21 August 2015

பொருளிலாப் பொருள்

நாம் பொருட்கள் என்று கருவது எதை.?    
  உதாரணமாக ஒரு மிட்டாயை பொருளாக பார்க்கிறோம்.இது உண்மையில் என்ன? இது ஒரு இடத்தில் இருப்பதை உணர்கிறோம்,இதற்கு ஒரு வடிவம் , நிறம் ,சுவை, திடத்தன்மை எல்லாம் உணருகிறோம். இவையெல்லாம் அந்த மிட்டாயின் பண்புகள் சரிதானே? இந்த பண்புகளுக்கு மிட்டாய் என்று பெயர் வைத்துள்ளோம். எனவே மிட்டாய் என்பது பெயரும் பண்புகளுமே.
        இந்த பெயர் என்பது மிட்டாயை முதன் முதலாக சீனியை உருக்கி வண்ணம் சேர்த்து சதுர வில்லையாக்கி அல்லது உருட்டி தந்தவர் இட்டபெயர். அதற்கு முன் அது சீனி ,நிறப்பொடி என்ற பொருளாகத்தான் இருந்தது. மிட்டாய் என்ற பொருளை அவர் புதிதாக உருவாக்கி விடவில்லை. அவர் சீனியையும் நிறப்பொடியையும்  கலந்து நம்மிடம் மிட்டாய் என்ற பெயரில் சுட்டிக்காட்டினார். அதன் பிறகு நாம் இந்த காம்பினேசனில் காண்பதை மிட்டாய் என்று உணர்கிறோம்.
       மிட்டாய் என்ற பெயரும் எதை மிட்டாய் என்று அழைக்க வேண்டும் என்ற அதன் பண்புகளை பற்றிய அறிவும்  நம் நினைவில் இருந்தால் தான் மிட்டாய் என்ற பொருளை நாம் அடையாளம் காண மூடியும்,
         இனி இதன் பண்புகளான நிறம் ,மணம் ,சுவை ,திடம் போன்ற பண்புகளை புலன்கள் வழி பெறும் மின்சார தூண்டுல்களாகவே மூளையை அடைகிறது. மிட்டாயின் மூலக்கூறுகளின் மின் காந்த விசை நம் கையின் நரம்புகளின் மூலக்கூறுகளுடைய மின் காந்த விசையுடன் உண்டாக்கும் எதிர்ப்பை நரம்புகள் வழி மூளை உணர்ந்து மிட்டாயின் திடத்தன்மையை பற்றிய தகவலை மூளையில் ஒரு நியுரான் இணைப்பில் தகவலாக போட்டு வைக்கிறது.

     கண்கள் அதே போல மிட்டாயில் பட்டு எதிரொளிக்கும் ஒளியின் மிச்சம் விழியின் நரம்புகளில் உண்டாக்கும் மின் அலைகளை மூளை பதிவு செய்து ஒரு தகவலை உருவாக்குகிறது.
     சுவை அது போல மிட்டாயின் மூலக்கூறுகள் நாவின் சுவை மொட்டின் ரசாயனங்களுடன் வினை புரிந்து கிடைக்கும் மின் அலைகள் மூளையில் சுவை பற்றி தகவலை பதிவு செய்கிறது.

         இவ்வளவு பண்புகளாக மூளையில் தகவல் பதித்தாலும் எல்லாம் வெறும் மின் சமிக்ஞைகள் தான்.இத்தனைக்கும் காரணமான மிட்டாய் நாம் அறியும் மிட்டாயாகத்தான் அங்கே இருக்கிறதா? என்றால் இல்லை. சர்க்கரை மூலக்கூறுகளாக இருக்கிறது.
மூலக்கூறுகள் எனும் மற்றொரு பொருளாகவா இருக்கிறது?என்றால் அதுவும் இல்லை அதுவும் ஒரு கருத்து தான். அணுக்களாக இருக்கிறது.
.     அணுக்கள் என்ற பொருளாகவா இருக்கிறது? என்றால் அதுவும் இல்லை ஒவ்வொரு அணுவின் 99.99% காலியிடம் தான் இருக்கிறது. சரி அந்த 0.99% ஆவது உள்ள பொருள் தான் மிட்டாயா ? என்றால் இல்லை
   அந்த அணு உட்பொருளையும் குவாண்டம் அறிவியல் அது பொருளாக இல்லை அலையாக இருக்கிறது என்று கூறுகிறது.
      நாம் கவனிக்கும் போது பொருளாகவும் கவனிக்காத போது அலைகயாகவும் இருக்கிறது. அதாவது மிட்டாய் நாம் கவனிக்கும் போது அதன் எல்லா குணத்துடன் ஒரு இடத்தில் இருக்கிறது நாம் கவனிக்காத போது அலையாக இடமற்ற வெளியில் வெறும் அதிர்வாக துடித்துக் கொண்டிருக்கிறது,
    மிட்டாய்க்குத் தானா இந்நிலை. இல்லை அதைகாணும் நாமும் நம் உடலும் புலன்களும் ,மூளையும் எல்லாம் பொருட்கள் தானே.அப்படியானால் எல்லாமே நீங்களும் நானும் உலகமும் எல்லா பொருட்களும் இடமற்ற வெளியில் வெறும் அதிர்வுகளாகத்தான் இருக்கிறோம்
        நாம். அப்படியென்றால் நம் மூளையில் பதிந்த எண்ணங்களும் அதிர்வுகள் தானே. இது தான் இடமெற்ற எண்ண வெளி. இங்கு எல்லா பொருட்களாக அறிபவையும் அதிர்வுகளாக இருக்கிறது. இதை நம் மனம் உணரும் விதம் தான் பொருட்களாக இடத்தில் அதனதன் குணங்களுடன் அறிவது.

   ஒரு குறிப்பிட்ட அலைவரிசையின் அதிர்வாக நம் உடலை உணர்கிறோம். மூளையை உணர்கிறோம்.மூளையில் மிட்டாய் என்ற உணர்வை உண்டாக்க காரணமான அதிர்வின் தூண்டுதல்கள் உண்டாக்கும் நினைவு பதிவை, முந்தய நினைவுகளை கம்பேர் செய்து மூளை மிட்டாய் என்ற பொருள் அதன் நிறம் , வடிவத்துடன் வெளியே இருப்பதாக ஒரு உணர்வை உண்டாக்குகிறது. அதை நாம் நம்புகிறோம் உண்மையில் எல்லாமே இடம் பொருள் அற்ற வெளியில் அதிர்வுகளாக இருக்கிறது.
          நாம் ஒரு புதிய பொருளை கண்டுபிடித்தாலும் ,ஒரு கல்லை நகர்த்திப் போட்டாலும் ஒரு கவிதையை மனதில் எண்ணினாலும் அது ஒரு குறிப்பிட்ட அதிர்வாக இந்த வெளியில் தான் இருக்கிறது. நான் ரகசியமாய் எண்ணுவது நீங்கள் ரகசியமாய் செய்வது ரகசியமான இந்த வெளியில் அதிர்வுகளாக இருக்கிறது நம் மூளைக்குள் மட்டும் பொத்தி வைத்த நினைவுகள் என்பது வெறும் நம்பிக்கைதான். அனைத்தும் ஒரு வெளியில் அதிர்வுகளாய் இருக்கிறது, கொல்பவனும் செத்தவனும் சாட்சியானவும் ஒரே வெளியின் அதிர்வுகள் தான். இடத்தில் காலத்தில் உண்டாக்கும் வேறுபாடு எல்லாம் வெறும் தோற்றங்கள்.நேற்று நாளை இல்லை இவ்வெளியில் இக்கணத்தின் அதிர்வுதான்.நேற்று பற்றிய நினைவும நாளை பற்றிய கனவும் அதிர்வுகளாக இக்கணத்தின் துடிப்புதான்.,நம் தன்னுணர்வும் இந்த துடிப்பின் கணத்திலே இருக்கிறது துடிப்பின் கணத்தையே அனுபவிக்கிறது.மற்றெல்லாம் நினைவென்னும் துடிப்பில் இருக்கிறது.இதை தான் அறிவியல் ஸ்ட்ரிங் தியரியாகக் காண்கிறது. இது தான் மாயைத்தத்துவமும்.
           இதை கணினியியலில் விளக்க வேண்டுமானால் இன்றைய கிளவுட் சிஸ்டம் என்ற கருத்துருவுக்கு ஒப்புமை படுத்தலாம். நம் டெஸ்க் டாப்பில் உள்ள எல்லா ஃபைல்களும் நாம் நம் கணினியில் உள்ளதாக கருதினாலும் அவையெல்லாம் அங்கு இல்லை cloud ல் இணையத்தில் பொதுவெளியில் இருக்கிறது.நான் ஒரு டெக்ஸ்ட் ஃபைலை எழுதி என் டெஸ்க் டாப்பில் போட்டாலும் வேறு கணினியும் அதை எடுத்துக்கொள்ளலாம். இப்படித்தான் நான் உதைக்கும் பந்தை தடுத்து திருப்பி நீங்களும் எனை நோக்கி உதைக்க மூடிகிறது. ஆனால் நம் இருவர் மூளையும் தனித்தனியாக அனுபவிக்கும் உலகத்தின் நிகழ்வாக இருக்கின்ற போதும்.

Download As PDF

29 June 2015

வித்தகத் தந்திரங்கள்

இந்தியக் கல்வி அமைப்பு சாணக்கியத் தந்திரத்துடன் கட்டமைக்கப்பட்டிருக்கிறது

“ஆளும் கருத்துகள், ஆளும் வர்க்கத்தின் கருத்துகளே” - கார்ல் மார்க்ஸ்.

புதிர் : ஒரு கோடு கிழிக்கவும். அதில் எந்த மாற்றமும் செய்யாமலே, அதைச் சிறியதாக்க வேண்டும்.
பட்டிருக்கிறது.
விடை: கோட்டுக்குப் பக்கத்தில் அதைவிட நீளமான கோட்டைக் கிழித்தால், முதல் கோடு சிறியதாகிவிடும்.

ஊர்ப் பொதுக் கிணற்றில் சில சாதியினர் தண்ணீர் எடுக்கக் கூடாதென்று விலக்கி வைத்துப் பாகுபாடு காட்டிய காலம் உண்டு. இன்று அவ்வாறு செய்வது சட்டப்படி குற்றம். ஆனால், ஊரில் வசதி படைத்த சிலர், பக்கத்திலேயே ஒரு பெரிய கிணற்றை வெட்டி, ஏகப்பட்ட தண்ணீரை அதில் சேகரித்து, பழைய கிணற்றின் தண்ணீரையும் இதற்குத் திருப்பிவிட்டு, கிணற்றில் யார் வேண்டுமானாலும் தண்ணீர் எடுக்கலாம்; ஆனால், ஒரு குடம் ரூ.20 என்று நிர்ணயித்துவிட்டால் அது சட்ட விரோதமில்லை. ஆனால், அந்த விலை கொடுத்து யாரால் வாங்க இயலும்?

“எங்களோட ஒரு நாள் கூலி முழுசும் தண்ணிக்கே போயிடுமே! எங்களால எப்படி முடியும்?”

“அதுக்கு நாங்க என்ன செய்ய முடியும்? நீங்க தண்ணி எடுக்கக் கூடாதுன்னு நாங்க ஒண்ணும் பாகுபாடு காட்டலையே!”

கதியற்றவர்களின் குரல்

சென்ற நூற்றாண்டின் அறுபதுகளிலும் எழுபதுகளிலும் கூட மிகப் பெரும்பாலான பள்ளிகள், அனைத்து வர்க்க சாதிக் குழந்தைகள் ஒன்றாகக் கற்கும் பொதுப் பள்ளிகளாகத்தான் இருந்தன. அவற்றில் கற்று வெளிவந்த மாணவர் முன் ஒரு சம தளம் இருந்தது. அடித்தட்டு மாணவர்களும் வசதி படைத்தவருடன் சமமாகப் போட்டியிட முடியும் என்ற நம்பிக்கை இருந்தது. 70-களின் இறுதியில் தனியார் பள்ளிகள் வளரத் தொடங்கி, பல்கிப் பெருகி, இன்று கல்வியில் ஆதிக்கம் செலுத்துகின்றன. இவை வெவ்வேறு மட்டப் பள்ளிகள். ஆயிரம் உண்டிங்கு சாதி என்பதுபோல், ஆயிரம் மட்டம் கொண்ட அமைப்பு. சாதியப் பிரமிடில் ஒவ்வொரு சாதிக்கும் உரிய இடம் துல்லியமாகக் குறிக்கப்பட்டிருப்பதைப் போல், ஒவ்வொரு மட்டப் பள்ளிக்கும், அது வசூலிக்கும் கட்டணத்தைப் பொறுத்து, கல்விப் பிரமிடில் இடம் நிர்ணயிக்கப்பட்டிருக்கிறது. மேலே போகப் போக, கட்டணம் அதிகரிக்க அதிகரிக்க, அது தரம் உயர்ந்த பள்ளி என்று விவாதத்துக்கு அப்பாற்பட்டதாக ஏற்றுக்கொள்ளப்பட்டிருக்கிறது. அந்தக் கோணத்தில் அடித்தட்டில் ஏழைகளுக்கு மட்டுமேயான, இலவசக் கல்வி அளிப்பவை அரசுப் பள்ளிகள். ஏழைகளுக்கு மட்டுமே உரிய அனைத்தும் தரமற்றவை என்பதும் விவாதத்துக்கு அப்பாற்பட்டதாக ஆகிவிட்டதால், அரசுப் பள்ளிகள் தரமற்றவை என்பது அரசாலேயே ஒப்புக்கொள்ளப்பட்டுவிட்டதைப் போல் ஒரு தோற்றம் உருவாகிறது. அதனால்தான் அரசுப் பள்ளிகளில் முதல் மதிப்பெண் பெற்ற மாணவரை அரசே

`கருணை' கொண்டு தனியார் பள்ளிகளுக்கு அனுப்புகிறது. ஏழைகளுக்கு மட்டுமே ஆனவை கொடுமையான புறக்கணிப்புக்கும் எளிதாக இலக்காகிவிடுகின்றன. அப்பள்ளிகளில் போதுமான ஆசிரியரோ, வகுப்புக்கு ஒரு ஆசிரியரோ, மேல் வகுப்புகளில் பாடத்துக்கேற்ற ஆசிரியரோ, தேவையான கண்காணிப்போ, கட்டுமான வசதிகளோ எவையும் நிறுவ வேண்டிய கட்டாயமில்லை. குரலற்றவர்களின், கதியற்றவர்களின் தேவைகளுக்கு அரசு என்று செவிசாய்த்தது?

புறம்தள்ளும் உத்திகள்

இந்தியக் கல்வி அமைப்பு சாணக்கியத் தந்திரத்துடன் கட்டமைக்கப்பட்டிருக்கிறது. பிரமிடின் உச்சியில் இருக்கும் 5 முதல் 10 சதவிகிதத்தினர் மட்டுமே வென்றெழுந்து அனைத்து வாய்ப்புகளையும் அள்ளிக்கொண்டு போவதற்கு ஏற்றவண்ணம் கட்டமைக்கப்பட்டிருக்கிறது. மற்றவரின் திறமைகளெல்லாம் அழித்தொழிக்கப்பட்டு, போட்டியிடும் சக்தியை இழக்கின்றனர். கல்வியின் மூலம் சக்தி வாய்ந்த சமுதாய உருவாக்கம் நடக்கின்றது. அதற்குத் தகுந்த பல உத்திகள். பெரும்பான்மையினரை வாய்ப்பு வட்டத்தினின்று புறம்தள்ளும் உத்திகள். ஜனநாயகத்தின் மொழியைப் பயன்படுத்தியே தன் பாகுபடுத்தலை நிறைவேற்றிக்கொள்ளும் உத்திகள். ஏகலைவர்களுக்குக் கற்பிக்க முடியாது என்று இன்றைய துரோணாச்சாரியர்கள் சொல்ல முடியாது. ஆனால், கற்கும்

'தகுதி', 'மெரிட்'

யாருக்கு உண்டு என்பதற்கு விதிகளை, இலக்கணத்தை, வடிகட்டிகளை நிர்ணயிக்கலாம். இன்றைய நுழைவுத் தேர்வுகள் அனைத்தும் (ஐ.ஐ.டி. - ஐ.ஐ,எம். நுழைவுத் தேர்வுகள்) இவ்வகையில்தான் வடிவமைக்கப்படுகின்றன. எனக்கு மிகப் பிடித்த கார்ட்டூன் : டென்னிஸ் தெ மெனெஸ் என்ற 5 வயது படுசூட்டிகைச் சிறுவன், தன்னிலும் பொடியவனான ஜோயிக்கு விளையாட்டு ஒன்றைக் கற்றுக்கொடுத்துக்கொண்டு சொல்கிறான்: “இதை நினைவில் வைத்துக்கொள் ஜோயி. விதிகளை உருவாக்குவது நீயாக இருந்தால், எந்த விளையாட்டிலும் நீ ஜெயித்துவிடலாம்.” இந்தியக் கல்வி அமைப்பும், கொள்கையும், விதிகளும் மேல் வர்க்க சாதியினரால் அவர்களது நலனுக்காகவும் அவர்களது ஆதிக்கம் தொடர்வதற்காகவும் உருவாக்கப்பட்டவை. பெரும்பாலான குழந்தைகளின் இழப்புக்காக, அவர்களை ஒதுக்குவதற்காக வடிவமைக்கப்பட்டவை.

ஆங்கிலம்; வெற்றிக்கான மந்திரக்கோல் அல்ல!

ஒரு முக்கிய உத்தி, ஆங்கில வழிக் கல்வி. ஆங்கில வழிக் கல்வியே தரமானது, தமிழ் வழிக் கல்வி தரமும், தகுதியும் அற்றது என்ற எண்ணம் சமுதாயம் முழுவதும் கேள்விக்கு அப்பாற்பட்டதாக ஏற்றுக்கொள்ளப்பட்டிருக்கிறது. அரசுப் பள்ளிகளிலும் ஆங்கில வழி வகுப்புகள் தொடங்கப்பட்டு, மாணவர்களெல்லாம் தமிழ் வழியிலிருந்து ஆங்கில வழிக்கு மாறுகின்றனர். ஆங்கில வழிக் கல்வியைச் சிறப்பாகக் கற்று, அதில் முதன்மை பெற்று, அதன் வழியே போட்டி உலகில் வெற்றிகளைத் தட்டிக்கொண்டு போவது யாருக்கு இயலும்? வசதி படைத்தவர்களுக்கு, ஆங்கிலம் சரளமாக வீட்டில் புழங்கும் சூழல் உடையோருக்கு, கல்விப் பாரம்பரியம் கொண்ட சாதிகளுக்குத்தான் இயலும். இன்று தெருவுக்குத் தெரு, சிற்றூர்களில் கூட முளைத்திருக்கும் ஆங்கிலப் பள்ளிகளில் படிக்கும் மாணவர்களால் போட்டியில் தாக்குப் பிடிக்க முடியவில்லை. இந்தப் பள்ளிகளில் கஷ்டப்பட்டுத் தங்கள் குழந்தைகளைப் படிக்க வைக்கும் தலித், பழங்குடி, மிகவும் பிற்படுத்தப்பட்ட சாதிகளைச் சேர்ந்தவர்களால் அப்படி ஒன்றும் வாய்ப்புகளைத் தட்டிக்கொண்டு போக முடியவில்லை. இவர்களில் பலர் 8 அல்லது 10 வகுப்புக்குள் பள்ளியிலிருந்து விலகிவிடுகின்றனர். ஆங்கில வழிக் கல்வி வெற்றிக் கதவைத் திறக்கும் மந்திரக் கோல் என்பது இவர்களைப் பொறுத்தவரை உண்மையல்ல.

இருளில் ஒரு தலைமுறை

இதற்குக் காரணம், பெரும் 'எலிட்' பள்ளிகள் தவிர்த்த மற்ற பெரும்பாலான ஆங்கில வழிப் பள்ளிகளின் தரம். ஆங்கில வழிப் பள்ளிகளில்தான் தரமான கல்வி கற்றுத்தரப்படுகிறது என்பது பொய். புற்றீசலாகப் புறப்பட்டிருக்கும் இந்தப் பள்ளிகளில் கற்றுத் தரும் ஆசிரியர்கள் யார்? குறைந்த சம்பளம் வாங்கிக்கொண்டு கசக்கிப் பிழியப்படும் பெண்கள் பட்டாளம். இவர்கள் அனைவருமே தமிழ் வழியில் கற்றவர்கள். சொல் புரியாத, பொருள் புரியாத, உச்சரிப்புத் தெரியாத ஓர் ஆங்கிலக் கல்விதான் இவர்கள் கற்றுத் தருவது. மனப்பாடமே கல்வியென்ற சீரழிவுதான் இந்தப் பள்ளிகளில் காண்பது. புகழ்பெற்ற எழுத்தாளர் ஆர்.கே. நாராயணன் நாடாளுமன்றத்தில் பேசினார்: “இந்தியக் கல்வியின் சாபக்கேடு புரியாமை என்னும் கொடுமை.” சபிக்கப்பட்ட வகுப்பறையின் இருளில் ஒரு தலைமுறை உருவாகிறது. எந்த நாட்டிலும் தாய் மொழி அன்றி, வேறு மொழி வழியே கற்பிக்கும் தகுதி வாய்ந்த லட்சக் கணக்கான ஆசிரியர்களை உற்பத்தி செய்யவே முடியாது. ஆங்கிலத்தை இரண்டாவது மொழியாகக் கற்றுத் தருவதற்குத் தேவையான ஆசிரியரைத்தான் உருவாக்க முடியும்.

ஆதிக்க சக்திகளின் முடிவு

தமிழ் வழிக் கல்வியென்றால், அதில் திறன் பெறுவது அனைவருக்கும் இயலும். ஆங்கில வழி என்றால், மேல் சொன்னவர்களால் மட்டுமே இயலும். தங்களுக்குப் பெரும் அனுகூலம் அளிக்கும் வழியே சிறந்தது என்று அனைவரையும் நம்பவைத்து, அவ்வழியில் கற்க இயலாத பெரும்பான்மைக் குழந்தைகளை அதற்கு இழுத்து வந்து, அதில் அவர்களை மருகிக் கருக வைத்து, தாங்களே சிறந்தவர் என்று வெற்றிவாகை சூடிக்கொள்ளும் வழி.

பெரும்பாலான குழந்தைகளுக்கு எதிராக இருப்பவை பல்மட்டப் பள்ளிகளும், ஆங்கில வழிக் கல்வியும் மட்டுமல்ல. கல்வி அமைப்பின் ஒவ்வொரு இழையிலும் பாகுபடுத்தல் பின்னிப் பிணைந்திருக்கிறது. பாடத்திட்ட சுமை, வயதுக்கு அதிகமான, குடும்பத்திலும், டியூஷனிலும் உதவி பெறாமல் கற்க முடியாத சுமை, கற்றல்-கற்பித்தல் முறைகள், மதிப்பீட்டு முறைகள், வகுப்பறைச் சூழலும், மொழியும் என அனைத்தும் அடித்தட்டுக் குழந்தைகளை அச்சுறுத்தி விரட்டுபவை. வசதி பெற்ற குழந்தைகளுக்குப் போட்டி உலகில் வெற்றியை உறுதி செய்பவை.

இப்படிச் சொல்லும்போது, ஏதோ ஆதிக்க வர்க்க சாதியினர் ரகசியமாகக் கூடி, ஒரு சதித் திட்டத்தைத் தீட்டி, படிப்படியாக நிறைவேற்றுகின்றனர் என்பது அல்ல பொருள். ஒரு சமுதாயத்தில் ஆதிக்க சக்திகள் கருத்துகளையும், மதிப்பீடுகளையும், சமுதாயத்தின் முடிவுகளையும், பல வகைகளில், ஒளிந்தும், மறைந்தும், வெளிப்படையாகவும் அவ்வாறுதான் ஆட்கொள்கின்றன. இக் கட்டுரையின் தொடக்கத்தில் உள்ள மார்க்ஸின் வார்த்தைகளுக்கு அதுதான் பொருள்.

ஓர் அரசியல்வாதி இவ்வுண்மையை மறைவின்றிச் சொல்கிறார், “இந்தியாவில் யார் அரசு அமைப்பது என்பதை மக்கள் முடிவு செய்கிறார்கள். அந்த அரசு என்ன செய்யும் என்பதை ஆதிக்க சக்திகள் முடிவுசெய்கின்றன.” இதற்கு மாற்றினைத் தோற்றுவிக்கும் பூகம்ப சக்தி இந்திய ஜனநாயகத்துக்கு இருக்கிறதா? இன்று நிச்சயம் இல்லை. நாளை தோன்றுமா?

- வே. வசந்தி தேவி, கல்வியாளர்,

மனோன்மணீயம் சுந்தரனார் பல்கலைக்கழக முன்னாள் துணைவேந்தர்,
நன்றி- தி இந்து நாளேடு

தொடர்புடைய பதிவுகள்: பள்ளிக்கூடம் படிக்க ஒரு பாட நூல் தேவை

Download As PDF

12 April 2015

அநீதிகளின் ஆணிவேர்- பகுதி 2

தயவு செய்து பொறுமையாக அநீதிகளின்ஆணி வேர் முதல் பாகம் படித்து விட்டு  இதை தொடரவும் இது வெறும் யூகமோ கற்பனையோ அல்ல மிகுந்த ஆய்வு செய்து அதன் சாரத்தை மட்டுமே உங்களிடம் பகிர்கிறேன். உலகத்தை உள்ளிருந்து  அரித்துக்கொண்டிருக்கும் கரையான்கள் பற்றிய பதிவு. வெறுமனே வாசித்து கடந்து விடாமல் இதன் மீது சிந்தனையும் ஆய்வுகளும் செய்து பார்க்க வேண்டுகிறேன்.
 

சாத்தானுக்கு எதிரான சரியான மார்க்கம் எது?
   உலகில் பல மதங்கள் இல்லவே இல்லை,ஒரே மதம் தான்,அந்த ஒரே மதம் எதுவென அறிய கடவுளை முதலில் பரிந்து கொள்ள வேண்டும். இதுபற்றி இன்னொரு பதிவில் விளக்கலம். மதங்கள் தேவை தானா? கடவுள் உண்டா? என்றெல்லாம கேட்பவர்க்கு தேவைப்பட்டால் தனிப்பதிவு  இப்போதைக்கு இறைவன் புறத்திலிருந்து வந்த  உண்மையான மதக் கொள்கை எதுவென அறிய சில குறிப்புகள்
1) எந்த மதம் உருவ வழிபாடு,தனி மனித வழிபாடு,மூட நம்பிக்கைகளுக்கு எதிரான கருத்துக்களை கொண்டுள்ளதோ அது.
2) எந்த மதம் மனிதர்கள் அனைவரும் சமமானவர்கள், அடிமைத்தனம் கூடாது, பெண்களை துஸ்பிரயோகம் செய்யக்கூடாது என்று வலியுறுத்துகிறதோ அந்த மார்க்கம்
3) எந்த மதம் இறைவன் ஏகன் எனக்கூறி இறைவனுக்கு இணை வைப்பதை கடுமையாக எதிர்க்கிறதோ.
4) எந்த மதம் ஒழுக்கமான வாழ்க்கையை வலியுறுத்துகிறதோ எந்த மதம் விபச்சாரம் மது போன்ற தீமைகளிலிருந்து மனிதர்களை விலகியிருக்க சொல்கிறதோ அந்த மார்க்கம்
5) எந்த மதத்தில் இறைவனுக்கும் மனிதனுக்கும் இடையே இடைத்தரகர்கள் இல்லையோ அந்த மார்க்கம்
6) எந்த மார்க்கம் சைத்தானிடமிருந்து பகிரங்கமாக மனித உள்ளங்களை பாதுகாக்க இறைவனை வேண்ட சொல்கிறதோ அந்த மார்க்கம்.
8) எந்த மதம் பகுத்தறிவு ,ஆன்மீகம் எனும் இரு துருவங்களையும் விளக்குகிறதோ அந்த மார்க்கம்.  
மேலே சொன்னவை யாவும் சைத்தானுக்கு எதிரான மார்க்கத்தின் கூறுகள். உங்கள் மதம் எதுவானாலும் இறைவனை என்ன பேரிட்டு அழைத்தாலும் மேற்கண்ட கூறுகள் உங்கள் நம்பிக்கையில் இருந்தால் நீங்கள் இறை சக்தியின் பாதுகாப்பில் இருக்கிறீர்கள். சாத்தானின் சூழ்ச்சிகளில் முக்கியமான ஒன்று உங்கள் மத நம்பிகைகளில் ஊடுருவி அதன் கருத்துக்களை தனக்கு சாதகமாக மாற்றி அந்த மதத்தை தன்வசப்படுத்துவது. இன்று அநேக மதங்கள் சைத்தானின் சூழ்ச்சிக்குப் பலியாகி திரிக்கப்பட்டுவிட்டது. உங்கள் நம்பிக்கைகளை ஆராய்ந்து பாருங்கள் மேற்சொன்ன கூறுகளுக்கு அது மாற்றமாக இருந்தால் அந்த மார்க்கம் சைத்தானின் பிடியில் உள்ளது விலகிக்கொள்ளுங்கள். சைத்தானின் பிடியிலிருந்த தப்பிக்க இறைசக்தியின் உதவி தேட வேண்டும் இறை சக்தியில் அடைக்கலம் தேட வேண்டும் எது உண்மையான இறை சக்தி என அடையாளம் காண வேண்டும். மனது முழுவதும் தீயதை விட்டு விலகி நன்மையின் பால் நாட்டம் கொள்ள வேண்டும்.அதன் மூலம் சைத்தான் உருவாக்கி மனிதனை கட்டிப் போட்டிருக்கும் அத்தனை போலியான மாயையின் விலங்குகள் ஒவ்வொன்றாக அவிழும்.மனம் உள்நோக்கி திரும்பும். தான் யார் என்று மனிதன் கண்டறிவான்.
நாம் யார் ?
நாம் இருப்பதாக உணரும்  தன்னுணர்வு மட்டுமே உண்மை.இது இடம் பொருள் , காலம் என்ற மாயைகளை உருவாக்கி தன்னை அதில் ஒரு இடம் காலத்தில் வாழும் ஒரு உடலாக நினைக்கிறது.தன்னையே பலதாக முடிவிலாமல் பிரித்து உணர்கிறது, இங்கே கொல்பவனும் இவன்தான்  கொல்லப்படுவதும் இவன்தான் அதை பார்த்துக்கொண்டிருப்பவனும் இவன்தான் ,எதிர்த்து தடுப்பவனும் இவன் தான்.ஆனால் அதை அவன் வெவ்வெறாக உணர்கிறான், இப்போது சொல்லுங்கள்.அறிவில் உண்டாகும் இந்த மாய விளையாட்டில் நீதியை எப்படி செயல் படுத்துவது, விழித்துக்கொண்ட ஆன்மா இந்த உண்மையுணர்ந்து அமைதியாகி விடும் ,அது தான் பேரானந்தம் சொர்கம், விழிக்காத ஆன்மா இந்த கனவின் துன்பத்திலிருந்து விடுபடாமல் அனுபவிப்பது நரகம்
விழித்துக்கொண்ட மனதுக்கு அனைத்து உயிர்களுமாக தோன்றுவது ஒன்றே எனப் புரியும். எல்லா உயிர்களிடமும் அன்பு பெருகி அது கருணையாக மாறும்.உலகின் அனைத்து பொருட்களும் சம்பவங்களும் கருத்தில் உருவாகும் காட்சியே என புரியும்; யாரும் யாரையும் கொல்ல முடியாது.கொல்லுவதும் சாவதும் வெறும் தோற்ற மயக்கங்களே.
அப்படியானால் ஒரு தீமை நடக்கும் போது எதுவும் செய்யாமல் கைகட்டி பார்த்துக்கொண்டிருக்கலாமா? எல்லாம் இறைவன் நாட்டப்படியல்லவா நடக்கிறது ? என்ற கேள்வி எழுகிறதல்லவா
தீமை தடுப்பது பார்த்துக்கொண்டு தடுக்காமல் இருப்பதற்கான சாய்ஸ் உங்களிடமே உள்ளது அதில் .நீங்கள் எந்த செயலை தேர்வு செய்தாலும் அதன் மூலம் நீங்கள் உலகை காப்பாற்றவில்லை உங்களை தான் காப்பாற்றவோ கெடுதல் செய்யவோ செய்கிறீர்கள்.தீமையை தடுப்பதன் மூலம் உங்கள் தன்னுணர்வு சாத்தானுக்கு எதிரான நிலை எடுக்கிறது. அனுமதிப்பதன் மூலம் சாத்தானின் வலையில் வீழ்கிறது. எனவே உலகின் தீமைகளை தடுப்பது ,மனதால் வெறுப்பது நம்மை மேலும் இறை சக்தியை நமக்கு நெருக்கமாக்கும்
மனிதனுக்கு எதிரியாய் இறைவனுக்கே சவாலிட்டதாய் வெளிப்பட்ட சைத்தான் கூட ஒரு மாயையில் உள்ள படைப்புதான். சைத்தானும் இறைவனின் அடிமைதான். இறைவன் கட்டளைக்கு மாறாக அதனால் செயல் பட முடியாது ஏனெனில் இறைவனின் இருப்பு உண்மையின் மீது இருக்கிறது. சைத்தான் ஒரு படைப்பு, மாயை. அது தீயதை காட்டி உண்மையை உணர வைக்கும் இறை திட்டத்தின் ஒரு பகுதிதான். சைத்தான் இல்லாவிட்டால் அவனது கொடுமைகள் இல்லாவிட்டால் மனிதர்களின் உள்ளம் நன்மையயும் இறைவனையும் அறிய வாய்ப்பில்லை என்ற உண்மைகள் புரியும். இந்த உலக கூத்துகள் கண்டு நகைப்பு வரும். இறை விளையாட்டு புரியாமல் தங்கள் இனத்தை காக்க மதத்தை காக்க இவர்கள் போராடுவது எல்லாம் அர்த்தமற்றது. சத்தியத்தை உணர்வது மட்டுமே மனிதன் செய்யும் மிக அர்த்தமுள்ள செயல். உலகின் அனைத்து துன்பங்களிலிருந்தும் விடுதலை பெற ஒரே வழி விழிப்புணர்வு பெறுவது மட்டுமே இந்த உண்மைகளை சிந்தித்து உணர்ந்து வெற்றி பெறுவீர்கள்.



Download As PDF

அநீதிகளின் ஆணிவேர் -பகுதி -1


     மனித இனத்தின் வரலாறு முழுவதும்  ரத்தக்கறை புரண்டது. அன்றும் இன்றும் எங்கும் அநியாயங்களும் அக்கிரமங்களும் தலைவிரித்து பேயாட்டம் ஆடுகின்றன. எங்கு பார்த்தாலும் மரண ஓலம், திரும்பிய திசையெல்லாம் யுத்தங்களும் கூட்டுக்கொலைகளும் சர்வ சாதாரனமாக நடக்கின்றன. மனித உயிர்களுக்கு மதிப்பே இல்லாமல் போய் விட்டது. நீதியின் குரல் வளையை நெரிக்கும் அதிகாரமும் பணமும் ஒரு பக்கம் விபச்சாரம் செய்யும் கூட்டு மனசாட்சி. கண்டும் காணாமல் நடிக்கும் பொது ஜனம். அநீதிக்கு இரையாகும் மானுடம்.அப்பாவி ஏழைகள்.பெண்கள் ,குழந்தைகள்  மீது நடத்தப்படும் வன் கொடுமைகள்  என  காட்டு விலங்குகள் கூட செய்ய துணியாத பயங்கர வாதத்தை மனிதன் தன் இனத்தின் மீது உலகின் ஒவ்வொரு மூலையிலும் ஒவ்வொரு நொடியிலும் அரங்கேற்றிக் கொண்டேயிருக்கிறான்.
         இதற்கெல்லாம் காரணம் என்ன? எந்த உணர்ச்சி மனிதனை இவ்வாறு செய்ய தூண்டுகிறது? வயிற்றுப்பசி காரணமா? என்றால் இல்லை. எந்த மிருகமும் உணவுக்காக அன்றி இன்னொரு உயிரை கொல்லாது. .ஆனால் மனிதனை காரணமேயின்றி கொல்கிறான். நாடு ,மதம், மொழி, இனத்தின் பேரால், விஞ்ஞானத்தின் பேரால்,மூடக் கொள்கைகள் பேரால், முட்டாள் தலைவர்கள் பேரால், காமத்தின் பேரால் கொன்று குவிக்கப்படும் உயிர்களுக்கு கணக்கில்லை.ஆனால் இவை அத்தனைக்கும் அடிப்படையான காரணமாக விளங்குவது எது? ஈகோ என்ற தன் முனைப்புதான். தன்னை முன்னிறுத்தி மற்ற உயிர்களை சிறுமைப்படுத்தி தனக்கானதே உலகம் மற்றவர்கள் யாரும் எனக்கு சமமானவர்கள் இல்லை,என கருதும் பாசிஸ மனோபாவம் தான் உலகின் சகல தீமைக்கும் காரணம். என் இனமே உயர்ந்ததுமற்றவர்கள் தாழ்ந்தவர்கள், ஈனர்கள் அருவருப்பானவர்கள் மனித குலத்தின் நோய், அழுக்கானவர்கள், கறுப்பானவர்கள், அறிவற்றவர்கள், அவர்கள் நமக்கு சமமானவர்கள் இல்லை , நமக்கு பணி செய்யவே அவர்கள் படைக்கப்பட்டார்கள்  என்ற எண்ணத்தால் நிரம்பி வழியும் வலிமை மிக்கவர்கள் , அதிகாரங்களை பலவந்தமாக எடுத்துக் கொண்டவர்கள். அதனை ஏற்றுக்கொள்ள மறுக்கும் புரட்சியாளர்களை, அல்லது சிறு பான்மையோரை அழித்தொழிக்க அரங்கேற்றுவது தான் இந்த  வன்முறைதலை முறை தலைமுறையாக இந்த சீழ் பிடித்த சிந்தனையை தன் இனத்தில் போதித்தும் கேட்டும் தலை வீங்கியவர்கள் தான் இத்தகைய கயவர்கள்..இந்த மனோபாவம் ஒரு சிலந்தி வலை போல உலகம் முழுவதும் பின்னியிருக்கிறது.இவர்கள் ஒவ்வொரு நாட்டிலும் ஒவ்வொரு சமூகத்திலும் ஊடுருவி மக்களை ரகசியமாய் ஆட்டுவிக்கிறார்கள்.உலகம் முழுவதும் அதன் பிடியில் சிக்கித் திணறிக் கொண்டி்ருக்கிறது. இதன் ஆணி வேர் சாத்தானிய சக்தி .
சாத்தானிய பின்னணி
       சாத்தான் அல்லது சைத்தான் என்ற வார்த்தையில் இங்கு மனித குலத்தின் உள்ளங்களை ஊடுருவி அதில் தீமையை விதைத்து அடிமைப்படுத்தும் ஒரு படைப்பு பற்றியே இவ்வாறு கூறுகிறேன். அப்படி ஒரு படைப்பு உண்மையில் இருக்கிறதா என்றால் அதற்கு பதில் ஆம். இதற்கு ஏராளமான சான்றுகள் உள்ளன. இந்த தீய சக்தி மற்றொரு பரிணாமத்தில் உள்ளது ஆனால் தனக்கு அடிமையான மனிதர்களை கொண்டு உலகைப் பாதிக்கிறது. இவர்கள் இல்லுமினாட்டி எனும் சாத்தான் வழிபாடு செய்யும் கூட்டம். இதுபற்றி பின்னர் விளக்குகிறேன் அல்லது இணையத்தில் தேடுங்கள் உண்மைகள் ஆதாரங்களுடன் கொட்டிக் கிடக்கிறது. இதற்கு பணிந்தவர்களுக்கு பலமும் பணமும் அதிகாரமும் கிடைக்கிறது. எதிராக இருப்பவர்களை தடையாக இருப்பவர்களை கருவறுப்பது இது தான் சாத்தானின் செயல் திட்டம்.
       குர் ஆன் மற்றும் பைபிளில் சபிக்கப்பட்டதாக கூறப்படும் சைத்தான் அதற்கு காரணமான சம்பவமும் விவரிக்கப்படுகிறது. இறைவன் ஆதமை மண்ணால் படைத்து ஆதமுக்கு சிரவணக்கம் செய்ய இறைவன் பணித்த போது ஏற்கனவே ஒளியால் படைக்கப்பட்ட தேவதைகள் அல்லது மலக்குகள் இறைக் கட்டளை ஏற்று பணிந்தன, ஆனால் நெருப்பால் படைக்கப்பட்ட ஜின் இனத்தை சேர்ந்த சைத்தான் மண்ணால் படைக்கப்பட்ட இந்த மனிதனையா என்னை வணங்க சொல்கிறாய்? அவனை விட நானே உயர்ந்தவன் என்று மறுத்து விட்டான் அதன் மூலம் இறை சாபம் பெற்று மனித குலத்தை வழிகெடுக்கும் அதிகாரமும் பெற்றான் எனக்கூறுகிறது, இது மனிதர்கள் புரிந்து கொள்ள இவ்வாறு விவரிக்கப்பட்டாலும். இதில் ஆழமான உண்மைகள் உள்ளன.இறைவன், ஜின்கள் மலக்குகள் தேவதைகள் இவை என்ன ? இவற்றின் உண்மை என்ன? இந்த தகவல்கள் எங்கிருந்து வெளிப்பட்டது? பகுத்தறிவைக் கொண்டு இதை விளங்குவது எப்படி என்பதை பின்னர் ஆராயலாம். இப்போதைக்கு. சைத்தான் என்ற படைப்பின் மனம் மனிதர்களை தன்னைவிட இழிவான ஒன்றாய் பார்க்கிறது என்ற உண்மையும் அவ்வாறு மனிதர்களை இழிவாய் அடிமையாய் காணும் மனோபாவத்தின் விளைவுகளே உலகில் நடக்கும் கொடுமைகளுக்கும் காரணம் என்பதையும் கவனித்தால் அனைத்திலும் சைத்தானின் பின்புலம் இருப்பது தெளிவு.
சைத்தானின் அடையாளம்
 மனித குல எதிரிகள் . சாத்தானிய கூட்டங்களை அடையாளம் காண சில வழிகள் உண்டு, இவர்கள் சாதி, இன வெறி பிடித்தவர்கள்.தங்கள் இனத்தில் மற்ற இனத்தவர்களை கலக்க விட மாட்டார்கள்.சமத்துவத்திற்கு எதிரானவர்கள் அதற்காக பிற இனத்தை தந்திர உபாயங்கள் துரோகங்கள் மூலம் ஆட்கொண்டு அழித்து ஒழிப்பார்கள். சைத்தான் என்ற வார்த்தையை தீய சக்தி என்றும் வைத்துக் கொள்ளுங்கள். பணம் சாத்தானின் ஆயுதம், பணம் என்பது உண்மையான ஒன்றல்ல அது போலியாக உருவாக்கப்பட்ட ஒன்று, அதை உண்மையானதென நம்ப வைத்து அதன் மூலம் உலகை கட்டுப்படுத்துவது .யாரிடமெல்லாம் எந்த அமைப்புகளிடமெல்லாம் பணம் அதிகம் புழங்குகிறதோ அவர்கள் சாத்தானின் அடிமைகள். அதிகாரம் என்பதும் இது போல சாத்தானால் போலியாய் உருவாக்கப்பட்ட ஒன்று. உலகில் யாரிடமெல்லாம் அதிகாரம் குவிந்து கிடக்கிறதோ அவர்கள் சாத்தானின் அடிமைகள்.  ,எங்கெல்லாம் போகத்திற்கும் வியாபாரத்திற்கும் பெண்கள் உடல்கள் அதிகம் பயன் படுத்தப் படுகிறார்களோ அதுவும் சாத்தானிய அடிமைகள் .எந்த மதங்களில் எல்லாம் சமத்துவம் இல்லையோ எந்த மதங்களில் இறைவனுக்கு இணை வைப்பு இருக்கிறதோ எந்த மதங்களில் இறைவனுக்கும் சாமானிய மக்களுக்கும் இடையே இடைத்தரகர்களாக புரோகிதர்கள் இருக்கிறார்களோ அம்மதங்கள் அதன்  வேதங்களை எல்லாம் சாத்தானிய சக்திகள் ஊடுருவி திரித்துவிட்டன. அம்மதங்களின் உண்மையான கொள்கைகள் மறக்கடிக்கப்பட்டு போலியான சாத்தானிய கருத்துக்கள் திணிக்கப்பட்டு அதை பின்பற்றும் மக்களை சிந்தனையற்ற சோம்பிகளாக மாற்றி விடுகின்றன. இவர்களை கொண்டுதான் தர்மத்திற்கு எதிரான அத்தனை அநீதிகளையும் நடத்துகிறார்கள். இவர்கள் உருவங்கள், சிலைகள் நெருப்பு ,சூரியன்,பாம்பு போன்ற சாத்தானிய அடையாளங்களை வழிபடு்வார்கள்,
சைத்தானின் சூழ்ச்சி
 மனிதன் விழிப்படைய முடியாமல் சைத்தான் பல வழிகளில் தடுத்துக்கொண்டிருப்பான்.எப்படி?
 உலக வாழ்க்கைய பிசியாக்கி போதையாக்கி வைக்க என்ன வெல்லாம் முடியுமொ அதெல்லாம் செய்வான்.வாழ்கையின் அர்த்தம் பணத்தைக் கொண்டுதான் என நம்பவைத்து போலியான பணத்தை சம்பாதிக்க ஆயுள் பூராவும் மனிதனை யாருக்கோ வேலை செய்து கொண்டிருக்கும் படி பிசியாக வைத்திருப்பது. அதனால் வாழ்வின் அர்த்தங்களை அவன் அடைய முடியாமல் தடுப்பது, அவன் அப்படி சம்பாதிக்கும் பணத்தை திரும்ப அவனிடமிருந்து  அவனே அறியாமல் பல வழிகளில் எடுத்துக்கொள்வது, கல்வி, மருத்துவம், உணவு, அரசாங்கம் பொழுது போக்கு, யுத்தம் இது எல்லாம் நம் பணத்தை பிடுங்கி  நம்மை எப்போது வேலை செய்து கொண்டே யிருக்கும் எந்திரமாய் மாற்றும் சாத்தானின் தந்திரம், மது ,போதை,விபசாரம்,சினிமா, பாட்டு, நடனம் என மக்களை மதியிழக்க செய்வது. தரமற்ற கல்வி முறை மூலம் மனிதர்களை கார்பரேட் அடிமைகளாக்குவது மருத்துவம் என்ற பெயரில் மக்களை என்றும் அவர்கள் தயவில் வாழும் நிரந்தர நோயாளியாக்குவது.இயற்கை உணவை இயற்கை வளங்களை மாசுபடுத்தி செயற்கையான பொருட்களால் மனிதர்கள் பொருளாதாரத்தை சுரண்டி அடிமைப் படுத்துவது. என பட்டியல் நீளும். இந்த நச்சு சுழற்சியில் பலியானவர்கள் நிரத்தர அடிமைகளாக சாத்தானுக்கு சேவை செய்பவர்களாகி விடுகின்றனர் .உலகத்தின் எல்லா|”சரி”களின் போர்வையில் நடக்கும் பெரும் தவறுகளும் குற்றங்களும் விழித்துக்கொன்டவர் கண்களுக்கே தெரியும், தூங்குபவர்களுக்கு எல்லாம் இயல்பாய் இருப்பது போல் தெரியும்
இனி இதன் கொடிய கரங்களின் பிடியிலிருந்து நாமும் நம்  தலைமுறைகளும் தப்பிக்க என்ன செய்ய வேண்டும் என அடுத்த பதிவில் பார்ப்போம்.

அநீதிகளின் ஆணிவேர்- பகுதி 2

Download As PDF