்ன வள்ளுவரை வேறு அங்கே அநியாயத்துக்கு சாட்சியாக்கி வைத்திருக்கிறார்கள். என் பதிவிலிருந்த படம் கூட ஹாட் லிங் செய்திருக்கிறார்கள். ஆனால் என்பெயரையோ இணைய முகவரியோ இல்லாமல் கவனமாக அழித்து விட்டு வேறு பெயரில் இட்டு கொண்டாடியிருக்கிறார்கள்.
" இப்படி எத்தனை பேருடா கிளம்பியிருக்கீங்க? "என்ற அதிர்ச்சியுடன் கூகிள் சல்லடையால் தமிழ் பதிவுலகை சலித்தபோது ஏகப்பட்ட புழுக்களும் வண்டுகளும் கண்டு ஆச்சரியம். ஒன்றிரண்டல்ல நூற்றுக்கு மேல் என் பதிவுகளின் காப்பி பேஸ்ட் செய்யப்பட்ட பதிவுகள் இணையத்தில் உலவுகிறது. என் தளத்தில் கூட அத்தனை பதிவுகள் இல்லை. எனது பிரபலமான பதிவுகள் எல்லாவற்றையும் ஒன்றுக்கு இரண்டாய் மேற்கண்ட தளத்திலேயே நகலெடுத்து தொங்க விட்டுள்ளார்கள்.

என் பதிவுகளை பாக்கட்டிலா வைத்திருக்கிறேன்.பிக் பாக்கட் அடிக்க? எல்லோரும் பார்க்க இணையவீதியில் தானே விட்டிருகிறேன்? நான் மாய்ந்து மாய்ந்து எழுதுவதை நானே படித்து முடிக்குமுன் காபி பேஸ்ட் செய்து அவர்கள் தளங்களில் அவர்கள் பெயரில் போட்டுவிடுகிறர்கள். தங்களுடைய புகைப்படத்தையும் இட்டு பின்னூட்டங்களில் வரும் உண்மையான பாராட்டுகளை தனக்கு கிடைத்ததாக கருதி மகிழும் திரு பதிவர்களை என்ன சொல்வது? இவர்கள் நோக்கம் தான் என்ன? இதனால் அவர்கள் உலகப்புகழ் , கோடிபணம் சம்பாதிக்க போகிறார்களா? அடுத்தவன் செருப்பைத் திருடிக் காலில் போட்டுக்கொண்டு நடப்பவனுக்கும் இவனுக்கும் என்ன வித்தியாசம். திருடர்களுக்காவது ஆதாயம் இருக்கும். இப்படி காப்பி பேஸ்ட் செய்வதை விடுத்து என் பதிவுகளுக்கு இணைப்பு கொடுக்கலாமே ஏன் என் பதிவின் சாரத்தையோ கொடுத்து இணைப்பு கொடுத்தால் கூட என் எழுத்துக்கு கிடைத்த மரியாதை என நன்றியோடு இருப்பேன். பிறரது உண்மையான படைப்புகளுக்கு மதிப்பு கொடுக்கதெரியாத இவர்கள் தங்கள் போலிப்பதிவு புகழ் தருமென நம்புவதேன்.

எனக்கு இதில் ஒன்றும் குறைந்து போய்விடவில்லை என் பதிவுகள் வெளியானதும் கூகிழும் தமிழிஷும் என் பக்கத்திலே எப்போதும் உட்கார்ந்திருக்கும் நண்பர்களும் பத்திரப்படுத்திக் கொள்ளுவார்கள். ஒருவகையில் என் பதிவுகள் பிடித்துப் போனதனாலே தானே பாசக்காரங்க அவர்கள் தளத்தில் என் பதிவை பத்திரப்படுத்துகிறார்கள் என்று அவர்கள் மேல் கோபத்திற்கு பதில் அனுதாபமும் வருகிறது. ஆனாலும் அந்த செயலை அங்கீகரிக்க முடியவில்லை.இந்த கேவலத்துக்கு பதில் நன்றி என்ற ஓர் வார்த்தையுடன் ஒரு இணைப்பு கொடுத்தால் கவுரமான பதிவராக இருக்கலாமே.

நன்றி என்பது நாம் கேட்டுப் பெறுவதல்ல. நன்றி காட்ட விரும்பாதவர்களுடைய நன்றி யாருக்கு வேண்டும். என் பதிவை தனதாக காட்டிக்கொண்டால் தனக்கு மதிப்பு கிட்டும் என கருதுபவர்கள் பெற்றுக்கொள்ளட்டும். அதுவும் என் பதிவுக்கு கிடைத்த அங்கீகாரம் தான். ஆனால் அவர்கள் செயல் சுயமரியாதை கடமை, கண்ணியம் ,கட்டுப்பாடு எல்லாம் பேசிவரும் தமிழர்கள் கலாச்சாரமாகி விடக்கூடாது என்ற கவலை தான்.

இந்தப் பதிவையும் அவர்கள் கண்டிப்பாக பார்ப்பார்கள் பார்த்துவிட்டு தவறை திருத்திக்கொள்ள சந்தர்ப்பம் கொடுக்கிறேன். என் தளத்துக்கு முறையாக இணைப்பு கொடுத்தால் போதும். தவறுதலாக செய்த மனசாட்சியுடைய பதிவர்கள் திருத்திக்கொள்வார்கள்.

என் பதிவை திருடி விட்டார்கள் என்று புலம்புவதற்காக இதை எழுதவில்லை. என்னை விட அருமையாக எழுதும் ஒவ்வொரு பதிவரும் தங்கள் கடின உழைப்பு இப்படிப்பட்ட திருவாளர்களால் திருடப்படுகிறதா என தங்கள் சிறந்த பதிவுகளை கூகிளிலும் http://www.copyscape.com/ தளத்திலும் போட்டு அலசிப்பாருங்கள். இணையத்தில் உலவும் பல களைகள் அதை தன் பெயருக்கு பட்டா போட்டுக் கொண்டிருப்பதை காண்பீர்கள்.

இப்படிப்பட்ட களைகளை,கொசுக்களை என்ன செய்யலாம் என தங்கள் அரிய நேரத்தையும் சிந்தனையும் செலவு செய்து பதிவெழுதும் என் நண்பர்களின் கருத்தை கேட்க விரும்புகிறேன். அவர்கள் அனுபவத்தையும் கேட்க விரும்புகிறேன். ஏனென்றால் இது என் பிரச்சனை மட்டுமல்ல நம் எல்லோரது பிரச்சினை. மறக்காமல் உங்கள் கருத்தை பின்னூட்டமிடுங்கள்.

Download As PDF

20 December 2009

நம் உணவுப் பழக்கம் சரிதானா?


மனிதன் தோண்றி சுமார் இரண்டு மில்லியன் ஆண்டுகளாக அவனது பிராதான உணவு வேட்டையாடி புசித்த மாமிசமும் பழங்கள் போன்ற தாவர உணவும் தான். இத்தகைய உணவை ஏற்றுக்கொள்ளும்படிதான் அவனது மரபணுக்களும் ஜீரண மண்டலமும் பரிணாமத்தால் பக்குவப்பட்டிருக்கிறது. மனித வரலாற்றில் மிக சமீப காலத்தில் தான் விவசாயம் கண்டுபிடிக்கப்பட்டது. அதாவது சுமார் ஆறாயிரம் வருடங்களாகத்தான் மனிதன் பெருமளவு அரிசி கோதுமை சர்ககரை போன்ற மாவு சத்துப் பொருட்களை உற்பத்தி செய்து உண்ணப் பழகியிருக்கிறான்.

உளவியல் ரீதியாகவும் நாகரீகத்திலும்,தொழில் நுட்பத்திலும் குறுகிய காலத்தில் நாம் பெரிதும் முன்னேற்றமடைந்திருந்தாலும் அவ்வளவு வேகத்தில் மாறிய உணவுப்பழக்கத்திற்கேற்ப நம் பிஸியாலஜியோ அதை நிர்ணயிக்கும் மரபணுக்களோ மாறவில்லை என்பதே உண்மை. தற்கால உணவுப் பழக்கத்தால் உடலில் அதிகப்படியாக சேரும் மாவு சத்தை எப்படிக் கையாள்வது என உடலின் பழமையான ஜீரண நிர்வாகம் திணறுகிறது.

நம் முன்னோர்கள் இயற்கையாக விளைந்த சத்தான உணவுகளை மண்ணிலிருந்து நேரடியாக உண்டார்கள். ஆனால் இன்று நாம் உண்பது 90% உணவும் தொழிற்சாலைகளில் உற்பத்தி செய்யப்பட்டு பதப்படுத்தியது. அரிசி கூட அதன் நல்ல சத்துகள் நிறைந்த தோல் தீட்டப்பட்டே கிடைக்கிறது.தொழில் நுட்ப சாத்தியமும் வியாபாரக் கண்னோட்டமுமே நமது தற்போதைய உணவுப் பழக்கத்தை தீர்மானிக்கிறது. எது உடலுக்கு தேவையான உணவு என்பதை விடுத்து எது சுவையானது என்று பார்த்து அதை மட்டுமே பெருமளவு உற்பத்தி செய்தும் உண்டு வருகிறோம். சுவையான எல்லாப் பொருட்களிலும் கொழுப்பு முக்கிய அம்சமாக இருக்கிறது. இன்று சூப்பர் மார்கட்டில் கிடைக்கும் எந்த பொருளுமே அதிக கலோரி தரும் மாவு, கொழுப்பு, இனிப்பு பொருட்களாகவே நிறைந்து கிடக்கிறது. அனேக உணவுப்பொருட்களுக்கு பால் ,கோதுமை அடிப்படை பொருளாக இருக்கிறது. நம் உடல் தேவைக்கும் அதிகமாக மாவுசத்தை உள்ளே தள்ளுகிறோம். போதாக்குறைக்கு வெறும் கலோரி மட்டுமே தரக்கூடிய சர்க்கரையை வித விதமான வடிவத்தில் விழுங்குகிறோம்.

USDA Food pyramid பரிந்துரைக்கும் தினமும் 6-11servings மாவுப்பொருள் உணவுத்திட்டம் கூட தவறானது.இது நம் தேவைக்குமிகவும் அதிகமானது. அதிகப்படியான மாவுசத்து, இனிப்பு சத்து திடீரென ரத்தத்தில் சர்க்கரை அளவை அதிகரித்து சர்கரை நோயாளியாக்கி விடுகிறது. அதிக சர்கரை ரத்த வெள்ளையணுக்களை பாதிக்கிறது.இதனால் நோயெதிர்ப்பு சக்தி குறைந்து எளிதில் தொற்று நோய்களால் தாக்கப்படுகிறோம்.

இரத்தத்தில் திடீரென மாவு சத்தும், இனிப்பு சத்தும் அதிகரிக்கும் போது பாங்க்ரியாஸ் இ ரத்தத்தில் இன்சுலினை சுரந்து அதிகப்படியான இனிப்பை கொழுப்பாக மாற்றி சேமிக்கிறது. பின்னொரு சமயம் மனிதன் பட்டினி கிடக்க நேர்ந்தால் சேமிக்கப்பட்ட இந்த கொழுப்பு மீண்டும் சக்தியாக மாற்றப்படும்.இது பல்லயிரம் ஆண்டுகளாக மனிதனின் உணவுப்பகக்கத்தை ஒட்டி உடலில் பரிணாமம் பெற்ற ஒரு பாது காப்பு அமைப்பு. ஆனால் இன்றைய நிலை வேறு. இல்லாதவனுக்கு சேமிப்பதற்கு எந்த உணவும் இல்லை. இருப்பவனுக்கு உணவுக்கு பஞ்சமும் இல்லை. எல்லா உணவும் அவனுக்கு கொழுப்பு உணவாகிப்போனால் எவ்வளவுதான் உடல் சேமிக்கும். அது எப்போது செலவளியும்.

நாகரீக மனிதன் உடல் இயக்கத்தை தொழில் நுட்பதால் குறைத்துக் கொண்டான். ரிமோட் கண்ட்ரோலில் எல்லாவற்றையும் இருந்த இடத்திலிருந்து இயக்கலாம். உட்கார்ந்தே வேலை பார்க்கும் அலுவலகங்கள், வாகனங்கள், இயந்திரங்கள், கை பேசிகள், இணையம் என எவ்வளவோ முடியுமோ அவ்வளவு தசைகளுக்கு வேலை குறைந்து விட்டது. சாப்பிடும் போது கூட உணவை மென்று கஷ்டபடக்கூடாது என்று வேக வைத்து சாப்பிட்டு பார்த்தான் . இப்போதெல்லாம் அநேக உணவுகள் மென்மையாக , ப்ரெட், ஐஸ்க்ரீம் , பிட்ஸா என்று வாய்க்கு கூட வேலை வைப்பதில்லை. இதன் விளைவு உடல் பருமன், மூட்டுவலி, கொலஸ்ட்ரால், சர்கரை நோய், இதய நோய், இரத்த அழுத்தம் ,டென்சன்.......
மாமிசம் மற்றும் இயற்கையான தாவர உணவை குறைத்து வெறும் மாவு சத்து மட்டும் நிறைந்த தானிய உணவு பெருமளவு உட்கொள்ளத்தொடங்கிய பின் சராசரி மனித ஆயுள் குறைந்து விட்டது. சிசுமரணம், நோயெதிர்ப்பு சக்தி குறைந்து எளிதில் தொற்று நோய்களால் பாதிக்கபடுவது அதிகரித்து விட்டது.

ட்யூக் யுனிவர்சிடியின் ஆராய்ச்சிக் குறிப்புகளில் ஒன்று அதிகமான மாவு சத்து உண்பது புற்று நோயை ஊக்குவிப்பதாக தெரிவிக்கிறது.

தேவைக்கு மட்டும் உண்பதும் அதிகமான கொழுப்பை வேலை செய்தும் நோன்பிருந்து குறைத்தும் சமநிலையில் வைக்கவேண்டும். முடிந்த அளவு இயற்கையான உரத்தில் விளைந்த இயற்கையான தாவர உணவுகளை ஃப்ரெஸ்ஷாக உண்ணவும். மாமிச உணவும் உடலுக்கு இயைந்ததே, தேவையானதும் கூட. மாவு,கொழுப்பு சர்க்கரை சத்துகள் தேவைக்கு மிகாமல் பார்த்துக்கொள்ளவும். தேவையான உப்பு நாம் உண்ணும் உணவிலேயே கிடைப்பதால் உப்பு தனியாக தேவையில்லை.

அனேக சுவை உணவுகளில் பால் சேருகிறது. பசுவின் பால் அதன் கன்றுக்குட்டியின் தேவைக்காக இயற்கை அளித்தது. பசு புல் தானே தின்னுகிறது. மனிதன் மட்டும் அதன் பாலை அளவுக்கு அதிகம் உணவில் பயன்படுத்துவது மனித உடல் தேவைக்கு மாறானது. ரத்தத்தில் கொழுப்பு சத்தை அதிகரிக்கச்செய்கிறது.

மரபணு மாற்றம் செய்யப்பட்ட தாவர உணவுகளை உண்பதால் என்னென்ன பிரச்சனைகள் வருமென்பதை உடனே அறிய முடியாது. பிற்காலங்களில் அதற்கு உரிய விலை கொடுக்க வேண்டி வரலாம்.

ரசாயனகூடங்களில் இருக்க வேண்டிய எவ்வளவோ பொருட்கள் இன்று உணவு மேஜைக்கு வந்து விட்டது. உணவு உற்பத்தி என்பது விவசாயிகள் கையை விட்டுப் போய் விஞ்ஞானிகள் கைக்கும் அதை இயக்கும் பெரும் வியாபார நிறுவனங்களின் தந்திர மூளைக்கும் போய்விட்டது. வியாபாரப் போட்டியில் இருக்கும் இவர்களுக்கு வருங்கால மக்கள் நலனை பற்றியா கவலை? மரத்திலிருந்து பறித்து உண்ணும் மாம்பழத்தை விட ரசாயனங்களால் செய்த மாம்பழச்சாறு போன்ற திரவத்தை சிறந்ததாக மக்களிடம் பரிந்துரைக்கிறார்கள். ஒரு பழத்தில் இருக்கும் இயற்கையான ரசாயனப் பொருளுக்கும் ,குழந்தை உணவுகளில் அதிகமாக சேர்க்கும் செயற்கையான ரசாயன தாதுக்களுக்கும் வேறுபாடு உண்டு. குழந்தைகளை குறி வைத்து எவ்வளவு போலி சத்துணவுகள் தயாரிக்கப்படுகின்றன.

மருந்துகள் என்ற பெயரில் எவ்வளவோ பொருட்கள் உணவுக்கு சமமாக பயன்படுத்தப்படுகிறது. இதன் பின் விளைவுகள் முழுதும் தெரிந்து தான் பயன் படுத்துகிறார்களா?

பரிணாமத்தின் பல்வேறு கால கட்டங்களில் திடீரென உண்டாகும் மாற்றங்களுக்கு ஈடு கொடுக்க முடியாமல் தான் டைனோசர் போன்ற பல்வேறு உயிரினங்கள் பழங்கதைகளாகிப் போயின. இன்றைய காலங்களில் ஏற்படும் வேகமான மாற்றங்கள் , இயற்கையை விட்டு நீங்கிய உணவுப்பழக்கம் மனித வரலாற்றை அழித்து விடக்கூடாது.

சர்க்கரையை பற்றிய கசப்பான உண்மைகள் கானொளியில்
 



Download As PDF

10 December 2009

ADHD:கவனமற்ற பிள்ளைகளை கனிவுடன் கவனியுங்கள்

உங்கள் பையன் பள்ளிக்கூடத்தில் எப்போதும் குறைந்த மதிப்பெண் வாங்கிக் கொண்டு வருகிறானா?
எப்போதும் சுட்டித்தனம் மிகுந்து, சொல் பேச்சு கேட்காமல் இருக்கிறானா?
பிரம்பு வைத்திருக்கும் பெற்றோர்களே அவசியம் மேலே படியுங்கள்.

Attention-deficit hyperactivity disorder (ADHD) என்பது 4% முதல் 12% வரை பள்ளிப் பருவ பிள்ளைகளைப் பாதிக்கும் ஒரு உளவியல் பிரச்சனை. குறிப்பாக ஆண் குழந்தைகள் தான் அதிகம் பாதிப்படைகிறார்கள். வளர்ந்து பெரியவர்களானாலும் இதனால் அவர்கள் சமூகத்தில் பல்வேறு பிரச்சனைகளை சந்திக்கிறார்கள்.

வயதுக்கு மீறிய மூளையின் தீவிர செயல் தூண்டல் காரணம் அவர்களால் பள்ளியில் பாடங்களை பொறுமையாக கவனிக்க முடிவதில்லை. வீட்டில் , பள்ளியில் இவ்வாறு கவனமின்றி இருப்பது அவர்களது கல்வியையும் பிறருடனான நல்லுறவையும் பாதிக்கிறது. ADHD குழந்தைகள் அநேகமாக பெற்றோராலும் ஆசிரியர்களாலும் நண்பர்களாலும் வசையும் அடியும் வாங்கி பிறரால் இகழப்பட்டு தாழ்வு மனப்பான்மைக்கு உள்ளாகிறார்கள். வளர வளர இப்பாதிப்புகள் அவனை மேலும் மோசமான நிலக்கு இட்டுச் செல்கிறது.

ADHD இருக்கிறதா என தெரிந்து கொள்வது எப்படி?
ADHD உள்ள குழந்தைகள்
  • நாம் சொல்லுவதை ஒழுங்காக கேட்டு அதன் படி நடக்க மாட்டார்கள்.
  • வகுப்பில் பாடங்களை கவனிப்பதிலும் ,வேலை செய்யும் போதும் விளையாடும் போதும் அவர்கள் கவனம் நிலத்திருக்காது.
  • பள்ளிக் கூடத்தில் பென்சில்,பேனா, ரப்பர்,ஸ்கேல் என்று நாளும் தொலைத்து விட்டு வருவார்கள்.
  • ஏதாவது சொன்னால் மண்டையில் ஏறாதது போல் நிற்பார்கள்.
  • நுட்பமான விபரங்களை தெரிந்து கொள்ளவோ தெளிவாக விளங்கிக் கொள்ளவோ ஆர்வமிருக்காது.
  • நன்றாக யோசித்து செய்ய வேண்டிய செயல்களை செய்வதற்கு சிரமப்படுவார்கள்.
  • செயல்பாடுகளில் ஒரு ஒழுங்கு இருக்காது.
  • ஞாபக மறதி அதிகம் இருக்கும்.
  • எப்போதும் துறு துறுவென்று இருப்பார்கள்
  • ஓடுவது,குதிப்பது,மரங்களில் ஏறுவது என்று எதையாவது செய்து கொண்டிருப்பார்கள்.
  • அமைதியாக விளையாடமாட்டார்கள்.
  • முந்திரிக் கொட்டை போல் பதில் சொவார்கள்
  • பிறருக்கு தொல்லைகள் தருவார்கள்
  • ஒரே இடத்தில் கொஞ்ச நேரம் அமைதியாக உட்கார மாட்டார்கள்.
  • அதிகம் பேசுவார்கள்.
  • தன் முறை வரும் வரை பொறுமை காக்க மாட்டார்கள்.
  • யோசிக்காமல் செயல் படுவார்கள்.ஆபத்தாக செயல் படுவார்கள்
  • கவனமின்றி சாலையை கடப்பார்கள் .
  • யோசிக்காமல் சட்டென எதையாவது கூறி விடுவது.
  • கவனம் அடிக்கடி மாறிக்கொண்டே இருக்கும்.
  • சிலவற்றை செய்ய அடிக்கடி ஞாபகப்படுத்திக்கொண்டே இருக்க வேண்டும்
  • தூங்குவதில் சாப்பிடுவதில் பிரச்சனைகள் ஏற்படலாம்.
  • பயம் மற்றும் கோபத்தை கட்டுப்படுத்த முடியாது.
  • சக நண்பர்களோடு அடிக்கடி ஒத்துப் போகாது.
ADHD உள்ள பெரியவர்கள்
  • ADHD உள்ள குழந்தைகள் சரியாக கவனிக்கப்படாமல் ADHDயுடனே வளர்கிறர்கள்.
  • கோபம் மன அழுத்தம் போன்ற பிரச்சனைகளுக்கு உள்ளாகிறர்கள்.
  • கவனக்குறைவாக இருக்கிறார்கள்.
  • பிறருடன் சண்டை சச்சரவு ஒத்துப் போகாத தன்மை.
  • அலட்சியமாக வாகனம் ஓட்டி விபத்துக்குள்ளாவது.
  • புகைப் பழக்கம் ,போதைப் பழக்கத்துக்கு அடிமை யாவது.
  • அடிக்கடி வேலை மாறிக்கொண்டே இருப்பது.
  • பொருளாதாரப் பாதிப்புக்குள்ளாவது.
  • ரிலாக்ஸாக இல்லாமல் பரபரப்புடன் இருப்பது.
  • செய்யும் வேலையில் கவனமும் குறிப்பிட்ட நேரத்திற்குள் திட்டமிட்டு முடிப்பதும்முடியாமல் போவது.
  • தினசரி அலுவல்களில் கவனக்குறைவு
  • காது ,தொண்டை தொற்றுகள் காணப்படும்
ADHD எதனால் வருகிறது?
மூளையில் சிந்தனையை நிர்வாகிக்கும் பகுதியில் சில இடங்களில் போதுமான ரசாயன மாற்றங்கள் சரியாக நடைபெறாததே இதற்கு காரணம். ADHD உள்ள சிலரை Brain Scan செய்து பார்த்த போது frontal lobe செயல் பாடு குறைவாக இருப்பது தெரிந்தது. திட்டமிடுதல் , ஒழுங்கு படுத்துதல், கவனித்தல், போன்றவற்றிற்கு frontal lobe ன் செயல் பாடுதான் காரணம்.
  • நெருங்கிய உறவினர்களுக்கு ADHD இருந்தாலும் பிள்ளைகளுக்கு வர அதிகம் வாய்ப்பு இருக்கிறது.
  • கர்ப்பிணிகள் புகை பிடிப்பதாலும், புகை பிடிக்கும் கணவன் அருகிலிருந்தாலும் பிறக்கும் குழந்தை ADHDயுடன் பிறக்க காரணமாகலாம் என சில ஆராய்ச்சிகள் தெரிவிக்கிறது.
  • கருவுற்ற தாய்மார்கள் போதிய சத்துணவு உண்ணாவிட்டாலும், பிரசவ நேரத்தில் சிக்கல் இருந்தாலும் பிறக்கும் குழந்தை ADHDயுடன் பிறக்கலாம்.
  • போதிய சத்துணவு இல்லாததாலும், விஷப்பொருட்கள், பதனப்பொருட்கள், Lead , Mercury போன்ற கன உலோக தாதுக்கள் உண்பதாலும் அடிக்கடி ஆன்டி பயாட்டிக் எடுத்துக் கொள்வதாலும் குழந்தைகளுக்கு ADHD வரும்.
  • தவறான வளர்ப்பு முறையால் இது வருவதல்ல . ஆனால் சரியான வளர்ப்பு முறை அதை மேலும் மோசமாகாமல் பாது காக்கும்.
சிகிட்சை என்ன?
மேல் கண்ட குறைபாடுடைய குழந்தகளுக்கு ADHD இருக்கிறதா என ஒரு மனோ தத்துவ மருத்துவர் உதவியுடன் கண்டறிய வேண்டும். கண்பார்வை குறைவு , காது கேளாமை போன்ற வேறு காரணங்கள் இருக்கிறதா? என்றும் ஆராயப்பட வேண்டும். குறைப்பாடுள்ள குழந்தைகளை குற்றம் சாட்டுவது தண்டிப்பதும் கூடாது. சில குழந்தகளுக்கு நல்ல மனோ தத்துவ ஆலோசனை தேவைப்படலாம். அல்லது மருத்துவ சிகிட்சை தேவைப்படும். psychostimulant மருந்துகள் பயன் படுத்துவது நோய்குறியை மிதப்படுத்தினாலும் நோயை குணப்படுத்துவதில்லை. மேலும் பக்க விளைவுகளும் ஏற்படுத்தக்கூடியது.

பொதுவாக ADHDக்கு methylphenidate,dextroamphetamine ,pemoline,atomoxetine,Adderall போன்ற மருந்துகளை மருத்துவர் பரிந்துரைத்தால் பயன் படுத்தலாம்.

பெற்றோர்கள் தங்கள் பிள்ளைகளுக்கு எப்படி உதவலாம்?
  • நேரக்கட்டுப்பாடு: காலையில் எழுவது,சாப்பிடுவது,பள்ளிக்கூடம் போவது , விளையாடுவது, வீட்டுப்பாடங்கள் செய்வது, படிப்பது, டிவி பார்ப்பது, தூங்கப் போவது போன்ற தினசரி செயல்களை அதற்குரிய நேரத்தில் செய்யும் படி அட்டவணை இட்டு அவர்கள் கண்ணில் படும் இடத்தில் பெரிதாக ஒட்டி வைத்திருக்க வேண்டும் அதன்படி நடக்க செய்ய வேண்டும்.
  • உடல் தசை இயக்கப் செயல்களுக்கு முக்கியத்துவம் கொடுத்து டீவி, வீடீயோ கேம், கம்ப்யூட்டர் முன் உட்காரும் நேரத்தை இரண்டு மணி நேரத்திற்குள் இருக்கும் படி பார்த்துக் கொள்ள வேண்டும்.
  • வீட்டில் எப்படி நடந்து கொள்ள வேண்டும் என்று சிறு சிறு விதிகளை உருவாக்கி அதை சரியாக கடை பிடிக்க செய்து பழக்க வேண்டும்.
  • குழந்தைகளிடம் பேசும் போது நேராக தெளிவாக அமைதியாக மென்மையாக சொல்ல வேண்டியதை சொல்லி அதை அவர்கள் புரி்ந்து கொண்டதையும் கேட்டு உறுதிப்படுத்திக் கொள்ள வேண்டும்.
  • குழந்தைகள் சரியாக நடந்து கொள்ளும் பட்சத்தில் பாராட்ட வேண்டிய இடங்களில் பாராட்டி உற்சாகப்படுத்த தவறாதீர்கள்.
  • அவர்களை எப்போதும் கண்காணிப்பில் வைத்திருங்கள் ஏடாகூடமாக எதையாவது செய்துவிடும் அபாயம் எப்போதும் உள்ளது.
  • நண்பர்களுடன் எப்படி நடந்து கொள்கிறார்கள் என்று கவனியுங்கள்.
  • டிவி ,விருந்தினர் வருகை போன்றவற்றால் கவனம் சிதறாமல் இருக்க ஏற்ற இடத்தை படிப்பதற்கு வசதியாக அமைத்துக் கொடுக்கவும்.
  • எப்போதும் படி படி என்று கட்டாயப்படுத்தாமல் சின்ன சின்ன இடைவெளி விட்டு ஹோம் வொர்க் செய்ய அனுமதிக்க வேண்டும்.
  • எதற்கும் அவர்களை அவசரப்படுத்தாதீர்கள்
  • அவர்கள் மதிப்பெண்களை மற்ற பிள்ளைகளின் மதிப்பெண்களுடன் ஒப்புமைப் படுத்தி மட்டம் தட்டாமல்.மேலும் அதிக மாதிப்பெண் எடுக்க அவர்கள் எடுக்கும் முயற்சிகளை ஊக்கப்படுத்தி பாராட்டுங்கள்.
  • பள்ளியில் அவர்கள் நடந்து கொள்ளும் விதம் பற்றி பள்ளி ஆசிரியர்களுடன் கலந்து பேசி அவர்கள் முன்னேற்றத்தை பற்றி தெரிந்து கொள்ளுங்கள்.
  • வகுப்பறையில் முன் இருக்கைகளில் இடம்பெற செய்வது அடிக்கடி கவனம் கலைவதை தடுக்கும்.
ADHD உள்ள குழந்தைகள் என்ன சாப்பிடலாம்?
சத்தான சமச்சீரான உணவு தேவை. சில குழந்தகளுக்கு சில உணவு ஒவ்வாமை ஏற்படுத்தி நிலமையை மோசமாக்க கூடும். கோதுமை, ஈஸ்ட், பால், சோளம், சோயா, உணவு பதப்படுத்திகள், உணவுச் சாயங்கள் பொதுவாக ஒவ்வாமை ஏற்படுத்தும் உணவுப்பொருட்கள். இந்நிலையில் இவற்றை கண்டறிந்து தவிர்ப்பது நலம்.

உணவில் சேர்க்க வேண்டியவை:
  • மோர், தயிர் போண்றவற்றில் உள்ள நன்மை செய்யும் பாக்டீரியாக்கள் குடல் நலத்தை பாதுகாத்து, நோயெதிர்ப்பு சக்தி்யை வளர்த்து, விஷப்பொருட்களை உடலிலிருந்து வெளியேற்ற உதவுகிறது
  • இயற்கை உரத்தில் வளர்ந்த பழங்கள் காய்கறிகள் ,பட்டை தீட்டாத அரிசி,ஓட்ஸ்.
  • புரத சத்து தேவைக்காக நாடன் கோழி, மீன்கள், அவரை, கடலை, பருப்பு வகைகள்.
  • சமையலுக்கு தேங்காய் எண்ணெய், சுத்தமான நெய்.
  • மீன் எண்ணெயில் காணப்படும் omega-3 fatty acids EPA மற்றும் DHA மூளைக்கு நல்லது.
  • விட்டாமின் B,விட்டமின் C,மக்னீசியம்,செலினியம்,இரும்பு சத்து ,துத்த நாகம் போன்ற சத்துக்கள் மூளையின் செயல் பாட்டுக்கு முக்கியமானவை.
  • கிரீன் டீ யில் உள்ள L-theanine என்ற அமினோ அமிலம் டென்ஸனை குறைத்து நல்ல தூக்கத்திற்கு உதவுகிறது ADHD பாதிப்பை குறைக்கிறது.
உணவில் தவிர்க்க வேண்டியவை:
ஃபாஸ்ட் ஃபுட்,நொறுக்கு தீனிகள், பர்கர்கள், இனிப்பு வகைகள், மிட்டாய்கள் பதனப் பொருட்கள், சுவையூட்டிகள், செயற்கை இனிப்பூட்டிகள் போன்ற எல்லா விளம்பர பொருட்களையும் தவிர்த்தல் வேண்டும்.

எல்லாவற்றுக்கும் மேலாக அவர்களால் உருவாகும் தொல்லைகளால் எரிச்சலடையாமல் அவர்களிடம் கனிவாக பாசமாக நடந்து கொள்வது அவர்களை நல்ல மன நலம் உடையவர்களாக வளர உதவும்.

Related Links:
http://en.wikipedia.org/wiki/Attention-deficit_hyperactivity_disorder
மூளை வளர என்ன சாப்பிடலாம்?
பள்ளிக்கூடம் படிக்க ஒரு பாடநூல் தேவை
குழந்தைகள் பாதுகாப்பு -சில டிப்ஸ்
வலிப்பு நோய் (epilepsy)
10 ஆயிரம் மணி நேரம் போதும் மேதையாகலாம்

Download As PDF

06 September 2009

மின்சார சிக்கனம்-எளிய வழிகள்


மின்சாரத்தைத் தொட்டால் ஷாக் அடிக்கும் என்பது தெரியும். சில வேளை மின்சார வாரியம் வழங்கும் பில்கள் கூட ஷாக் அடிக்கும். மின்சாரத்தை நாம் அதிகமாக உபயோகிக்கும் போது ஒரு மீட்டரில் அது செலவுக்கணக்கில் எண்ணப்பட்டுக் கொண்டிருக்கிறது என்பதை எப்போதும் நினைவில் வைத்திருந்தால் இது போன்ற ஷாக் தவிர்க்கலாம். மின்சாரத்தை சிக்கனப்படுத்த சில எளிய வழிகளை கடைபிடித்தாலே போதும்.
முதலாவது தெரிந்து கொள்ள வேண்டிய விஷயம் மின்சாரவாரியம் கட்டணங்களை அளவிடும் முறை. மின்சாரம் அறவே உபயோகிக்காவிட்டாலும் குறைந்த பட்ச கட்டணம் செலுத்தியாக வேண்டும். பயனீட்டு அளவு அதிகரிக்கும் தோறும் ஒரு யூனிட்டுக்கான கட்டணம் படிப்படியாக அதிகரித்துக் கொண்டே போகும். எவ்வளவு குறைவாக மின்சாரம் செலவளிக்கிறோமோ அதற்கேற்றபடி ஒரு யூனிட்டுக்கான கட்டணம் குறைவாக இருக்கும். அதற்காக வீட்டில் எல்லா விளக்குகளையும் அணைத்து போட்டுவிட்டு இருளில் இருப்பதால் எங்கேயாவது போய் முட்டிக்கொண்டு ஆஸ்பத்திரி பில் கட்ட வேண்டி வரும். பின் எப்படித்தான் மின்சாரத்தை எப்படி சிக்கனப்படுத்துவது?
  • சாதாரண குண்டு பல்புகள் எரியும் போது மின்சாரத்தின் பெரும்பகுதி வெப்ப சக்தியாக வீணாக வெளியிடப்படுகிறது. இது புவி வெப்பம்(Global warming) அடையவும் காரணமாகிறது. எனவே இதை ஒழித்துக்கட்டிவிட்டு குழல் விளக்குகள் (Flourescent Tube lights) அல்லது C.F.L (Compact Flourescent lights) விளக்குகள் பயன்படுத்தினால் மின்சாரம் பெருமளவு சிக்கனப் படுத்தலாம். குழல் விளக்குகள அதிக வெப்பம் அடைவதில்லை. ஆனால் அவற்றில் பயன் படுத்தப்படும் பாதரச வாயு நச்சுத்தன்மை வாய்ந்தது எனவே ஃபியூஸ் ஆன குழாய் விளக்குகளை உடைக்காமல் அப்புறப்படுத்த வேண்டும். ஒரு சி.எஃப்.எல். பல்பு, வழக்கமான பல்பைக் காட்டிலும் ஐந்து மடங்கு வெளிச்சத்தைத் தருகிறது. நீங்கள் 60 வாட்ஸ் சாதாரண பல்புக்கு பதிலாக 15 வாட்ஸ் சி.எஃப்.எல். பல்புகளை உபயோகித்தால், குறைந்தபட்சம் ஒரு மணிநேரத்திற்கு 45 வாட்ஸ் மின்சாரத்தை மிச்சப்படுத்த முடியும்.மேலும் மஞ்சள் ஒளிக்கு பதில் வெள்ளை ஒளி தருகிறது.
  • சாதாரண குழாய் விளக்குகளிலும் Ballast எனப்படும் பழைய சோக்குகளில் தாமிரம் அல்லது அலுமினிய கம்பிகள் சுற்றப்பட்டு இருக்கும்.இதிலும் உண்டாகும் மின் தடை (Resistance) காரணம் கொஞ்சம் மின்சக்தி வெப்ப சக்தியாக வீணாகிறது. இந்த சோக்குகளை மாற்றி விட்டு எலெக்ட்ரானிக் சோக்குகள் பயன் படுத்தினால் மின்சாரம் சேமிக்கலாம்.அதோடு இதற்கு ஸ்டார்ட்டர் தேவையில்லை எனவே சுவிட்ச் இட்டதும் எரியும். குறைந்த மின் அழுத்தத்திலும் வேலை செய்யும். 50 Hz துடிப்புள்ள வீட்டு மின்சாரம் எலெக்ட்ரானிக் சோக்கில் அதிக அதிர்வெண்ணுடைய மின் துடிப்ப்பாக மாற்றப்படுவதால் குழல் விளக்கு ஒளியில் FLicker இருக்காது, Eficiency யும் 20%அதிகம்.
  • கொஞ்சம் வெளிச்சம் குறைவாக போதும் என்ற இடங்களில் Hi Power LED விளக்குகள் உபயோகிக்கலாம். 0.6 watts மின் சக்தி மட்டுமே எடுத்து கொள்ளும் இத்தகைய Power LED (Light Emitting Diodes) யின் ஒளி 25 Watts பல்புக்கு அல்லது11 Watts CFL விளக்கின் ஒளிக்கு சமம். மின்சாரம் இல்லாத இடங்களிலும் பாட்டரி மற்றும் சூரிய மின்கலன்கள் மூலம் இயக்கலாம். அந்த அளவு மிக குறைந்த மின் சக்தி தான் தேவை. இப்போது குழல் விளக்கிற்கு பதிலாகவும் , கார் முகப்பு விளக்கிலும் கூட LED க்கள் பயன் படுகின்றன. இதற்காகும் குறைந்த செலவை விரைவில் மின்சார சேமிப்பால் ஈட்டிவிடலாம். LED ஒளியில் வெப்பம் ஏற்படாது. இதன் Efficiency 90%. நீங்களே செய்ய LED Lamp Project
  • சமையல் அறையில் உணவருந்தும் இடங்களில் போதுமான வெளிச்சம் இருக்க வேண்டும். தொலைக் காட்சிப் பெட்டி இருக்கும் அறையில் மெல்லிய வெளிச்சம் போதும். அதுவும் டிவிக்கு பின்புறமிருந்து வர வேண்டும். படுக்கை அறையிலும் மெல்லிய விளக்குகள் போதும்.வீட்டில் விளக்குகள் அமைக்கும் போது சரியான இடங்களில் சரியான வெளிச்சம் தரும் விளக்குகளை அதிக நிழல் விழாமல் சிறப்பாக அமைக்க வேண்டும். கண்ணை உறுத்தும் பிரகாச விளக்குகள் தேவை இல்லை.
  • வெப்பம் அதிகம் வெளியிடப்படும் அறை விளக்குகளால். குளிரூட்டிகள், குளிர் பதன பெட்டிகளின் மின் செலவு அதிகரிக்கிறது.
  • வீட்டில் எல்லா இடங்களிலும் ஏசி அவசியமற்றது. அதிலும் ஏசி இருக்கிற அறையின் சுவர்களும் கதவுகளும் உள்ளே இருக்கும் குளிர் காற்று வெளியேறாமல் இருக்கும்படி அமைக்கப்பட வேண்டும். திறந்தே உள்ள இடங்களில் ஏசி பயனற்றது. அதிக நபர் புழங்கும் மூடப்பட்ட அறைகளில் அடைபட்டு கிடக்கும் காற்றில் சுத்தமான பிராண வாயு இருப்பதில்லை.
  • இந்தியாவில் ஏசி தேவையற்ற ஒன்று வீட்டை சுற்றி நல்ல மரங்களும் சாதாரண மின் விசிறியும் இருந்தாலே போதும் . தண்ணீர் காற்றில் ஆவியாவதால் காற்றை குளிரச்செய்யும் Air Cooler கள் காற்றில் ஈரப்பதம் குறைந்த இடங்களிலேயே நன்றாக வேலை செய்யும். காற்றில் ஈரம் நிறைந்த நம் நாட்டுக்கு சரிப்படாது.
  • ஏசி குளிர் அளவை சரியான வெப்பநிலையில் வைக்கவும். நடுங்கும் அளவு குளிர வைத்து விட்டு மூன்று போர்வை போர்த்திவிட்டு இருக்கத் தேவையில்லை. நம் உடல் சரியாக இயங்கவே அதற்குரியவெப்பம் தேவை.வெளி வெப்பநிலை அதற்கு கீழே போனால் உடலே தன் சக்தியை வெப்பமாக செலவளித்து உடலை சரியான வெப்பநிலையில் வைக்க முயலும். இதை புரிந்து கொண்டு ஏசியானாலும் மின் விசிறியானாலும் தேவைப்படும் அளவில் வெப்ப கட்டுப்பாட்டில் வைத்திருக்கவும்.
  • மின் விசிறிகளில் உள்ள பழைய மின்தடை ரெகுலேட்டர்களை மாற்றி விட்டு எலெக்ட்ரானிக் ரெகுலேட்டர்கள் உபயோகித்தால் மின்சாரம் சேமிக்கலாம். மின்தடை ரெகுலேட்டர்களில் மின் விசிறி வேகம் குறைவாக வைக்க மின் தடையை பயன் படுத்துகிறோம்.இந்த மின் தடை கொஞ்சம் மின்சாரத்தை வெப்பமாக மாற்றி வீணாக்குகிறது. எலக்ட்ரானிக் ரெகுலேட்டர்கள் மூலம் வீட்டு மின்சார அலையின் ஒரு பகுதியை மட்டும் பயன் படுத்தி மின் விசிறி வேகத்தை கட்டுப்படுத்துகிறது. எனவே குறைந்த வேகத்தில் சுழலும் விசிறி குறைவான சக்தியே பயன்படுத்தும்.
  • படுக்கை அறையில் லைட் மற்றும் ஃபேன் சுவிட்சுக்கள் படுக்கைக்கு அருகே இருப்பது நலம். நடு இரவில் குளிர் அதிகமானால் ஃபேன் வேகத்தை குறைக்கவோ நிறுத்தவோ எளிது.
  • சிறிய குடும்பமென்றால் ஒரே அறையில் தூங்குவதால் தனித்தனி விசிறி தேவைப்படாது. தினமும் இரவும் பகலும் ஓடும் மின் விசிறிகள் தான் மின்செலவை அதிகப்படுத்துவதில் முதலிடத்திலிருப்பது.
  • அதிக efficiency உடைய சில உயர்தர மின் விசிறிகள் சக்தி குறைவாக செலவளிக்கும்.
  • வீடுகள் அமைக்கும் போது நல்ல காற்றோட்டமும் வெளிச்சமும் வரும்படி ஜன்னல்கள் அமைப்பதால் பகலில் மின்சாரம் பெருமளவு மிச்சப்படுத்தலாம்.
  • சில வீடுகளில் யாரும் பார்கிறார்களோ இல்லையோ காலை முதல் இரவு வரை டீவி ஓடிக்கொண்டிருக்கும். இதை தவிர்க்க வேண்டும். தொலைகாட்சி பார்க்கவேண்டுமென்றால் அதற்குரிய நேரம் ஒதுக்க வேண்டும். அளவாக வைத்துக்கொள்ள வேண்டும்.குடும்பத்தில் உள்ள எல்லோரும் சேர்ந்திருந்து கொஞ்ச நேரம் பார்க்கலாம். மற்றபடி எந்த வேலைகளையும் பாதிக்காமல் எஃப் எம் ரேடியோ கேட்கலாம்.
  • மின்சாரத்தை விரயம் செய்து ஊர்முழுக்க மின் விளக்குகளால் அலங்கரித்து காது கிழிய மைக்செட் வைத்து அலறும் பொது விழாக்களையும் வீட்டு விழாக்களையும் ஊக்குவிக்க கூடாது. விழாக்கள் எதுவானாலும் எளிமையாகவும் பயனுள்ளதாகவும் மகிழ்சியை பகிர்ந்து கொள்வதாகவும், சுற்று சூழலக்கு கேடு செய்யாமலும் இருக்க வேண்டும்.
  • இசை கேட்க விரும்பினால் ஒலிபெருக்கியின் அளவை குறைத்து உங்களுக்கு மட்டும் கேட்கும்படி செய்வதும் மின் சேமிப்பு மட்டுமல்ல சுற்று சூழலுக்கும் நல்லது.
  • குளிர் பதன பெட்டிக்குள் ஒரு மாதத்திற்கு தேவையான காய்கறிகளை போட்டு அடைதது வைக்க தேவையில்லை. அவ்வப்போது Fresh ஆக வாங்கிப் பயன்படுத்தவும்.
  • உங்கள் குடும்பத்துக்கு தேவையான சைசில் உள்ள ஃபிரிட்ஜ் வாங்கவும் சிறிய குடும்பத்திற்கு பெரிய ஃபிரிட்ஜ் தேவையில்லை.
  • தேவையற்ற பொருட்களை ஃபிரிட்ஜுக்குள் திணித்து வைக்காதீர்கள்.
  • ஃபிரிட்ஜை மின்சாரம் சேமிக்கிறேன் என்று அடிக்கடி அணைத்து போடாதீர்கள். தேவையான அளவு குளிர்ந்ததும் ஃபிரிட்ஜ் தானாகவே ஆஃப் ஆகிவிடும்.தேவையின்றி அடிக்கடி ஃபிரிட்ஜை திறந்து மூடாதீர்கள். உள்ளே இருக்கும் குளிர் வேளியே வெளியேறினால் அதை ஈடுகட்ட ஃபிரிட்ஜ் அதிக நேரம் இயங்கும்.ஃபிரீசருக்குள் ஐஸ் கட்டிகள் நிறைந்திருந்தால் மட்டும் கொஞ்ச நேரம் அணைத்துப் போடவும்.
  • அவசரம் இல்லையெனில் வாஷிங் மெஷினில் ட்ரையர் பயன் படுத்துவதை தவிர்த்து துணிகளை கொடியில் உலர்த்தலாம்.
  • அதிகம் கசங்காத நல்ல ரக துணிகள் குறைவாக இஸ்திரி செய்தால் போதும். டீ ஷர்ட்,பனியன்கள் போன்றவை மூலம் இஸ்திரியில் மின் சேமிக்கலாம். அடிக்கடி இஸ்திரி போடுவதை தவிர்த்து மொத்தமாக ஒரே நேரம் இஸ்திரி போடுவது நல்லது.
  • மின்சார அடுப்பில் சாதாரண நிக்ரோம் கம்பியிலான ஹீட்டிங் எலிமென்ட் உள்ள அடுப்பு , மின்சார குக்கர் அதிக மின் விரயம் செய்யக்கூடியதும் ஆபத்தானதும் கூட. அதற்கு பதிலாக இன்டக்சன் அடுப்பு பயன் படுத்தலாம்.இதில் அடுப்பு சூடாவதில்லை .அதில் வைக்கப்பட்ட இரும்பு, ஸ்டீல் பாத்திரம் மட்டுமே சூடாவதால் இதன் Eficiency மற்றும் பாதுகாப்பும் அதிகம். இது மின்சாரத்தை செலவு செய்தாலும் சமையல் Gas ஐ சேமிக்கிறது. மைக்ரோ வேவ் அடுப்பு பாத்திரத்தை கூட சூடாக்காமல் உணவை நேரடியாக சூடாக்குவதால் அதன் efficiency யும் அதிகம் என்றாலும் இந்திய சமையலுக்கு அதன் பயன்பாடு சற்று குறைவே.
  • வாட்டர் ஹீட்டர் அதிக சக்தி விழுங்கக்கூடியது. தேவையின்றி பயன் படுத்த வேண்டாம்.
  • சூரிய சக்தியை பயன்படுத்தி, தண்ணீர் சூடாக்கலாம், தண்ணீர் சுத்தீகரிக்கலாம்,சமையல் செய்யலாம்,மின்சாரம் பெறலாம் ,விளக்குகள் எரிக்கலாம்.
  • தண்ணீரை சிக்கனமாக செலவளிப்பதன் மூலம் அடிக்கடி நிலத்தடி நீரை டாங்கிற்கு பம்ப் செய்ய வேண்டிவராது மின்சாரம் சிக்கனமாகும்.
  • காற்றின் உதவியால் இயங்கும் பம்ப் அமைத்து நிலத்தடி நீரை மேலே கொண்டு வரலாம்.
  • பழைய CRT (Cathode Ray Tube) டைப் டீவி,மானிட்டர் ஆகியவற்றுக்கு விடுதலை கொடுத்து புதிய LCD (Liquid Crystal Display)டைப் டிவி ,மானிடருக்கு மாறுங்கள். மின்சாரத்தை பெருமளவு சேமிக்கலாம். X-Ray போன்ற ஆபத்தான Radiation பிரச்சனைகளும் இல்லை.
  • விலை கொஞ்சம் அதிகமானாலும் இன்னும் புதிய LED(Light emitting DIode) வகை டிவி,மானிட்டர்கள் LCD மானிட்டர்களை விட பல மடங்கு குறைந்த மின்சக்தியில் இயங்க வல்லது.
  • ஒரு வீட்டில் ஒவ்வொரு அறைக்கும் டிவி தேவையில்லை.குறிப்பாக படுக்கை அறையில் தேவையில்லை.
  • அறையின் சைசுக்கு ஏற்ற டிவி வாங்கவும். பெரிய ஹாலுக்கு தான் பெரிய டிவி. சின்ன அறைக்கு சின்ன டிவி போதும். சைசுக்கு ஏற்ப மின் செலவு அதிகரிக்கும்.
  • கணியை தேவைப்படும் போது மட்டும் பயன் படுத்தவும்.
  • நீண்ட நேரம் கழித்து தான் மீண்டும் உபயோகப்படுத்துவோம் என்றால் டிவி,டிஷ் ரிசீவர்,கம்பியூட்டர்,டி.வீ.டி பிளேயர் போன்றவற்றை Stand-by யில் வைக்காமல் பவர் ஆஃப் செய்து விடவும்.
  • தேவைப்படும் இடங்களில் தேவைப்படும் நேரம் மட்டும் விளக்குகள், ஃபேன்கள் பயன் படுத்த வேண்டும்.
  • மின்சாரத்தில் இயங்கும் எந்த பொருளும் அது மின்சாரத்தை சிக்கனமாக பயன் படுத்தக் கூடியது தானா என பார்த்து வாங்க வேண்டும்.
  • எல்லா பொருட்களிலும் அதன் மின் செலவை Watts அளவில் குறிப்பிட்டிருப்பர்கள். அதை படித்து புரிந்து கொள்ள வேண்டும் ஒரு Watts என்பது ஒரு மணி நேரம் அது செலவளிக்கும் மின்சக்தியின் அளவு. எந்த கருவி எவ்வளவு சக்தி செலவளிக்கும் என இங்கே தெரிந்து கொள்ளலாம்.

Download As PDF

25 August 2009

எண்ணிலே எழுத்து

Download As PDF

22 August 2009

சக்தியை சேமிப்போம் - தெர்மல் குக்கர்(Thermal cooker)

எரிபொருளை சேமிப்பதால் நம் காசும் சேமிக்கப்படுவதோடு நாம் வாழும் பூமிக்கும் பெரும் சேவை செய்தவர்களாவோம். எரிபொருளை சேமிக்க உதவும் அப்படியொரு பொருள் என் கண்ணில் பட்டதை ,வாங்கி பயன்பெற்ற அனுபவத்தை உங்களுடன் பகிர்ந்து கொள்கிறேன். அதன் பெயர் தெர்மல் குக்கர்.

சாதாரண பானையிலோ, குக்கரிலோ நாம் சாதம் சமைக்கும் போது பெருமளவு வெப்பம் பாத்திரத்திலிருந்து ரேடியேஷன் ஆகி சுற்றியுள்ள காற்றை சூடுபடுத்தி வீணாகப் போகிறது. இதனால் சமைக்கும் பாத்திரம் சமைத்து முடியும் வரை அதிக நேரம் அடுப்பில் இருக்க வேண்டியிருக்கிறது. எரிபொருளும் அதிகம் செலவாகிறது. தெர்மல் குக்கர் இந்த எரிபொருள் விரயத்தை குறைக்கிறது .

இந்த தெர்மல் குக்கர் வேறொன்றுமில்லை உணவுப் பதார்த்தங்களை வெகு நேரம் சூடு ஆறாமல் வைக்கப் பயன் படுத்துவோம ஹாட் பாக்ஸ் (Hot Box) இதே போன்ற சற்று பெரிய பாத்திரம் தான். இதனுள்ளே உணவுப்பொருள் ஒட்டாமலிருக்க டெஃப்லான் (Teflon) பூசிய பாத்திரம் ஒன்று இருக்கும் அதற்கு வெளியே PUF எனப்படும் பாலியூரித்தேன் ஃபோம் இன்ஸுலேட்டர் கவர் ஆகி இருக்கும் இது உள்ளே இருக்கும் பாத்திரத்தின் வெப்பத்தை வெளியேற விடாது. அதற்கும் வெளியே அழகிய இன்னொரு வெளிப் பாத்திரம் இருக்கும். இதற்கான மூடியிலும் இதே போல் இன்சுலேட்டர் இருக்கும். சில குக்கர்களில் PUFக்கு பதில் வெற்றிடத்தை இன்சுலேட்டராக பயன் படுத்திருப்பார்கள்.

சாதம் சமைத்து முடியும் வரை அடுப்பில் வைத்து விட்டு இனி காத்திருக்கத் தேவையில்லை. பானையில் அரிசியை கழுவி தேவையான தண்ணீரும் விட்டு அடுப்பில் வைத்து ஒருமுறை கொதித்ததும் அடுப்பை அணைத்து விட்டு, அந்த பானையை அப்படியே எடுத்து இந்த தெர்மல் குக்கர் பாத்திரத்திற்குள்ளே வைத்து மூடி விடவேண்டும். சுமார் முக்கால் மணி நேரம் கழித்து திறந்து பார்த்தால் அருமையாக வெந்த சாதம் ரெடி. பானையில் ஏற்கனவே உள்ள நீராவியின் வெப்பம் வெளியேறாமல் இன்சுலேட்டருக்குள் சிறைபட அந்த வெப்பத்திலேயே சாதம் வெந்திருக்கும். அதிக வெப்பத்தால் உணவு கருகிப் போவதுமில்லை.

அவசரக்காரர்களுக்கு இது சரிப்படாது ஏனெனில் நேரடியான நெருப்பின்றி உள்ளே உள்ள நீராவியின் வெப்பத்தில் சாதம் வேகவேண்டியிருப்பதால் அதற்குரிய நேரம் நாம் பொறுத்திருக்க வேண்டும். ஆனால் அடுப்பின் உபயோகம் குறைவானாதால் அந்த நேரத்தில் அடுப்பில் மற்ற பொருட்களை சமைக்க முடிவதான் மொத்தத்தில் நேரம் மிச்சம் தான். வறுக்கவும் ,பொரிக்கவும் இது பயன்படாது. வேக வைக்கும் எல்லா வேலைகளையும் இதில் செய்யலாம்.

தெர்மல் குக்கரில் வைக்கப்பட்ட சமைத்த உணவும் அப்படியே 12 மணி நேரம் வரை சூடாக இருக்கும்.

உணவை சூடாக வைத்திருக்கும் பெரிய சைஸ் ஹாட் பாக்ஸ் ஆகவும் பயன் படுத்தலாம். பிக்னிக்குகள் போகும் போது உணவை கொண்டு செல்ல உப்யோகப்படும். ஐஸ் கட்டிகள் போட்டு குளிர் பானங்கள் அப்படியே குளிராக வைத்திருக்கவும் பயன் படும்.

இது சைனா பாட் என்றும் அறியப்படுகிறது. பல பிராண்டுகள் கிடைக்கிறது. உங்களுக்கு பிடித்த தரமான பிராண்ட் பார்த்து வாங்கவும். சில தரமற்ற பாத்திரங்கள் மோசமான இன்சுலேசன் காரணம் வெப்பம் தங்கி நிற்பதில்லை. நான் வாங்கியது ஒரு கிலோ கப்பாசிட்டி குக்கர் உள்ளே டெஃப்லான், லைட் வெயிட் , PUF இன்சுலேசன், மற்றும் மூடியுள்ள ஒரு ஸ்டீல் பானை எல்லாமாக சுமார் ஆயிரம் ரூபாய் ஆனது.

வேறென்ன சொல்ல எரிபொருளையும், பணத்தையும், மிச்சப்படுத்துவதில் உங்களுக்கும் ஆர்வம் தானே.

Download As PDF

21 August 2009

பூமிக்குக் காய்ச்சல் அடிக்குது

விஞ்ஞான வளர்ச்சியை பொறுப்பற்ற முறையில் பயன் படுத்தியதால் மனிதன் இன்று தான் வாழும் பூமியை பெரும் அபாய கட்டத்தில் கொண்டு நிறுத்தி விட்டான். பூமியின் வெப்பம் படிப்படியாக அதிகரித்துக் கொண்டே இருக்கிறதாம். ’குளொபல் வார்மிங்’(Global warming) எனப்படும் இந்த பிரச்சனை பூமியை மனிதர்கள் வாழத் தகுதியற்றதாக்கி விடும் என விஞ்ஞானிகள் பீதி கொள்கிறார்கள். ஆனால் சராசரி மனிதனோ இதைப்பற்றிய எந்த கவலையும் விழிப்புணர்வும் இன்றி சொந்த வீடான பூமியை தன் கழிவுகளால் நிரப்பிக் கொண்டே போகிறான். குடிக்கும் நீரையும் சுவாசிக்கும் காற்றையும், வசிக்கும் இடத்தையும் மாசு படுத்தில் மனிதனுக்கு நிகர் எதுவும் இல்லை.

வாகனங்கள் மற்றும் தொழிற்சாலைகளால் இடையறாது காற்றில் உமிழப்பட்டுக்கொண்டிருக்கும் கார்பன் டை ஆக்சைடுகள் போன்ற வாயுக்கள் நம் காற்று மண்டலத்தை விட்டு எங்கோ விண்வெளியில் ஒடிப்போய் விடாது. காற்று மண்டலத்தில் கலக்கும் இது ஒரு போர்வை போல் இது பூமியை சுற்றி மூடிக்கொண்டு மூச்சுத்திணர வைக்கும். பூமியின் வெப்பம் வெளியேறாமல் தடுக்கும் இந்தப் போர்வையால் பூமியின் வெப்ப அளவு அதிகரித்துக்கொண்டே போகிறதாம். மரங்கள் இந்த கார்பன் டை ஆக்ஸைடுகளை உட்கொண்டு நமக்கு தேவையான பிராண வாயுவை வழங்குகிறது. மரங்களை பெருமளவு வெட்டி சாய்ப்பதும் இந்த கார்பன் டை ஆக்ஸைடு அளவு காற்றில் அதிகரிக்கக் காரணம்.

ஒயாத யுத்தங்களால் பல நாடுகள் பற்றி எரிவதும் ,பல நாடுகளில் பெருங் காடுகள் பற்றி எரிவதும் , CFC போன்ற பொருட்கள் குளிரூட்டிகளில் பயன்படுத்தப்படுவதும், அழுகிய உணவுப்பொருள் கழிவுகளிலிருந்து வெளியாகும் மீத்தேன் வாயுக்களும், ரசாயன உரங்களால் வெளியாகும் N2O போன்றவையும் பூமி வெப்பத்திற்கு மற்ற முக்கிய காரணிகளாகும்.

அதிகரித்தால் அதிகரிக்கட்டும் நமக்குத்தான் ஏசி இருக்கிறதே? என்பவர்கள் தொடர்ந்து படிக்கவும்.
  • புவி வெப்பம் மெல்ல உயர்ந்து வருவதால் பல வகை வைரஸ் நோய்கள் பெருக வழி செய்கிறது. மனித இன ஆரோக்கியத்துக்கு பெரும் அச்சுறுத்தல் ஏற்படுத்தக்கூடிய விஷயம் இது.
  • இதய நோய் சுவாச நோய்கள் மேலும் தீவிரமடைகிறது. அதிக வெப்பம் காரணம் பலரும் வெப்பத்தாக்குதலுக்குள்ளாகி மடிவதை பார்க்கிறோம்.
  • காற்று மண்டலத்தின் தாழ்வடுக்குகளில் ஓஸோன் செறிவு அதிகரிக்கச்செய்கிறது. இது சுவாசப் பாதிப்பையும் நுரையீரல் பாதிப்பையும் உருவாக்குகிறது. ஆஸ்த்துமா நோய் மேலும் தீவிரமடையச்செய்யும்.
  • அளவுக்கு அதிகமான கார்பன் டை ஆக்ஸைடும் அதிக வெப்பமும் விவசாயத்தைப் பாதிக்கிறது. அதற்கும் கூட போட்டியாக மனிதனே விவசாய நிலங்களில் காங்கிரீட் போட்டு மூடி விடுகிறான்.
  • நீண்ட வறட்சியும் தண்ணீர் பற்றாக்குறையும் அடிக்கடி ஏற்படுத்தும்.
  • பாலங்கள் ரோடுகள் போன்ற கட்டுமானங்கள் வெப்பத் தாக்குதல்களால் வலுவிழந்து அதன் பராமரிப்பு செலவு அதிகமாகி விடும். (இதற்கு லஞ்சம் வாங்கும் எஞ்சினீயர்களும் காரணம் என்பது வேறு விஷயம்)
  • கடல் மட்டம் உயரும். பெரும்பாலான பெரிய வியாபார நகரங்கள் எல்லாம் கடற்கரையிலே உள்ளன. கடல் மட்டம் உயர்வதால் இப்படிப்பட்ட பெரும் நகரங்கள் காணாமல் போகிவிடும் அபாயம் உள்ளது. (அதற்கென்ன கடலுக்குள் பெரும் நகரங்கள் கட்டுகிறார்களே -ஆர்க்கிமிடிஸ் இருந்தால் மட்டும் எதிர்த்திருப்பார்)
  • தினசரி பருவ நிலைகளை பாதிக்கும்.முக்கியமாக சில தினங்கள் மிக அதிக வெப்ப நிலையை எட்டுவதும் இதனால் தான். கால நிலையில் ஏற்படும் மாற்றம் எல்லா உயிர்களையும் பாதிக்கும்.
  • மழை பொய்க்கும். (வரும் ஆனா வராது)
  • துருவங்களின் பெரும் பனிக்கட்டிகள் உருகி மிகப் பெரும் வெள்ளச் சேதங்களையும், புவியியல் பாதிப்புகளையும் உருவாக்கும். அப்படி ஒரு அபாயம் இப்போது தலைக்கு மேல் கத்தியாக இருக்கிறதாம்.
எல்லாம் சரி இதற்கு தனிமனிதனான நான் என்ன செய்ய வேண்டும்? என்று கேட்கும் சமூக அக்கறை கொண்டவர்களுக்கு,விழிப்புணர்வு கொண்டவர்களுக்கு,பொறுப்பான மக்களுக்கு
  • முடிந்த அளவு மரங்கள் நடுங்கள்.மரம் நடுவதை ஊக்குவியுங்கள்.
  • எரிபொருளை விரயம் செய்யாதீர்கள்.சக்தியை முடிந்த அளவு சேமியுங்கள்.
  • வீணான பொருட்களை ரீ சைக்ளிங் செய்யவும்.
  • சுற்று சூழல் மாசு படுத்தும் செயல்களை தவிர்க்கவும் எதிர்க்கவும் வேண்டும்.
  • பூமி பாதுகாப்பு பற்றிய விழிப்புணர்வை மற்றவர்களிடம் ஏற்படுத்தவும்.

Download As PDF

11 August 2009

பன்றிக் காய்ச்சல்(Swine flue) தெரிந்துகொள்ளுங்கள்

பத்திரிக்கைகளை திறந்தாலே "பன்றிக் காய்ச்சல்" என்று நல்லாவே பீதிய கிளப்புறாங்கய்யா. மனுசன் மனுசனையே கூட்டங் கூட்டமா கொன்னு குவிச்சாலும் அதெல்லாம் சகஜமப்பா என்று கண்டுக்காமல் விட்டு விடுகிறார்கள். Swine Influenza எனப்படும் பன்றிக் காய்ச்சல் பற்றிய பீதியை விட விழிப்புணர்வு தான் இன்றைக்கு தேவை. ஆனால் பெரும்பாலான பத்தி்ரிக்கைகள் மக்ளை கலவரப்டுத்தியே காசு பார்க்கிறார்ள். எனவே எனக்கு தெரிஞ்சதை உங்களோடு பகிர்ந்துக்கிறேன். தலைப்ப பார்த்துட்டு ஓடாதீங்க. பிளாக் மூலமா ஒன்ணும் பரவாது. தைரியமா படிங்க.

பன்றிக்காய்ச்சல் என்றால் என்ன?
Type A influenza viruses(H1N1 subtype) என்ற வைரசுகளால் பன்றிகளுக்கிடையே அவ்வப்போது ஏற்படும் ஜலதோசம் தான். அப்புறம் பன்றியோடு அதிகம் தொடர்பு வச்சுக்கிட்ட மனுசங்களுக்கும், அந்த மனுசங்களோட தொடர்பு வச்சுக் கிட்டவங்களுக்கும் சில வேளைகளில் பரவும்.

பன்றிக் காய்ச்சல் அறிகுறிகள் என்ன?
சாதாரண ஜலதோசக் காய்ச்சல் போலத்தான் அறிகுறிகள் இருக்கும்.( அ..ஆச் ப்ர்ர்ர்ர்ர் ..க்கும் ..)
ஆனால் சாதா ஜலதோசம் , காய்ச்சல் எல்லாம் பன்றிக்காய்ச்சலும் அல்ல.
  • காய்ச்சல் 100°F அல்லது 37.8°C க்கும் அதிகமாக இருக்கும்.
  • தொண்டை வலி ,உடல் வலி ,தலை வலி,குளிர்,அசதி இருக்கும்.
  • இருமல், மூக்கு ஒழுகுதல் இருக்கும்
  • சிலருக்கு வயிற்றோட்டம் .வாந்தி கூட இருக்கலாம்.
சில குறிப்பிட்ட சோதனைகள் மூலம் இது சாதார காய்ச்சலா அல்லது பன்றிக் காய்ச்சலா என அறிய முடியும்.

ஆபத்தான அறிகுறிகள்:
குழந்தைகள் மேற்கண்ட அறிகுறிகளுடன் வேகமா சுவாசித்தாலோ, மூச்சு விட கஸ்டப்பட்டாலோ,தோல் நிறம் நீலமாக மாறினாலோ,போதுமான தண்ணீர் அருந்த முடியாவிட்டாலோ,கண்ணு முழிக்க முடியாமல் சோர்ந்து போய்
கிடந்தாலோ,உடலில் சின்ன சின்ன கொப்புளங்கள் வெளிப்பட்டாலோ உடனே மருத்துவ உதவி நாடவும்.
பெரியவர்களுக்கு சுவாசிக்க கஸ்டமாக இருந்தாலோ , நெஞ்சு மற்றும் வயிற்றுப் பகுதிகளில் வலி அல்லது அழுத்தம், திடீரென உடல் தளர்ந்து விடுதல், மனக்குழப்பம், இடைவிடாத வாந்தி காணப்பட்டால் உடனே மருத்துவ உதவி நாடவும்.

எப்படி பரவுகிறது?
ஜலதோசம் எப்படி பரவுகிறதோ அது போலத்தான் இருமல், மற்றும் சளி மூலம் தான் இந்த கிருமிகள் ஒருவரிடமிருந்து மற்றவருக்கு பரவுகிறது.ஒருவருக்கு இதன் அறிகுறிகள் வெளிப்பட ஒரு நாள் முன்னதாகவோ காய்ச்சல் வந்து ஏழு நாட்கள் வரை பிறருக்கு தொற்றக்கூடும்.

எப்படிங்க தடுக்கிறது?
  • மூக்கு ஒழுகுபவர்களை கண்டால் ரூட்டை மாற்றி எஸ்கேப் ஆகி விடுவது முன் ஜாக்கிரதை.
  • சும்மா சும்மா ஹாய் என்று கர்சீஃப் வைத்திருப்பவர்களிடம் கை கொடுக்காதீர்கள்.அப்படி கொடுத்தாலும் அந்தக் கையைக் கொண்டு கண்,மூககு,வாயைத் தொடாதீர்கள்.
  • கைகளை நன்றாக அடிக்கடி சோப் போட்டு கழுவுவது நல்லது.
  • நல்லா தூங்கி போதுமான ரெஸ்ட் எடுத்து நல்ல ஆரோக்கியத்தை பேணுங்க.
  • சுறுசுறுப்பா இருங்க.
  • டென்ஸன் , மன அழுத்தம் இல்லாமல் பார்த்துக்கொள்ளுங்கள்.
  • நிறைய தண்ணீர் அருந்துங்கள்.
  • சத்தான உணவு உணணுங்கள்.
  • அசுத்தமான இடங்களில் கை வைக்காதீர்கள்.
  • பன்றிப் பண்ணைகளுக்கு தேவையில்லாமல் போகாதீர்கள்.
  • நன்றாக வேகாத பன்றி இறைச்சி உண்பதால் பரவக்கூடும். பன்றி உணவை தவிர்த்தல் நலம். (ஆச்சரியம்! இஸ்லாம் பன்றிகளை தவிர்க்க அன்றே அறிவுறுத்தியிருக்கிறது)
தடுப்பு மருந்து இருக்கிறதா?
இந்த வகை வைரசுகள் தங்கள் அடையாளத்தை அடிக்கடி மாற்றிக்கொண்டு புதிய வகை வைரசுகளாக மாறுவதால் குறிப்பிட்ட வைரசுக்கான தடுப்பு மருந்து உருவாக்குவதில் சிரமமிருக்கிறது. முயற்சி வெற்றி பெறும்

என்ன மருந்துகள் உள்ளன?
ஃப்ளு காய்ச்சலுக்கான பொதுவான ஆன்டி வைரல் மருந்துகள்.சில நாடுகளில் பயன் படுத்தப்படுகிறது. அவற்றில் இரு வகைகள் உள்ளன 1) adamantanes 2) inhibitors of influenza neuraminidase(oseltamivir and zanamivir)
பன்றிக் காய்ச்சலுக்கு சிகிட்சையும் மருந்தும் தாராளமாக இருக்கிறது. பன்றிக்காய்ச்சல் வந்தால் யாவரும் கண்டிப்பாக இறந்து விடுவதாகப் பயப்பட வேண்டாம். சமயத்தில் சிகிட்சையின்றி மோசமாக பாதிக்கப்பட்டாலே மரணத்தை நோக்கி தள்ளப்படுவார்கள்.

இந்த பதிவால் எதாவது பிரயோசனம் உண்டு என்றால் முகத்திலிருந்து மாஸ்க் எடுத்து விட்டு எதாவது சொல்லிட்டுப் போங்க

Related Articles:
கிருமிகள்- கண்ணுக்கு தெரியாத வில்லன்கள்
காய்ச்சல்-ஒரு நோய் அல்ல
மருத்துவரை காணும் முன்.....
பயனுள்ள வலைத்தள முகவரிகள்: மருத்துவம்

Links For More Info:
http://en.wikipedia.org/wiki/2009_flu_pandemic

Global Alert and Response (GAR)

பன்றி காய்ச்சல் நோய் குறித்துத் தகவல் மற்றும் உதவிக்கு:-044 - 2432 1569 ( சென்னை )

Download As PDF

10 August 2009

எப்படி வேணா கட்டிக்குங்க!

டை கட்டத் தெரியாமல் திரு திருவென முழிக்கும் புது மாப்பிள்ளைகளுக்கு. உங்கள் "டை " உங்க கழுத்து . எப்படி வேணா கட்டிக்குங்க. ஆனா அதிகமா இறுக்கிடாதீங்க.



அட இப்படியெல்லாம் கட்டலாமா?
ஆமா " டை " ஏன் கட்டுறாங்க? தெரிஞ்சவங்க சொல்லுங்களேன்.

Download As PDF

08 August 2009

உயிர் காக்கும் உடற்பயிற்சி


நலமான வாழ்க்கையை விரும்புவதாக இருந்தால் நீங்கள் உடற்பயிற்சி செய்வதை தவிர்க்கவே முடியாது. இளமையிலேயே உயிருக்கு உலை வைக்கும் இதய நோய், சர்கரை நோய் , உயர் கொழுப்பு , உயர் இரத்த அழுத்தம் , கான்சர்,எலும்புகளை பலமிழக்க செய்யும் ஆஸ்டியோ பொரோஸிஸ் போன்ற கொடிய நோய்களை வேரறுப்பதில் தினமும் உடற்பயிற்சி செய்வதை தவிர வேறு எந்த மாற்று வழியும் குறுக்கு வழியும் இல்லை. பல விதமான ஆராய்ச்சி முடிவுகளும் இதை தான் சொல்கிறது. உடல் எடையை கட்டுக்குள் வைத்திருக்கவும் தசைகளை வலிமையுறச்செய்யவும் மன அழுத்தம் எரிச்சல் போன்றவற்றை துரத்தி மன அமைதி மற்றும் நல்ல தூக்கம் தருவதற்கும் உடற்பயிற்சி அவசியம்.

இன்றைய அவசர யுகத்தில் உடல் ஆரோக்கியமாக இருக்கும் வரை பலரும் உடற்பயிற்சியை அலட்சியப்படுத்தி உடல் நலம் கெட்டபின் தான் அதன் தேவையை உணர்கிறார்கள். பலரும் ஒருமுறை இதய நோய் அல்லது நீரிழிவு தாக்கியபின் தான் உடற்பயிற்சியை தொடங்குகிறார்கள். இத்தகைய நோய்கள் ஒருமுறை தாக்கினால் அதன் பாதிப்பு ஆயுள் வரை கூடவே இருக்கும். வருமுன்னே காவாதான் வாழ்க்கை நெருப்புக்கு முன் இடப்பட்ட துரும்பாய் பொசுங்கிப் போகும் என்பது பொய்யா மொழி. எனக்கு அதற்கெல்லாம் நேரமே இல்லை என்பவர்கள் பின்னால் தங்கள் பெரும்பாலான நேரத்தை மருத்துவ மனைகளில் பழியாய் கிடந்து தீர்க்க நேரும். உடல் இயக்கக் குறைவால் வரும் இத்தகைய நோய்கள் தான் மிகவும் அதிக மருத்துவச் செலவு ஏற்படுத்தக்கூடியதும் கூட.
உடற்பயிற்சி செய்வதற்கு தேவையான சக்தி என்னிடம் இலலை,என்னால முடியலப்பா என்று சொல்பவர்களுக்கு தெரியாத ஒன்று. எளிய உடற் பயிற்சிகளை அவர்கள் முதலில் செய்யத் தொடங்கினால் விரைவில் அவர்கள் உடல் வலிமையுறுவதை உணர முடியும். உடற்பயிற்சி செய்ய விலையுயர்ந்த கருவிகளோ, உடற்பயிற்சி மையங்களோ தேவையில்லை. எளிய பயிற்சிகள் எத்தனையோ உள்ளது. நீங்கள் முழுமனதுடன் ஈடுபடுவது ஒன்று தான் தேவை. நீங்க ரெடியா?

என்ன பயிற்சி செய்யலாம்?
சுறுசுறுப்பாக நடத்தல். நீச்சல், சைக்கிளோட்டுதல், நடனப் பயிற்சிகள் நுரையீரல் மற்றும் இதயத்தசைகளை வலுவடையச் செய்கிறது. இதயத்துடிப்பை சிறிது நேரத்திற்கு அதிகரித்து அதிக பிராண வாயு இரத்தத்தில் கலக்கச் செய்கிறது.

எவ்வளவு நேரம் உடற்பயிற்சி செய்ய வேண்டும்?
இதுவரை நீங்கள் உடற்பயிற்சி ஏதும் செய்யாதவராயிருந்தால் முதல் நாள் ஐந்து நிமிடங்கள் செய்தால் போதும். என்ன முடியும் தானே? அதன்பிறகு நீங்களே வலிமையடைவீர்கள். அடுத்துவரும் நாட்கள் சிறிது சிறிதாக பயிற்சி நேரத்தை அரை மணி முதல் ஒருமணி நேரம் வரை அதிகரிக்கவும் இப்படி வாரம் ஐந்து நாட்கள் செய்தால் போதும். ஆனால் உடற்பயிற்சி செய்யும் பழக்கத்தை தொடர்ந்து கடைபிடிக்க வேண்டும்.

எப்போது உடற்பயிற்சி செய்யலாம்?
அதிகாலையில் , வெறும் வயிற்றில் இந்த எளிய பயிற்சிகளை செய்யலாம். ஏனெனில் காலையில் தான் அதிக கலோரிகள் தொடர்ந்து எரிக்க முடியும். இதனால் கொழுப்பு விரைவில் கரையும்.

எவ்வளவு தீவிரப் பயிற்சிகள் செய்யலாம்?
நீங்கள் செய்யும் உடற்பயிற்சிகள் விளைவாக உங்கள் இதயத்துடிப்பானது உங்கள் அதிக பட்ச துடிப்பின் அளவில் 60 முதல் 80 சதவீதம் சுமார் 30 நிமிடங்களுக்கு மேல் எட்டி இருக்க வேண்டும்.
அதிக பட்ச துடிப்பு எவ்வளவு இருக்க வேண்டும் ? இதை தெரிந்து கொள்ள 220 லிருந்து உங்கள் வயதை கழிக்க வேண்டும்.
உதாரணம்: உங்கள் வய்து 40 என்றால், 220-40= 180 என்பது உங்கள் அதிக பட்ச இதயத்துடிப்பு.
இதன் 60 % முதல் 80% என்பது நிமிடத்திற்கு 108 முதல் 144 துடிப்புகள் வரை உடற்பயிற்சிக்கு பின் சுமார் 30 நிமிடங்களாவது எட்டியிருக்க வேண்டும். இன்னிலையில் உங்கள் சுவாசம் தெளிவாக கேட்கும்படி இருக்கும்.பேசும் போது சிறிது மூச்சு வாங்கும்.
பயிற்சியை சற்று தீவிரப்படுத்த நடப்பதற்கு மலைப் பாதையை தேர்வு செய்யலாம். பழு தூக்கலாம். கைகளை இதயத்துக்கு மேல் தூக்கி பயிற்சி செய்வதும் இதயத்துடிப்பை அதிகரிக்கும்.

தசைகளுக்குப் பயிற்சி:வயதாவதால் தசைகள் மற்றும் எலும்புகள் பலவீனமடைவதை தடுக்க தசைகளுக்கும் எலும்புகளுக்கும் பயிற்சி அளிக்க வேண்டும். பழு தூக்குதல், பயிற்சி கருவிகள் பயன் படுத்துதல் இதற்கு உதவும். வாரம் 3முதல் 4 முறை அரை மணி நேரம் இத்தகைய பயிற்சிகளுக்கு ஒதுக்கலாம். இத்தகைய தசைப்பயிற்சிகளுக்கு பின் தரமான புரத உணவு பானங்கள் அருந்துவது தசைகள் வலுவடைய சிறப்பாக உதவுவதாக ஆராய்ச்சிகள் கூறுகின்றன. leucine என்ற புரத சத்து தசைகளை பழுது பார்த்து நல்ல நிலையில் வைக்க உதவுகிறது. பயிற்சியின் போதும் அதன் பின்னும் நிறைய தண்ணீர் அருந்துங்கள்.

தினமும் 5முதல் 10 நிமிடங்கள் கை ,கால் தசைகளை மெதுவாக நீட்டி மடக்கி பயிற்சி செய்வது நல்லது . மூச்சை ஆழமாக இழுத்தும் மூச்சுப்பயிற்சி செய்யலாம். ஒவ்வொரு நிலையிலும் பத்து செகன்டுகள் அப்படியே வைத்திருக்கவும்.

உடலில் கொழுப்பு வடிவில் சேமித்து வைகப்பட்ட கலோரிகள் எரிந்து தேவையற்ற உடல் கொழுப்பை கரைக்க உடற்பயிற்சி உதவுகிறது. உடலின் வளர்சிதை மாற்றங்களை அதிகரிக்கிறது. ஜீரண நேரத்தை அதிகப்படுத்தி பசியை மட்டுப்படுத்தவும் இரத்ததில் சர்கரை அளைவை கட்டுக்குள் வைத்திருக்கவும் உடற்பயிற்சி உதவுகிறது.

எப்படியானாலும் உடற்பயிற்சி செய்ய உங்களுக்கேற்ற ஒரு திட்டத்தை தயாரித்துக்கொள்ளுங்கள். ஒரே நாளில் மாற்றத்தை எதிர்பார்க்காதீர்கள். தொடர்ந்து கடைபிடியுங்கள். மாற்றங்கள் காண்பீர்கள்.

நீங்க என்ன சொன்னாலும் சரி எனக்கு தனியாக உடற்பயிற்சி செய்ய நேரமே இல்லை. பொழப்ப பார்ப்பனா கைய கால தூக்கிகிட்டு எக்சர்சைசு செய்யணுமா? என்று சொல்லக்கூடியவர் நீங்கள் என்றால் நீங்கள் அன்றாடம் செய்யும் வேலையையே ஒரு உடற்பயிற்சி போல் செய்யுங்கள்.
  • *வீட்டு வேலைகளை ,தோட்டம் பராமரித்தலை உடலுக்கு நன்மை தருவது எனக் கருதி ஒரு பயிற்சி போல் செய்யலாம்.
  • லிஃப்ட் இருந்தாலும் மாடிப்படி ஏறி செல்லுங்கள்.
  • வேலை இடைவேளையில் ஒரு பொடி நடை பழகுங்கள்.
  • கடை கண்ணிக்கு போக சைக்கிள் பயன்படுத்துங்கள்
  • வாகனத்தை முடிந்த அளவு தவிர்த்து நடக்க உதவும் வாய்ப்புகளை பயன்படுத்திக்கொள்ளுங்கள்.
  • வீட்டை சுத்தப்படுத்துவது ,காரை சுத்தப்படுத்துவது போன்ற வேலைகளில் ஆர்வமாய் ஈடுபடுங்கள்.
இது கூட முடியாதவர்கள் ஒரு மெடிகல் இன்சூரன்ஸ் பாலிசி எடுத்துக் கொள்வது நலம்.

வீட்டுக்குள்ளே நடைப்பயிற்சி செய்ய விலை உயர்ந்த Tread mill எதற்கு எளிய வழி இங்கே இருக்கு http://www.youtube.com/watch?v=-gANf_FejZk

Body Building பற்றிய விளக்கப் படங்கள் அடங்கிய புத்தகம் "Mens Health" Total Body work out . படித்து பயன் பெறுக.

Download As PDF

05 August 2009

உடல் பருமனா? உணவை மாற்றுங்கள்


உடல் பருமன் குறிப்பாக குழந்தைப் பருவம் மற்றும் வளர் இளம் பருவ ஆண், பெண்களிடம் அதிகம் காணப்படுகிறது. இதனால் சர்க்கரை நோய், ரத்த அழுத்தம், இதய நோய் போன்றவற்றுக்கு சிறு வயதிலேயே ஆளாகிறார்கள். இதற்குக் காரணம் உணவுக்கு ஏற்ற உழைப்பு இல்லாமை, அளவுக்கு அதிக உணவு, கொழுப்புச் சத்து மிகுந்த தின்பண்டங்கள், பொரித்த உணவு, சிப்ஸ், பப்ஸ் போன்றவை சாப்பிடுவதே.
இளம் வயதில் உடல் வளர்ச்சி பெற அதிக உணவு தேவைப்படுகிறது .ஆனால் அதுவே ஒரு குறிப்பிட்ட வயதிற்கு மேல் வளர மறுத்து, அபரிமிதமான உணவை நஞ்சு என்று கருதும். உடலின் தேவைக்கு மட்டும் உண்ணப் பழக வேண்டும்.
உடல் உழைப்பு மிகுந்தவர்கள் அதற்கேற்றவாறு அதிகப்படியான கலோரி சாப்பிட வேண்டும். உடலுழைப்பு குறைவாக வேலை செய்பவர்கள் அதற்கேற்ப அதிக கலோரி தரும் உணவை குறைத்துக்கொள்ள வேண்டும்.

தேவைக்கு அதிகமான உணவை நீங்கள் சாப்பிட்டு, அது கலோரியாக செலவிடப்படாத நிலையில், உடலில் கொழுப்புச் சத்து அதிகரிக்கிறது; விளைவு உடலின் எடை கொஞ்சம் கொஞ்சமாக அதிகரித்து உடல் பருமன் பிரச்னையாக மாறுகிறது.சர்க்கரை நோய், இதய நோய், உயர் ரத்த அழுத்தம் உள்பட பல நோய்கள் வந்துவிடும்.

எடையை குறைக்கிறேன் பேர்வழி என்று பலர் தினமும் காலை உணவை கட் செய்து விடுகின்றனர் இது தவறு என்கிறார்கள் உணவியல் நிபுணர்கள்.இரவு உண்ட உணவு செரித்து  உடல் சக்தியை எதிர்நோக்கி காத்திருக்கும் போது அதற்கு தேவையான உணவு அளிக்க வேண்டும். அப்பொழுதுதான் உடல் ஆரோக்கியமாக திகழும். எனவே காலைஉணவை   அதிக அளவில் உண்ணாமல் ஜூஸ், காய்கறிகள், பழங்கள் போன்றவற்றை உண்ணலாம். இதனால் சரிவிகித சக்தி கிடைக்கும்.

உடல் எடைக்கு மாவுச்சத்துள்ள உணவுகள் கூடாது என எண்ணி அனைத்து கார்போஹைட்ரேட் உணவுகளையும் தவிர்ப்பதும்  தவறானது என்கின்றனர் வல்லுநர்கள். ஏனெனில் கார்போ ஹைடிரேட்தான் நமது இயக்கத்திற்கு தேவையான சக்தியைத் தருகிறது.  புருக்கோலி, உருளைக்கிழங்கு, உள்ளிட்ட காய்கறிகள், மேலும் பழங்களில் உள்ள கார்போ ஹைட்ரேட் பொருட்களை சேர்த்துக்கொள்ளவேண்டும்.
கொழுப்புச் சத்து நிறைந்த பால்-தயிர்-சர்க்கரை ஆகியவற்றைத் தவிர்த்து, பருப்பு, மஞ்சள் கரு இல்லாத முட்டை, சோயா போன்ற புரதச் சத்து நிறைந்த உணவைச் சாப்பிடத் தொடங்குங்கள்.

 உடலுக்கு தீங்கு விளைவிக்கும் சோடா, குளிர்பானங்கள் போன்றவைகளை தவிர்க்கலாம்.  மேலும் ஐஸ் கிரீம் உள்ளிட்டவைகளை உட்கொண்டால் உடல் எடைக் கூடும் என்கின்றனர் உணவியல் வல்லுநர்கள்.
 உடல் எடையை குறைப்பதற்காக மாலை 6 மணிக்கு மேல் உணவைத் தவிர்ப்பவர்கள் பலர் உண்டு. அதேசமயம் தொலைக்காட்சி பார்க்கும் சாக்கில் கணக்கின்றி  சிப்ஸ், பர்க்கர், உள்ளிட்ட ஜங்க் ஃபுட்களை உள்ளே தள்ளுவார்கள். இதுவும் உடல் நலத்திற்கு தீங்கானது என்கின்றனர் ஆய்வாளர்கள்.
நொறுக்கு தீனிக்கு பதில் திராடச்சை பழங்கள்  சாப்பிடுவது உடலுக்கு நல்லது

நகர வாழ்க்கையில் உடல் உழைப்பு குறைந்துவிட்டதால் நமது உணவுப் பழக்க வழக்கங்களையும் அதுபோல் மாற்றிக்கொள்ளவேண்டும். அதிக உடல் உழைப்பு இல்லாத நிலையில் 6 இட்லி சாப்பிடுபவர்கள் அதை 4-ஆகக் குறைத்துக் கொள்ளலாம்.இட்லியின் எண்ணிக்கையைக் குறைத்தால் அடுத்த வேளை முன்கூட்டியே பசி எடுக்கும். அதை ஈடுகட்ட சாம்பார், சட்னியின் அளவை அதிகப்படுத்த வேண்டும். சத்துகளை மட்டுமே தந்து எடையை அதிகரிக்காது என்பதால் பச்சைக் காய்கறிகள், பழங்களைச் சாப்பிடலாம். அசைவ உணவைத் தவிர்ப்பது நல்லது. சாப்பிடுகிற இட்லி, சாதம் போன்றவற்றைக் குறைத்து அதை ஈடு கட்ட சாம்பார், கூட்டு, பொறியல் போன்றவற்றை அதிகமாகச் சாப்பிட வேண்டும்.இப்படி நோய் வராமல் தடுக்க நம் உணவு முறைகளை மாற்றி பயன் பெறலாம்.
பசி எடுத்தவுடன் இஷ்டம்போல் சாப்பிடாமல், சிந்தித்து சத்தான சமச்சீரான உணவுகளை சிறு வயதிலிருந்தே சாப்பிட்டுப் பழக வேண்டும். நோய் வந்தாலும் உணவு பாதி, மருந்து பாதி என பிரச்னைகளை நாமே எளிதாக தீர்த்துக் கொள்ளலாம்.

ஆரோக்கியத்தின் மற்றொரு பெரிய அம்சம் உடற்பயிற்சி..உடல் எடையை குறைப்பதற்காக விற்பனை செய்யப்படும் சாதனங்கள், மாத்திரைகள் போன்றவைகள்  எடைக்குறைப்பிற்கு உதவி புரியுமே தவிர முழுவதுமாக அவற்றை மட்டுமே நம்பக்கூடாது .சின்னச் சின்ன விஷயங்களைக் கூட உடல் உறுப்புகளுக்கு அசைவு கொடுத்து நாம் செய்ய வேண்டும்.இவ்வாறு செய்யும் நிலையில் தசைகள் வலுப்படும்; எலும்புகள் உறுதிப்படும். "தண்ணீர் கொண்டு வா! ஃபேனை போடு, லைட்டை அணைத்து விடு! என்றெல்லாம் மற்றவருக்கு கட்டளையிடாமல் அன்றாட வேலைகளை நாமே செய்யலாம். பக்கத்தில் மார்க்கெட் போக முடிந்த அளவு மோட்டார் பைக்கை தவிர்த்து நடந்தே போகலாம்.உடற்பயிற்சியினால் ரத்த ஓட்டம் சீர்பட்டு, உடம்பின் உறுப்புகளைச் செம்மையாக செயல்பட வைக்கின்றது.

தொடர்புடைய பதிவுகள்:
அதிக கொலஸ்ட்ரால் ஆபத்தா?
என்ன சாப்பிடலாம்?
மூட்டுவலி (Arthritis)
உயிர் குடிக்கும் உயர் இரத்த அழுத்தம்
இதய நோயாளிகள் என்ன சாப்பிடலாம்?
நடக்கலாம் வாருங்கள்?
உடற் பயிற்சி - சில உண்மைகள்

Download As PDF

03 August 2009

எங்கிருந்து வந்தாயடா?

வீட்டில் ,ஆபீசில் ஏன் இதயத்தில் கூட இடமில்லை இடமில்லை என்று சொல்பவர்கள் இருக்கிற பொருட்களை கொஞ்சம் இடம் மாற்றி வைத்தாலே போதும் கொஞ்சூண்டு இடம் கிடைக்கும். எப்படி என்கிறீர்களா? இதோ இப்படித் தான்.

Download As PDF

01 August 2009

பத்துக்கு பத்து விபத்து

" ஹலோ உன்ன அவசரமா பாக்கணும் கடற்கரையில் சந்திக்கலாம் உடனே வா! "- நண்பன் கோபால் தான் செல் ஃபோனில் அப்படி பதற்றத்துடன் அழைத்தது. அவன் குரல் உடைந்திருந்தது . உடனே புறப்பட்டு விட்டேன்

கோபாலைப் பற்றி உங்களுக்கு தெரியாதே! ஆள் நல்ல சிவப்பா வாட்ட சாட்டமா இருப்பான். இளகிய மனது, வாக்கு சுத்தம். அவன் தந்தை சேர்த்து வைத்த சொத்து அவனுக்கு உட்கார்ந்து சாப்பிட போதுமானது. ஆனாலும் அவன் ட்ரை பண்ணாத தொழில் இல்லை. சோப்பு கம்பனி போட்டான் வழுக்கி கொண்டு விட்டது. ட்ராவல் ஏஜென்ஸி, இன்சூரன்ஸ் என்று எல்லாம் முற்ச்சித்து விட்டான்.கொஞ்ச நாளைக்கு முன் ஏதோ MLM கம்பனி பற்றி என்னிடம் சொன்னான். அதில் சேருகிறாயா? நிறைய பணம் கிடைக்கும் என்று சொன்ன போது மறுத்து விட்டேன். "ஈசி மணியெல்லாம் வேண்டாம்"என்று சொன்ன என்னை ஏளனமாக பார்த்த அவன் பைக் புதிதாக இருந்தது. கழுத்தில் டை ஏறியிருந்தது. முழுக்கை சட்டை போட்டு இன் செய்தி்ருந்தான்.

ரொம்ப நாள் கழித்து கடந்த வாரம் அவனைப் பார்த்த போது புதிய சிவப்பு கார் வைத்திருந்தான். மீசை தாடி சுத்தமாக ஷேவ் செய்து கண்ணில் கூல் கிளாஸ் போட்டிருந்தான். நகரின் மத்தியில் புதிதாக வீடு வாங்கியதாக சொன்னான். "உன்னையும் கோடீசுவரனாக்கலாம் என்றால் நீ சம்மதிக்க மாட்டாயே" . தினம் பத்து லட்சம் சம்பாதிப்பதாக சொல்லி சிரித்துக் கொண்டே சென்றான் . திடீரென்ற அவனிடம் கொழித்த அபரிமிதமான பணம் எனக்கு சந்தேகமாகத்தான் இருந்தது. இல்லீகலாக எதாவது செய்கிறானோ? அவனிடம் இது பற்றிகேட்டு விட வேண்டும்.

நாங்கள் முன்பு அடிக்கடி வரும் கடற்கரைக்கு வந்து அவனைத் தேடிய போது காணவில்லை. முகம் முழுவது தாடி வைத்த மெலிந்த மனிதர் ஒருவர் என்னை நோக்கி வருவதை உற்றுப் பார்த்தேன் . கடவுளே! இது கோபால் அல்லவா என்ன இது ஏழை நோயாளி போலாகி விட்டான். என்ன நேர்ந்தது இவனுக்கு? தினம் பத்து லட்சம் சம்பாதித்தவனா இப்படி?
" என்னாச்சு உனக்கு உன் கார் எங்கே கோபால்?"

"அதை ஏன் கேக்கிற எல்லாம் போயிடுச்சுடா? "என்றான் விரக்தியுடன்.

நான் அதிர்ச்சியுடன் "என்னாச்சுடா எதாவது இல்லீகல் பிசினஸ் செய்து மாட்டிக்கொண்டாயா? எதாவது மருத்துவச் செலவு ஆப்பரேசன்?"

"அதெல்லாம் ஒண்ணுமில்லைடா எல்லாம் லீகலாய் செய்ததால் வந்த வினை தான். ஒரு கோடீசுவரருடன் செய்து கொண்ட ஒரு ஒப்பந்தம் காரணம் இந்நிலைக்கு ஆளாகி விட்டேன்.

"ஒப்பந்தமா ?புதிர் போடாதே விஷயத்துக்கு வா? "
"சொல்கிறேன் இரு".என்று சொல்லத்தொடங்கினான்.

"இரண்டு வாரத்திற்கு முன் ஒரு பாரில் வைத்து தான் பழக்கமானார் அந்த மனிதர்.
"என்ன நீ தண்ணி போடுவியா எப்பலேந்து?" இடைமறித்தேன்.

"அப்படி பார்க்காதே எப்பவாவது தான். அங்கே தான் "பெரிய மனிதர்கள்" அதிகம் உலவுகிறார்கள். என்று கோபால் தன் கதையை தொடர்ந்தான்.
ஒரு நாள்அப்படி ஒரு பணக்காரப் பெரிய ஜென்டில் மேன் என் எதிரே வந்து உட்கார்ந்து தண்ணியடிக்கத் தொடங்கினார். நான் தவளையல்லவா வாயை கொடுத்த அவரிடம் என்னை அறிமுகப்படுத்திக் கொண்டேன். அவர் ஒரு பெரீய்ய கோடீசுவரராம்."மனைவி பிள்ளைகள் யாரும் இல்லை. தினமும் தன்னிடம் வந்து சேரும் கோடிக்கணக்கான பணத்தை என்ன செய்வது என்றே தெரியவில்லை. அளவுக்கு அதிகமான அந்தப் பணத்தால் தனக்கு பயமாக இருக்கிறது" என்றார்.
"அப்படியானால அதில் எனக்கு கொஞ்சம் கொடுங்கள் ஹஹ்ஹா "என ஜோக் அடித்தேன்.
" யாருக்கும் தானமாக கொடுத்து புண்ணியம் பெறுவதில் நம்பிக்கை இல்லை. நான் ஒரு பிஸினஸ் மேன் யாரிடமாவது பிஸினஸ் செய்து நஷ்டப்படவேண்டும். ஆனால் நான் செய்யும் எந்த தொழிலிலும் நஷ்டம் இல்லாமல் லாபம் தான் கொள்ளை கொள்ளையாக வருகிறது. என்ன செய்ய?"
"என்ன இது அருணாச்சலம் கதை போல இருக்கிறது?அவர் தானோ இது? அல்லது ஏதாவது லூசிடம் மாட்டிக் கொண்டேனோ? எங்கே அவர் தண்ணியடித்த காசை நான் கொடுக்க வேண்டி வருமோ?" என நழுவ நினைத்தேன்.

நான் மனதில் நினைத்தது எப்படி அவருக்கு கேட்டதோ.
"இரு நீ தமாசுக்கு கேட்டாயோ? என தெரியாது ஆனால் உண்மையில் நான் உனக்கு கொஞ்சம் பணம் தர நினைக்கிறேன். அதுவும் லட்சக் கணக்கில் . ஆனால் சும்மா தர மாட்டேன். ஒரு பிஸினஸ் மாதிரி தருவேன். எனக்கு நஷ்டம் உனக்கு லாபமான பிஸினஸ். உன்னை எனக்கு ரொம்ப பிடிச்சிருக்குதுய்யா ? என்ன சொல்கிறாய்?
பேரர் இவரது பில்லையும் என் கணக்கிலேயே சேர்த்து விடு" என்று கேட்டு பில் பணம் மொத்தமும் அவரே கொடுத்து விட்டார் . ஆயிரம் ரூபாய் கத்தையிலிருந்து கையில் கிடைத்ததை எண்ணிப் பார்க்காமலேயே கொடுத்து விட்டு மிச்சத்தை எடுத்து கொள்ளும் படி பேரரிடம் கொடுத்து விட்டார். இன்னும் அவரிடம் நிறைய கட்டுகள் இது போல் இருந்தது.
எனக்கு ஒன்றும் புரியாம்ல் "ஙே" என்று முழித்தேன். அவர் தொடர்ந்தார்
"நாளையிலிருந்து நான் உனக்கு தினமும் ஒரு லட்சம் ரூபாய் தருகிறேன். ஒரு மாதம் அதாவது சரியாக 30 நாட்கள் தருவேன். ஆனால் ஒரு கண்டிசன்."
ஒரு லட்சமா? தினமுமா? அதற்கு நான் என்ன தரவேண்டும் ?
"முதல் நாள் நான் தரும் லட்ச ரூபாய்க்கு பதில் நீ எனக்கு பத்து காசு தந்தால் போதும்."
"பத்து காசுக்கு நான் எங்கே போவது வேண்டுமானால் பத்து ரூபாய் தருகிறேன் என்ன? "என்று நான் தமாசாய் சிரித்தேன்.
"நோ ஜோக்ஸ் . பத்து காசு என்றால் பத்து காசு தான் அதிகமாக ஒரு நயா பைசா வேண்டாம் . பிஸின்ஸ் இஸ் பிஸினஸ். வாக்கு தவறக்கூடாது.
இரண்டாம் நாள் இன்னும் ஒரு லட்சம் தருகிறேன், ஆனாம் இம்முறை இருபது காசுகள தர வேண்டும்.
மூன்றாம் நாள் இன்னும் ஒரு லட்சம் நான் தரும்போது முதல் நாள் தந்ததை போல் இரு மடங்கு அதாவது நாற்பது காசுகள் தரவேண்டும் இப்படி ஒவ்வொரு நாளும் நான் தரும் லட்சங்களுக்கு நீ முந்தய நாள் எனக்கு தந்ததை விட இருமடங்கு தந்தால் போதும்."

"என்ன இந்த மனிதன் உண்மையிலேயே மறை கழண்ட கேசா? . சில சில்லறை காசுகளை பெற்றுக்கொண்டு லட்சங்களை அதுவும் தினமும் தருகிறேன் என்கிறார்.ஒரு வேளை அதிகமாக ஏற்றிக்கொண்டு விட்டாரோ என அதிர்ச்சியிலும் யோசனையிலும் ஆழ்ந்தேன்.
நான் யோசிப்பதை தவறாக புரிந்து கொண்ட அவர், "பரவாயில்லை ஒரு லட்சம் என்பது குறைவாக இருந்தால் மன்னிக்கவும் தினம் ஐந்து லட்சம் தருகிறேன் என்று அவர் சொன்னதும் அதிர்ந்து போய்"அய்ய்யோ அப்படி யொன்றும் இல்லை" என்று நான் சொல்வதற்குள் மீண்டும் அவரே குறுக்கிட்டு "சே என்ன ஒரு மனிதன் நான் பேரம் பேசுகிறேன் . ஐந்து என்ன தினம் பத்து லட்சம் வீதம் தருகிறேன. நீங்கள் முதல் நாள் அதே பத்து காசு தந்தால் போதும் ஒகே யா? என்ன மகிழ்சி தானே? என்னிடம் உள்ள எராள பணத்தை வைத்து கொண்டு என்ன செய்யப் போகிறேன். என் பணம் விரைவில் தீர்ந்து விட்டால் போதும் எனக்கு நிம்மதியாக இருக்கும்"
நான் போட்டிருந்தது சுத்தமாக இறங்கி விட்டது. "இப்படியும் மனிதர்களா?"
" நான் சொல்வதை நம்பவில்லையா? நான் லூசும் இல்லை,போதை மப்பில் பேசவும் இல்லை. நான் செய்வது ஒரு பிசினஸ் இதில் என் பணத்தை இழக்கப் விரும்புகிறேன். முதலில் இது பற்றி தெளிவாக ஒரு ஒப்பந்தம் போட்டுக் கொள்வோம். நாளை நீயோ நானோ மனம் மாறி விடக்கூடாது அல்லவா? ஒப்பந்தத்தை இடையில் முறிக்கக் கூடாது

சரி ..கொடுக்கிற தெய்வம் கூரையைய் பொத்துகிட்டு கொடுக்கும் என் விஷயத்தில் தெய்வம் இன்னும் கருணை காட்டி என் கூரயை கூட பிய்க்காமல் இந்த மனிதன் மூலமாக எனக்கு செல்வத்தை கொடுக்க விரும்புகிறது. இந்த அபூர்வ வாய்ப்பை நான் தவற விட விரும்ப வில்லை. போனால் எனக்கென்ன நஷ்டம் சில்லறை காசுகள். கிடைப்பதோ?...என்னால் அவ்வளவு பணத்தை எண்ணிப்பார்க்கவே முடிய வில்லை..
இன்றே ஒப்பந்தம் போட்டுக்கொள்ளலாம் . என்று அன்றே பத்திரத்தில் ஒப்பந்தத்தை தெளிவாக எழுதி இருவரும் கையெழுத்திட்டு பதிவும் செய்து கொண்டோம்.
அவர் ஒன்று பைத்தியக்காராக இருக்க வேண்டும் அல்லது சன்னியாசியாயிருக்க வேண்டும்.
இரவு முழுவதும் தூக்கம் வரவில்லை எங்கேயெல்லாம் அலைந்து சில பத்து காசுகளை சேகரித்து வைத்திருந்தேன். என் அவசரத்தை உணர்ந்து ஐம்பது ரூபாய் அதற்கு பிடுங்கி விட்டார்கள். இப்படியும் சில மனிதர்கள்.உலகை நினைத்தால் வினோதமாக இருந்தது.

கோபால் சொல்லிக்கொண்டிருக்கும் போது சட்டென எனக்கு நம்ம பதிவர் நண்பர் அபூஅஃப்ஸரின் ஒரு பதிவில் இப்படித்தான் ஜிம்பாப்வே நாட்டினர் மூன்று முட்டைக்கு 100 பில்லியன் கொடுத்து வாங்குவார்கள் என படித்தது ஞாபகம் வந்தது. "கோபால் நீ சந்தித்தது ஒரு ஜிம்பாப்வே மனிதரையா? உன் பத்து காசை வாங்கி கொண்டு அவரது பணத்தில் பத்து லட்சம் தந்து ஏமாற்றி விட்டார் சரிதானே?"

"இல்லை அவர் ஏமாற்று காரர் இல்லை அதெல்லாம் ஒப்பந்தத்தில் தெளிவாக எழுதியிருந்தேன். சொன்ன படி மறு நாள் அதி காலையில் கையில் ஒரு சூட் கேசுடன் காரில் வந்திறங்கி விட்டார். என்னிடம் கொடுத்து எண்ணிப் பார்க்க சொன்னார். எல்லாம் ஒரிஜினல் ரூபாய்கள் தான் சரியாக பத்து லட்சம் இருந்தது. அதை வாங்கிக் கொண்டு வெறும் பத்து காசு கொடுக்க எனக்கு என்னாவோ போல் தான் இருந்தது. ஒப்பந்தம் அப்படி தானே எழுதிக் கொண்டோம். நான் கொடுத்த பத்து காசை பொற்காசு போல எடுத்து பத்திரப்படுத்திக் கொண்டு மறு பேச்சின்றி கிளம்பி விட்டார். என்னால் எதையும் நம்ப முடியவில்லை. மகிழ்ச்சியில் நெஞ்சு வலி வந்து விடக்கூடாதே என்ற கவலை வேறு.

நான் வாய் பிளந்த படி கேட்டுக்கொண்டிருந்தேன். கோபால் கதை விடுகிறானோ?

"மறு நாளும் இதே போல அதி காலை வந்து இன்னொரு பத்து லட்சம் தந்து விட்டுப் போனார். இம்முறை ஒப்பந்தப்படி இருபது காசுகள் வாங்கிச்சென்றார். மூன்றாம் நாளும் பத்து லட்சம் கொண்டு தந்து நாற்பது காசுகள் வாங்கி சென்றார்.
அவரது பயம் நியாய மானது தான் இப்போடு முப்பது லட்ச ரூபாய் சேர்ந்த உடனே யாராது திருடர் வந்து கொள்ளையடித்து சென்று வடுவார்களோ என்ற பயம் எனக்கே ஏற்பட்டு விட்டது."

"ஜாக் பாட் கூட இப்படி அடிக்காதே! நீ உண்மையிலேயே பெரும் அதிர்ஷ்டக்காரண்டா? பின் என்னடா அறிவு கெட்டவனே சோகத்தில் இருக்கிறாய்? லைஃபை நல்லா என்ஜாய் பண்ண வேண்டியது தானே? மொத்தம் முப்பது நாளில் ஒப்பந்தம் முடிந்து விடும் அதற்கு பிறகு பணம் வராது என்ற கவலையா?"

அட நீ வேறு அந்த எழவு ஒப்பந்தம் இப்போதே தீர்ந்து விடக்கடாதா? அல்லது என் உயிர் போய்விடாதா? என கவலையாயிருக்கிறேன். ஆரம்பத்தில் நான் நினைத்து போல் அல்ல இப்போதெல்லாம் பொழுது விடிவதே உயிரை அறுக்கத்தான் என்பது போல் வருகிறது. தினமும் அவன் கொண்டு வரும் பத்து லட்ச சூட்கேஸ் அளவு அப்படியயே தான் இருக்கிறது. ஆனால் கொண்டு போகும் பெட்டிதான் இப்போதெல்லாம் பெரிதாகி கொண்டிருக்கிறது. கொடூரமான இந்த ஒப்பந்ததில் கையெழுத்து போட்டதில் என் வீடு.என் தந்தை சேர்த்து வைத்திருந்த சொத்தெல்லாம் போய் விட்டது.அந்த ஒப்பந்தம் மட்டும் இன்னும் பாக்கியிருக்கிறது. என் வீட்டை அவசரமாக விற்பது பற்றி ஆலோசனை கேட்கத்தான் உன்னைஅழைத்தேன்.

கடற்கரையின் தூண்டில் வளைவில் ஒருவன் தூண்டிலில் ஒரு புழுவை வைத்துக் கடலில் எறிகிறான் சிறிது நேரத்தில் ஒரு கொழுத்த மீனை எடுத்து கரையில் போட்டான் .
நான் குழப்பமாக கோபாலை பார்தேன்.
"என்ன சொல்கிறாய்?. தினம் பத்து லட்சம் கிடைத்துமா இன்நிலை. நம்ப முடியவில்லையே? சரி இன்னும் சில நாட்கள் தானே இருக்கிறது ஒப்பந்தம் முடிய சமாளிக்க முடியாதா?"
"அதற்குள் நான் முடிந்து விடுவேன் போலிருக்கிறது" என கோபால் கடலை வெறித்துப் பார்த்தான்.
கோபால் இன்னும் கொடுக்க வேண்டிய தொகையை கடற்கரை மணலில் கூட்டிப் பார்த்தேன். என் தலை கிறு கிறுத்தது. முதலில் கோபாலை கடற்கரையிலிருந்து தூரமாக கொண்டு செல்ல வேண்டும். கோபாலின் இப்போதைய நிலைக்கு என்னால் வேறு எதுவும் செய்ய முடியாது. அப்புறம் யோசிக்கலாம்.



என்ன நண்பர்களே! கம்ப்யூட்டரில் உள்ள கால்குலேட்டரை ஒப்பன் பண்ணி ஒப்பந்த படி கோபால் முப்பதாவது நாள் கொடுக்க வேண்டிய தொகை எவ்வளவு? மொத்தம் கொடுக்க வேண்டிய தொகை எவ்வளவு? மொத்தம் பெற்றுக் கொண்டது எவ்வளவு? ஒரு சின்ன லாப நட்ட கணக்கு போட்டு பாருங்கள். (கால்குலேட்டரில் 1 **2 என க்ளிக் பண்ணிவிட்டு = பொத்தானை மட்டும் மீண்டும் மீண்டும் க்ளிக் பண்ண முந்தைய எண்ணின் இரு மடங்கு காட்டும்.) அதை மறக்காமல் பின்னூட்டமிடுங்கள். சரியாக சொல்பவர்களுக்கு கோபாலிடம் சொல்லி அந்த கோடீஸ்வரரை உங்களுக்கு அறிமுகப்படுத்த சொல்கிறேன். தினம் பத்து லட்சம் கிடைக்கும்.
எனக்கு அதிக பணம் தேவை இல்லை. ஒரு பத்து நாள் ஒப்பந்தம் போட்டுக் கொள்ளலாமா? என்று கேட்டு சொல்ல சொல்லியிருக்கிறேன்.

Download As PDF

25 July 2009

பயனுள்ள முகவரிகள்:இலவச மின் நூல் தளம்

சில அருமையான புத்தகங்கள் வாசிக்க கிடைத்தால் அன்ன ஆகாரத்தை கூட மறந்து விட்டு படிக்கத்தோன்றும். நல்ல புத்தகங்களை வாசிப்பதில் உள்ள சுவாரஸ்யமும் பயனும் வேறு எதிலும் இல்லை. காசு கொடுத்தாலும் கிடைக்காத நல்ல புத்தங்கள் பல இணைய தள புத்தக அலமாரிகளில் பதுங்கி கிடக்கிறது. இவற்றை தேடிஎடுத்து இலவசமாக படித்து பயன் பெற சில தளங்களின் சுட்டிகளை தந்திருக்கிறேன். உங்ளுக்கு தெரிந்ததையும் எல்லோருக்கும் பயன்படுமானால் இங்கே பகிர்ந்து கொள்ளுங்கள்.

இலவச இணைய மின் நூலகங்கள்:
------------------------------------------
archive.org/details/texts
bartleby.com/
onlinebooks.library.upenn.edu/lists.html
bibliomania.com/

planetebook.com/  ---- Classic literature for download
e-book.com.au/freebooks
www.netlibrary.net/
infomotions.com/
ipl.org/reading/

gutenberg.org/
forgottenbooks.org/
readprint.com/
en.wikibooks.org
e-booksdirectory.com/

free-ebooks-canada.com/
book-bot.com/
witguides.com/
2020ok.com/
manybooks.net/

globusz.com/Library/new_ebooks.php
readeasily.com/
eserver.org/
starry.com/free-online-novels/ For free on line novels
memoware.com/ Free Ebook Titles for your PDA!

http://www.freebookspot.com/
http://obooko.com/
http://www.bookyards.com/
http://www.onlinefreeebooks.net/ - general books,computer,technical,user manuals and service manuals available.
http://digital.library.upenn.edu/books/
http://e-library.net/


cdl.library.cornell.edu/ selected digital collections of historical significance.
bookboon.com/in you can download free books for students and travelers
arxiv.org/-Open access to e-prints in Physics, Mathematics, Computer Science, Quantitative Biology, Quantitative Finance and Statistics
bookmooch.com/ -புத்தகங்களை இங்கே பரிமாறிக்கொள்ளலாம்

மதுரை தமிழ் இலக்கிய மின் தொகுப்புத் திட்டம்
நூலகம் -இலங்கைத் தமிழ் இலக்கிய மின் பதிவுகள்.
TAMIL E-BOOKS DOWNLOADS
தமிழ் முஸ்லிம் நூலகம்
knowledge at fingertips
tamilvu.org- தமிழ் இணைய பல்கலை கழக நூலகம்

www.4shared.com தளத்திலிருந்து இலவச புத்தகங்கள் இங்கே பெறலாம்.
தமிழ் புத்தகங்கள் இங்கே பெறலாம்.

தமிழ் புத்தகங்கள் புதினங்கள் இங்கே வாசிக்கலாம்.
மின்னணுவியல் பொருட்களின் பயனர் கையேடுகளை (User Manual) இங்கே பெறலாம்.
Electronics Service manual,data-sheets,Schematic diagram 

கணினியியல் நூல்கள் இங்கே இலவசமாக கிடைக்கிறது.
http://ebooks-library.blogspot.com/ 
http://www.zillr.org/
http://freecomputerbooks.com/

மருத்துவ நூல்கள் இலவசமாக இங்கே பெறலாம்.

EncyclopaediaBritannica 29 Volumes in djvu format. Use djvu viewer program to view the files

Maran Collects & Shares -Software related EBooks, Personality Development Books, Audiobooks, IT Certification Materials with Test Engines, Software Video Tutorials, Encyclopedia of All Kinds, Rare Collection of Tamil Songs, Tamil Devotional Songs, Indian Instrumentals & Many More.

http://www.magazinesdownload.com/   -Download Popular magazines from this site.

http://www.booksshouldbefree.com/  Download Audio books as mp3 files

இனி படிச்சு கிழிக்க வேண்டாம்."கிளிக்"கி படிங்க.

Updated:27/jan/2011.
If links not working or any site not  "free" please let me know

Download As PDF

11 July 2009

பி.இ. நன்கொடை: புகார் செய்ய தமிழகம் முழுவதும் வசதி

சென்னை, ஜூலை 9: பி.இ. படிப்புகளில் சேர நன்கொடை வசூலிப்பது குறித்து புகார் செய்ய தமிழகம் முழுவதும் வசதி செய்யப்பட்டுள்ளது.5 பேர் கொண்ட ஆய்வுக் குழுவில் புகார் அளிப்பதுடன் மாவட்ட அளவிலும்புகார் செய்ய வசதி செய்யப்பட்டுள்ளது என்று உயர்கல்வி முதன்மைச்செயலாளர் கே. கணேசன் கூறினார்.

பி.இ. படிப்புகளில் சேருவதற்கான பொதுப் பிரிவு கவுன்சலிங் வெள்ளிக்கிழமை தொடங்குகிறது. இதில் சுமார் 1 லட்சம் பி.இ. இடங்கள் நிரப்பப்பட உள்ளன.

கட்டணம்: அண்ணா பல்கலைக்கழகங்களின் உறுப்புக் கல்லூரிகள், அரசு பொறியியல் கல்லூரிகள் ஆகியவற்றில் கல்விக் கட்டணம் ரூ.7,500.
அரசு உதவிபெறும் பொறியியல் கல்லூரிகளில் கல்விக் கட்டணம் ரூ.8,500.
சுயநிதி பொறியியல் கல்லூரிகளில் அரசு ஒதுக்கீட்டில் சேரும் மாணவர்களுக்கான கல்விக் கட்டணத்தை நீதிபதி என்.வி. பாலசுப்பிரமணியன் குழு நிர்ணயித்துள்ளது.இதன்படி,
தரச் சான்று பெற்ற பாடப் பிரிவுக்கு கல்விக் கட்டணம் ரூ.40ஆயிரம்;
தரச் சான்று பெறாத பாடப் பிரிவுக்கு கல்விக் கட்டணம் ரூ.32,500.

எச்சரிக்கை: சுயநிதிக் கல்லூரிகள், நீதிபதி நிர்ணயித்த கட்டணத்தை விட கூடுதலாக கட்டணம் வசூலிக்கவோ, நன்கொடை வசூலிக்கவோ கூடாது. மீறி செயல்பட்டால் சம்பந்தப்பட்ட கல்லூரிகளில் மாணவர் சேர்க்கை நிறுத்தப்படும். கல்லூரியின் பல்கலைக்கழக அங்கீகாரமும் ரத்து செய்யப்படும் என்று அனைத்து சுயநிதி கல்லூரிகளுக்கும் தமிழக அரசு கடும் எச்சரிக்கை விடுத்துள்ளது.

அங்கீகாரம் ரத்து: அரசின் எச்சரிக்கையை மீறி செயல்படும் கல்லூரிகள் மீது புகார் அளிக்கவும், புகார்களின் மீது கல்லூரிகளில் சோதனை செய்யவும் 5 பேர் கொண்ட ஆய்வுக் குழுவை அரசு அமைத்துள்ளது. இந்த குழுவுக்கு சட்டப்படி அதிகாரமும் அளிக்கப்பட்டுள்ளது.

கடந்த ஆண்டு நடைபெற்ற பொறியியல் மாணவர் சேர்க்கையின் போது,அதிகக் கட்டணம் கேட்கும் கல்லூரிகள் மீது மாநிலம் முழுவதும் புகார் அளிக்க வசதி இருந்தது.இந்த ஆண்டு ஆய்வுக் குழு அமைக்கப்பட்டுள்ள நிலையில், குழுவிடம் மட்டும் தான் புகார் அளிக்க வேண்டுமா என்ற கேள்வி எழுந்துள்ளது.இதற்கு பதில் அளித்து உயர்கல்வி முதன்மைச் செயலர் கே. கணேசன் கூறியதாவது:
அதிகக் கட்டணம், நன்கொடை கேட்கும் கல்லூரிகள் மீது ஆய்வுக் குழுவில் மட்டுமே புகார் கொடுக்க வேண்டும் என்பது இல்லை. மாநிலம் முழுவதும் புகார் செய்யலாம். புகார் செய்ய கடந்த ஆண்டு பின்பற்றப்பட்ட நடைமுறை இந்த ஆண்டும் பின்பற்றப்படும் என்றார்.

தமிழகம் முழுவதும் வசதி: இதன்படி, நன்கொடை கேட்கும் கல்லூரிகள் மீது தமிழகம் முழுவதும் புகார் செய்ய வசதி ஏற்பட்டுள்ளது.
கீழ்க்கண்ட தொலைபேசி எண்களில் மாணவர்கள், பெற்றோர்கள் புகார் அளிக்கலாம். பேக்ஸ் எண்கள் அடைப்புக் குறிக்குள்.

1. சென்னை, திருவள்ளூர், காஞ்சிபுரம் உள்ளிட்ட அனைத்து மாவட்டங்களைச் சேர்ந்தவர்கள் -
தொழில்நுட்பக் கல்வி இயக்ககம், சென்னை: 044-22351018 (044 22201514)

2. ஈரோடு, கரூர், கோவை, நீலகிரி, திண்டுக்கல்-கோவை அரசு பொறியியல் கல்லூரி :0422-2432221/436 (0422-2455230)

3. சேலம், நாமக்கல், கடலூர், பெரம்பலூர், அரியலூர்-சேலம் அரசு பொறியியல் கல்லூரி :0427-2346157/102 (0427-2346458)

4. திருச்சி, தஞ்சாவூர், திருவாரூர், புதுக்கோட்டை, மதுரை,சிவகங்கை, நாகப்பட்டினம்-காரைக்குடி அழகப்பா செட்டியார் பொறியியல் கல்லூரி:
04565-224535/225349 (04565-224528)

5. திருநெல்வேலி, விருதுநகர், தூத்துக்குடி, கன்னியாகுமரி,ராமநாதபுரம், தேனி-திருநெல்வேலி அரசு பொறியியல் கல்லூரி:
0462-2552448/50 (0462-2554012)

6. தர்மபுரி, கிருஷ்ணகிரி-பர்கூர் அரசு பொறியியல் கல்லூரி :
04343-266101/067 (04343-265875)

7. வேலூர், திருவண்ணாமலை, விழுப்புரம்-தந்தை பெரியார் ஈ.வே.ரா.அரசு பொறியியல் கல்லூரி :
0416-2267498/762 (0416-2267498).

----எல். சரவணன்:
நன்றி: தினமணி நாளிதழ்

Download As PDF

17 June 2009

குப்பைகள்-தப்பும் சரியும்


எராளமான வீட்டு உபயோகப் பொருட்களின் குப்பைகளும் ஆபத்தான ரசாயனக் கழிவுகளையும் மக்கள் தினமும் அலட்சியமாக கொட்டி நாம் வாழும் இந்த அழகிய பூமியை மாசுபடுத்தி வருகிறார்கள். வீட்டை அழகு படுத்துவதில் நாம் செலுத்தும் கவனத்தில் கொஞ்சம் நம் சுற்று சூழலைக் காப்பதிலும் செலவழித்தால் வரும் தலைமுறையினருக்கு நலமான வாழ்க்கையை விட்டுச் சென்றவர்களாக இருப்போம். நாம் பொறுப்பின்றி செய்யும் பல காரியங்களும் பல மடங்கு நமக்கே பாதகமாக மாறிவிடக்கூடும். மல்லாந்து கிடந்து எச்சில் துப்புவதை போன்ற இயற்கையை பாழ் படுத்தும் காரியங்கள் எவை என உணர்வதும் அதை தவிர்ப்பதும் அது பற்றிய மக்கள் விழிப்புணர்வும் மிக மிக தேவையான கால கட்டத்தில் இருக்கிறோம்.

குடி தண்ணீரை மாசுபடுத்தும் செயல்களை எங்கே கண்டாலும் எதிர்த்திடுங்கள். மக்களை பெருமளவு கொள்ளையடித்து செல்லும் நோய்கள் பெரும்பாலும் மாசுபட்ட தண்ணீராலையே பரவுகிறது. தொழிற்சாலைகள் ஈவிரக்கமின்றி அதன் கழிவுகளை ஆற்று நீரில் கலப்பதால் ஆபத்தான ரசாயனங்கள் அப்பகுதி மக்களுக்கு தலை முறை தலைமுறையாய் பாதிப்பு ஏற்படுத்தும்.

காற்றை மாசு படுத்துபவர்களையும் கண்டும் காணாமல் விடக்கூடாது. தொழிற்சாலைகளில் உருவாகும் புகை சுற்று சூழலை கெடுக்கா வண்ணம் அமைக்கப்பட வேண்டும். வாகனங்கள் வெளிவிடும் கார்பன் மோனாக்ஸைட் காற்றில் அதிகரித்து காற்று விஷமாகி வருவது பறறி கவலை இன்றி நகரங்கள் புகைக்கு பழகிவிட்டன. சுவாசிக்க சுத்தமான ஆக்ஸிஜன் கிடைக்காததும் இன்று பெருகிவரும் மன அழுத்தம் போன்ற பல நோய்களுக்கும் காரணம்.

பிளாஸ்டிக் பொருட்கள்: மரம் ,காகிதம் போல பிளாஸ்டிக் பொருட்கள் எளிதில் மக்கி இயற்கையோடு கலக்காமல் அப்படியே வெகு காலம் இருக்கும். இப்படியே போனால் உலகம் வெறும் பிளாஸ்டிக் குப்பைகளால் நிறைந்து விடும்.

குப்பை கழிவுகளுடன் மண்ணில் பிளாஸ்டிக் பைகளை புதைப்பதால், அவை நெடுங்காலத்துக்கு மண்ணில் மக்கிப்போகாமல் தாவரங்களின் வேர்கள் ஊடுருவ முடியாமலும், மழைநீர் மண்ணுக்குள் செல்வதைத் தடுக்கவும் செய்வதால் நிலத்தடி நீர்மட்டம் குறைய காரணமாக அமைகின்றன.

பிளாஸ்டிக் பைகளில் உள்ள உணவுப் பொருட்களை கால்நடைகள் உட்கொள்ளும்போது, கால்நடைகளின் உணவுக்குழல் அடைபட்டு அவை இறந்து போகின்றன. சில உயிரினங்கள் பேப்பர் என்று நினைத்துக் கொண்டு தவறுதலாக பிளாஸ்டிக் பைகளை உண்டுவிடுகின்றன. இதனால் இறந்தும் விடுகின்றன.

கடைக்கு போய் என்ன சாமான் வாங்கினாலும் உடனே ஒரு பிளாஸ்டிக் பையில் போட்டு கொடுத்து விடுவார்கள். இப்படி வீட்டில் சேரும் குப்"பை"களை தெருவில் எறிந்து விடுகிறோம். கொஞ்சம் பொறுப்பாக கடைக்கு போகும் போதே ஒரு பையை கொண்டு போகலாம். அல்லது பை வேண்டாம் பேப்பரில் பொதிந்து கொடுங்கள் என்று கேளுங்கள். துணிப்பைகள், சணல்பைகள், பழைய துணிகளால் தைக்கப்பட்ட பைகள், விழாக்களில் கொடுக்கப்படும் மஞ்சள் பைகளை பயன்படுத்துவோம்

பிளாஸ்டிக் பைகளில் சூடான உணவுப் பொருட்களை வாங்கிச் செல்லும்போது, பிளாஸ்டிக் சூடாகி வேதியியல் மாற்றங்களால் ஹைட்ரோகார்பன் மற்றும் பியூரான் போன்ற நச்சு வாயுக்கள் உணவில் கலந்து விடுகின்றன. அந்த உணவை உண்பவர்களுக்கு நுரையீரல் பாதிக்கப்படுகிறது.

மெல்லிய பைகளை விட கெட்டிப் பைகள் அழிவதற்கு ஆண்டுகள் பல பிடிக்கும்.

குழந்தைகளுக்கு தேவையற்ற பிளாஸ்டிக் விளையாட்டுப்பொருட்களை வாங்கி குவிக்காதீர்கள். நீங்கள் பெருமைக்காக வாங்கிக் கொடுக்கும் அனேக விளையாட்டுப் பொருட்களை விட மிக எளிமையான சாதாரணப்பொருட்களே குழந்தைகளுக்கு விளையாடப் போதுமானது. அதையே அவர்கள் விரும்புகிறார்கள். ஒரிரு தினங்களில் குப்பையாகிப் இடத்தை அடைத்துக் கொண்டிருக்கும் பொருட்களை தவிர்கலாமே. அத்தகைய பிளாஸ்டிக் குப்பைகளை எல்லாம் எரிப்பது கூட ஆபத்தான செயலாகும். பிளாஸ்டிக்கை எரிப்பதால் வெளியாகும் நச்சுப்புகை உயிருக்கு ஆபத்தானது.பல்வேறு சுவாச நோய்களை உண்டாக்குகிறது.

எலெக்ட்ரானிக் பொருட்கள் மிகவும் மலிந்த இக்காலத்தில் அவைகள் தான் குப்பைகளில் முதலிடம் வகிப்பது. முன்பெல்லாம் எலெக்ட்ரானிக் பொருட்கள் பழுதானால் பழுது நீக்கி பயன் படுத்தலாம். இப்போது பழுதானால் தூர எறிந்து விட்டு புதிதாக ஒன்றை வாங்கி கொள்வதே லாபமாக இருக்கிறது. பழுதான பொருட்களை தூர எறியவும் மனமின்றி குப்பைகளாக வீட்டிலேயே இடத்தை அடைத்து கொண்டு பாதுகாப்பவர் பலர். ஆசைகளுக்காகவும் பெருமைகளுகாகவும் பொருட்கள் வாங்காமல் தேவைகளுக்காக மட்டும் பொருள் வாங்கப் பழக வேண்டும். நமக்கு தேவையற்றதை தேவையின்றி சுமக்கவும் கூடாது. ஒரு டிவிடி பிளேயர் புதிதாக வாங்கினால் ஏற்கனவே இருந்த காசட் பிளேயரை அது தேவைப்படுவோருக்கு கொடுத்து விடுங்கள். எல் சி டி டீவி வாங்கினதும் பழைய டீவியை மூலையில் வைக்காமல் யாருக்காவது கொடுத்து விடுங்கள்

பாட்டரிகள் : விளையாட்டு பொருட்கள், ரிமோட் கண்ட்ரோலர்கள் ஆகியவற்றில் பயன்படுத்தப் பட்டு வீணான பாட்டரிகள் குப்பைகளில் போடப்பட்டு பூமியில் ஆபத்தான ரசாயன கழிவுகளாக மாறுகிறது. அதனுள் இருக்கும் மெர்குரி போன்ற பொருட்கள் அதிக விஷத்தன்மை வாய்ந்தது. இவை அதிக அளவு பூமியை மாசுபடுத்துவதை தவிர்க்க மீண்டும் மீண்டும் உபயோகப்படுத்த்க் கூடிய ரீசார்ஜ் பாட்டரிகள் பயன்படுத்தலாம். ஒரு ரீசார்ஜபிள் பாட்டரி 300 சாதாரண பாட்டரிகளுக்கு சமம். ரீசார்ஜபிள் பாட்டரிகளை ரீசைக்களும் செய்யலாம். எனவே அவை குப்பையாவதில்லை.

சிடிக்களும் டீவிடிக்களும் மிகவும் குறைந்த விலையில் கிடைப்பதால் இவைகளும் சில உபயோகங்களுக்கு பிறகு அழியாத குப்பைகளாக மாறுகின்றன. ஹார்ட் டிஸ்க் மற்றும் தம்ப் ட்ரைவுகளை தற்காலிக சேமிப்புகளுக்கு பயன் படுத்துவது நல்லது.

தேவையற்ற வீட்டு உபயோகப் பொருட்களையும் வாங்கிக் கூட்டுவதும் ஆரோக்கியமான பழக்கம் அல்ல.

சி எஃப் எல் வகை மற்றும் சாதாரண குழல் விளக்குகள் பழுதானால் அதை உடைத்து எறியாமல் ரீ சைக்கிள் செய்ய வேண்டும். பார்க்க LampRecycle.org. அவற்றை உடைப்பதால் அதிலிருந்து மிகவும் ஆபத்தான பாதரச வாயு வெளிப்படும். அதை சுவாசிப்பது மிகவும் கெடுதல். அப்படி ஏதும் பிரச்சனை ஏற்பட்டால் என்ன செய்ய ?என்று EnergyStar.gov தளத்தில் வழிமுறைகளை பார்க்கவும்.

பெரும் விருந்துகள், திருமன நிகழ்சிகளில் சில சமயம் ஏராளமான உணவுப் பொருட்கள் வீணடிக்கப்படுகின்றன. மீதம் வரும் அத்தகைய உணவுகளை அருகே உள்ள அனாதை ஆசிரமங்களுக்கோ், வறியவர்களுக்கோ வழங்குவது இரட்டை புண்ணியம்.

தினமும் சேரும் வீட்டு குப்பைகளை மக்கும் பொருள் மக்காத பொருள் என தரம் பிரித்து அதற்குரிய நகராட்சி குப்பைத்தொட்டிகளில் இட வேண்டும்.

மக்குகின்ற குப்பைகள் சிறந்த இயற்கை உரமாகும்.சில கிராமங்களில் இப்படி சேரும் மக்குகின்ற குப்பைகளிலிருந்து கோபார் வாயு எடுக்கப்ப்ட்டு சமையல் அடுப்பு மற்று விளக்குகளில் பயன்படுத்துகிறார்கள். மக்காத பொருட்களை கூட தரம் பிரித்து அலுமினியம், பித்தளை, செம்பு, இரும்பு, காகிதம், பாட்டில்கள், பிளாஸ்டிக் என பழயை பொருட்கள் வாங்கும் கடைகளில் விற்று காசாக்கலாம். அதோடு சுற்று சூழலையும் காக்கலாம்.

வாகனங்கள், இன்வெர்ட்டெர், எமெர்ஜென்சி லைட்களில் பயன் படுத்தப்படும் lead acid Batery கள் பழுதானால் கூட தூக்கிப் போடாதீகள். அதிக பணம் தந்து வாங்குபவர்கள் இருக்கிறார்கள்.
தேவையற்ற பொருட்களை விற்க இணையத்தில் e-bay போன்ற எவ்வளவோ தளங்கள் இருக்கின்றன. குப்பைகள் என கருதுவதைக் கூட காசாக்கலாம்.

Midway Island, North Pacific Ocean, Unbelievable !



Great Pacific Garbage Patch - Ocean Pollution Awareness




சுற்று சூழல் மாசு உருவாக்கும் உடல் நலக் கேடு பற்றிய தகவல்கள் இங்கே
http://www.scorecard.org/health-effects/

Download As PDF

09 June 2009

கலர் குளிர் பானங்களில் என்ன இருக்கிறது?


எந்த விழாக்களானாலும் பார்ட்டியானாலும் சாஃப்ட் டிரிங்ஸ் எனப்படும் குளிர் பானங்கள் இடம் பெறாமல் இருப்பதில்லை. இந்த வண்ண திரவங்களால் உடலுக்கு ஏதேனும் நன்மை கிடைக்கிறதா? என்றால் நிச்சயமாக இல்லை. மாறாக அவற்றுள் அடங்கியுள்ள நச்சுப் பொருட்கள் உடலுக்கு கேடு செய்கின்றன என்ற விழிப்புணர்வாவது இருக்கிறதா என்றால் அதுவும் இல்லை.

பற்கள் பாதிப்பு அடைகின்றன: பொதுவாக எல்லா குளிர் பானங்களும் அமிலச்சுவையுடன் இருக்கின்றன.இதில் கலந்துள்ள அமிலங்கள் பற்களின் எனாமலைப் பதம் பார்த்து கரைத்து விடுகின்றன.மேலும் அதிலுள்ள சர்க்கரை சத்து பற்களைத் தாக்கும் பாக்டீரியாக்கள் வளர உதவுகிறது.
பல பிராண்டட் குளிர் பானங்களில் அனுமதிக்கப்பட்ட அளவைக் காட்டிலும் நச்சுப்பொருள் எச்சம் உள்ளது என்று 2003-ல் அறிவியல்-சுற்றுச்சூழல் மையம் அறிக்கை வெளியிட்டது. இது செவிடன் காதில் சங்காய் அலட்சியப் படுத்தப்பட்டு இன்றும் நாகரீகமான பானமாகவே பொதுவாக கருதப்பட்டு பயன் படுகிறது. இதன் கெடுதல் தன்மை ஒரு புறம் இருக்கட்டும் இத்தகைய பானங்களில் எந்த வித ஊட்டச்சத்தும் இல்லை என்பதே உண்மை. ஒருகரண்டி சர்க்கரைக்கு சமமான சர்க்கரை சத்தும் தண்ணீரும் உடலுக்கு தேவைப்படாத சில ரசாயனமும் தான் அதில் உள்ளது. தேவைக்கு அதிகமான சர்க்கரை சத்து இரத்தத்தில் கொலெஸ்ட்ராலை அதிகரிக்க செய்யும். பின்னர், நீரிழிவு, இரத்த அழுத்தம் , இதய நோய், பக்க வாதம் எல்லாம் இதன் செல்லப்பிள்ளைகள்.

ஆபத்தான ரசாயனங்கள்
Aspartame
          "Light:" அல்லது "Diat"  குளிர்பானங்களில்  சர்கரைக்கு பதில் aspartame  என்ற செயற்கை இனிப்பூட்டி ரசாயனம் சேர்கப்படுகிறது. இது கலோரி தருவதல்ல ஆனாலும் இது தாகத்தை தணிப்பதற்கு பதில் . பசியும் தாகத்தையும் அதிகரிக்க செய்யும்.. 2010ல் ~நடைபெற்ற ஆய்வில்  இது ஈரல்,நுரையீரல் மற்றும் மூளையில் ட்யூமர் கட்டிகள் உருவாக்க கூடும் என கண்டறியப்பட்டது.
          இந்த aspartame  சிதைவுற்று methanol ஆக மாறுகிறது. இது சுற்று சூழலுக்கு கேடு விளவிக்கும் ஒரு காரணியாகும்.
        மனித உடலில் இந்த methanol மேலும் சிதைவுற்று formic acid மற்றும் formaldehyde ஆக மாறுகிறது.இது நரம்பு மண்டலத்தை தாக்கும் ஒரு விஷப்பொருள். இதனால் மைக்ரேன் எனும் ஒற்றைத் தலைவலி, மந்தம் ,பார்வைக்குறைபாடு மற்றும் மறதியை இந்த செயற்கை இனிப்பூட்டி உருவாக்கும்
Caramel
         கோலா பானங்களின் பிரவுன் நிறத்திர்க்காக இந்த ரசாயனப் பொருள் சேர்க்கப்படுகிறது.இதில் உள்ள  ammonia மற்றும் sulphite  ஈரல் மற்றும் நுரையீரல் புற்று நோயை உருவாக்குகிறது.மேலும் தைராய்ட், லூக்கேமியா போன்ற நோய்க்கு காரணமாவதாக CSPI U.S. research institute தெரிவிக்கிறது.
Phosphoric acid 
       சிட்ரிக் ஆசிட்டுக்கு பதிலாக கோலா பானங்களில் சேர்க்கப்படும் இந்த ரசாயனம் சிறுநீரக செயலிழப்பு மற்றும் Osteoporosis எலும்பு உடைதல் நோய்க்குக் காரணமாக இருக்கிறது.
Benzoic acid
        குளிர் பானங்கள் நெடு நாட்கள் கெட்டுப் போகாமல் இருக்க பென்ஸாயிக் அமிலம் பயன்படுத்தப்படுகிறது. இது ஆஸ்துமா, பரு, தோலில் வேனல் கட்டி, வெடிப்பு முதலியவற்றை உண்டாக்குகிறது. கூடவே எதிலும் குற்றம் கண்டுபிடிக்கும் மனப்பான்மையையும் உண்டாக்குகிறது.
 Sulphur Dioxide
       எலுமிச்சை பானங்கள் கருப்பு நிறமாக மாறி விடாமல் இருக்கவும், சல்ஃபர் டையாக்ஸைடு சேர்க்கப்படுகிறது. இது பானங்களில் உள்ள நறுமணம் ஆவியாகிப் போய்விடாமல் பாதுகாக்கிறது. இந்த சல்ஃபர்டையாக்ஸைடு, ஒரு நச்சு முறிவு மருந்துதான். நலமாக உள்ள ஒருவர் தொடர்ந்து கலர் அருந்தியதும் மந்தநிலை, தெளிவற்ற பார்வை, தோலில் வெடிப்பு, வீக்கம், சோர்வு, இதயத்தில் ஓருவித இறுக்கம், அதிர்ச்சி, திடீர்க் கோபம், அதிர்ச்சியில் இறப்பு போன்றவை ஏற்படுகின்றன. அப்படி இருந்தால் ஆரோக்கியமான உடலில் கலர் மூலம்சேர்ந்த சல்பர் டையாக்ஸைடே காரணம்.
 Caffine
         பானங்கள் நறுமணமாக இருக்க, காஃபைன் சேர்க்கப்படுகிறது. காஃபைன், உண்மையில் போதை தரும் ஒரு மருந்துதான். இது அதிகமானால் மத்திய நரம்பு மண்டலம் அடிக்கடி ஊக்குவிக்கப் படுவதால் விரைவில் தளர்ச்சியும் வந்துவிடுகிறது. இதனால் தூக்கமின்மை, நரம்புக் கோளாறு, எரிச்சல், வயிற்றுப் பொருமல், மனக்குழப்பம், இதயம் வேக வேகமாகத் துடித்து ஒரு விதப் பதட்டம் முதலியன ஏற்படுகின்றன. சிறுநீர்ப் பைகள், வயிறு முதலியவற்றில் புற்றுநோய், இரத்தக்கொதிப்பு, மேலும் ஆறு விதமான புற்றுநோய்கள் அடிக்கடி கலர் அருந்துகிறவர்களுக்கு வருகிறது. அடிக்கடி இளவயதில் கலர் அருந்தும் தம்பதிகளுக்கு பிறவியிலேயே குறைபாடு உள்ள குழந்தைகள் பிறந்துள்ளன.
இத்தகைய ஊக்க பானங்களை மதுவுடன் சேர்த்து அருந்துவது உடலுக்கு மிக்வும் கேடு செய்யும். ஏனெனில் இவை தற்காலிகமாக மூளையை தூண்டுகின்றன. ஆனால் மது மூளையை மந்தப்ப்படுத்துகிறது. இந்த முரண்பட்ட தன்மையால் மனிதனின் நரம்பு மண்டல கட்டுபாடு சீர்குலைகிறது. மயக்கம் வாந்தி, இதயத் துடிப்பில் சீரின்மை உண்டாகிறது.
Tartrazine
       ஆரஞ்சு மற்றும் மஞ்சள் நிறத்திலும் கலர் பானங்கள் தயாரிக்கப் படுகின்றன. இந்த டார்ட்ராஜைன் Tartrazine என்ற கலரை நார்வே, பின்லாந்து ஆகிய நாடுகள் தடை செய்துள்ளன. இந்த வண்ணச் சாயம் தோலிற்கு அலர்ஜியைத் தந்து, உடலில் வீக்கம், கடுமையான ஜலதோஷம், கண்கள் சிவப்பாக மாறுதல், பார்வைக் குறைபாடு, நரம்புக்கோளாறு ஆகிய விளைவுகளை ஏற்படுத்துகின்றன. இது ஹைப்பர் ஆக்டிவிட்டி, ஆஸ்த்மா, புற்றுநோய் போன்றவற்றை உருவாக்ககூடும்.
       குளிர் பானங்களின் நிறத்துக்கு சேர்க்கப்படும் சிவப்புச் சாயம் புற்றுநோய், ஒவ்வாமை, சாப்பிட்ட உணவை அல்லது தயாரித்த உணவை நஞ்சாக மாற்றிவிடுகிறது.
 carboxymethylcellulose
       ஐஸ்க்ரீமில் உள்ள carboxymethylcellulose எலிகளிடம் செய்த சோதனையில் 80% புற்று நோய் உரு்வாக்குவது கண்டு பிடிக்கப் பட்டது.
Aluminium
அலுமினிய கேன்களில் அடைக்கப்பட்டு வரும் குளிர்பானங்களில் அதன் அமிலத் தன்மையால் அலுமினியத்தோடு வினைபுரிந்து அலுமினியம் சிறு அளவாவது குளிர்பானத்தில் கலக்கும் வாய்ப்புள்ளது.மேலும் இந்த கேன்கள் பெட்டி பெட்டியாக கடைகளிலும் குடோன்களிலும் வைக்கப்பட்டிருக்கும் வேளையில் எலிகள் போன்ற பிராணிகளால்  கேன்களில் வாய் வைத்து குடிக்கும் பகுதியில் கிருமிதொற்று ஏற்படும் அபாயம் உள்ளது
        பாக்கெட்டுகளில் அடைத்து வரும் பழச்சாறுகள் பலதும் உண்மையில் பழச்சாறுகள் அல்ல. சர்க்கரை, தண்ணீர், அராபிக் கம் எனப்படும் கோந்து மற்றும் சில ரசாயன வண்ணங்களும் எஸ்சென்சும் தான். பல சாஃப்ட் ட்ரிங்க் பொடிகளும் ஆபத்தான வெறும் ரசாயனக்கலவைகளே.எனவே, அடுத்த முறை கலர் அருந்த நினைக்கும் போது அந்த எண்ணத்தைக் கைவிட்டு, மோர், லெமன்ஜூஸ், காரட் ஜூஸ், இயற்கையான பழச்சாறுகள், இளநீர் போன்றவற்றை அருந்துங்கள். அதுவே நல்லது.

தாகம் ஏற்பட்டல் உடனே தண்ணீர் மட்டுமே அருந்த வேண்டும். ஜூஸ் அதற்கு தீர்வாகாது.சுத்தமான தண்ணீர் என்ற பிரமையை உருவாக்கி வரும் மினரல் வாட்டர்களிலும் எந்த விதமான சத்துப் பொருளும் இல்லை பதிலுக்கு ரசாயனங்களே சேர்க்கபடுகிறது. தொழிற்சாலை கழிவுகள் ஆற்று நீரில் கலந்து பல இடங்களில் இயற்கையாகக் கிடைக்கும் குடிநீரே விஷமாகிக் கிடக்கிறது். இதை தான் குளோரின் கலந்து பல நகராட்சிகளில் குடிநீராக வினியோகிக்கிறார்கள். பூமியிலிருந்து கிடைக்கும் இயற்கையான குடிநீரையும் பரிசோதித்து  நல்ல குடி நீராக மாற்றி உபயோகப் படுத்துவதே நல்லது.

Download As PDF