17 June 2009

குப்பைகள்-தப்பும் சரியும்


எராளமான வீட்டு உபயோகப் பொருட்களின் குப்பைகளும் ஆபத்தான ரசாயனக் கழிவுகளையும் மக்கள் தினமும் அலட்சியமாக கொட்டி நாம் வாழும் இந்த அழகிய பூமியை மாசுபடுத்தி வருகிறார்கள். வீட்டை அழகு படுத்துவதில் நாம் செலுத்தும் கவனத்தில் கொஞ்சம் நம் சுற்று சூழலைக் காப்பதிலும் செலவழித்தால் வரும் தலைமுறையினருக்கு நலமான வாழ்க்கையை விட்டுச் சென்றவர்களாக இருப்போம். நாம் பொறுப்பின்றி செய்யும் பல காரியங்களும் பல மடங்கு நமக்கே பாதகமாக மாறிவிடக்கூடும். மல்லாந்து கிடந்து எச்சில் துப்புவதை போன்ற இயற்கையை பாழ் படுத்தும் காரியங்கள் எவை என உணர்வதும் அதை தவிர்ப்பதும் அது பற்றிய மக்கள் விழிப்புணர்வும் மிக மிக தேவையான கால கட்டத்தில் இருக்கிறோம்.

குடி தண்ணீரை மாசுபடுத்தும் செயல்களை எங்கே கண்டாலும் எதிர்த்திடுங்கள். மக்களை பெருமளவு கொள்ளையடித்து செல்லும் நோய்கள் பெரும்பாலும் மாசுபட்ட தண்ணீராலையே பரவுகிறது. தொழிற்சாலைகள் ஈவிரக்கமின்றி அதன் கழிவுகளை ஆற்று நீரில் கலப்பதால் ஆபத்தான ரசாயனங்கள் அப்பகுதி மக்களுக்கு தலை முறை தலைமுறையாய் பாதிப்பு ஏற்படுத்தும்.

காற்றை மாசு படுத்துபவர்களையும் கண்டும் காணாமல் விடக்கூடாது. தொழிற்சாலைகளில் உருவாகும் புகை சுற்று சூழலை கெடுக்கா வண்ணம் அமைக்கப்பட வேண்டும். வாகனங்கள் வெளிவிடும் கார்பன் மோனாக்ஸைட் காற்றில் அதிகரித்து காற்று விஷமாகி வருவது பறறி கவலை இன்றி நகரங்கள் புகைக்கு பழகிவிட்டன. சுவாசிக்க சுத்தமான ஆக்ஸிஜன் கிடைக்காததும் இன்று பெருகிவரும் மன அழுத்தம் போன்ற பல நோய்களுக்கும் காரணம்.

பிளாஸ்டிக் பொருட்கள்: மரம் ,காகிதம் போல பிளாஸ்டிக் பொருட்கள் எளிதில் மக்கி இயற்கையோடு கலக்காமல் அப்படியே வெகு காலம் இருக்கும். இப்படியே போனால் உலகம் வெறும் பிளாஸ்டிக் குப்பைகளால் நிறைந்து விடும்.

குப்பை கழிவுகளுடன் மண்ணில் பிளாஸ்டிக் பைகளை புதைப்பதால், அவை நெடுங்காலத்துக்கு மண்ணில் மக்கிப்போகாமல் தாவரங்களின் வேர்கள் ஊடுருவ முடியாமலும், மழைநீர் மண்ணுக்குள் செல்வதைத் தடுக்கவும் செய்வதால் நிலத்தடி நீர்மட்டம் குறைய காரணமாக அமைகின்றன.

பிளாஸ்டிக் பைகளில் உள்ள உணவுப் பொருட்களை கால்நடைகள் உட்கொள்ளும்போது, கால்நடைகளின் உணவுக்குழல் அடைபட்டு அவை இறந்து போகின்றன. சில உயிரினங்கள் பேப்பர் என்று நினைத்துக் கொண்டு தவறுதலாக பிளாஸ்டிக் பைகளை உண்டுவிடுகின்றன. இதனால் இறந்தும் விடுகின்றன.

கடைக்கு போய் என்ன சாமான் வாங்கினாலும் உடனே ஒரு பிளாஸ்டிக் பையில் போட்டு கொடுத்து விடுவார்கள். இப்படி வீட்டில் சேரும் குப்"பை"களை தெருவில் எறிந்து விடுகிறோம். கொஞ்சம் பொறுப்பாக கடைக்கு போகும் போதே ஒரு பையை கொண்டு போகலாம். அல்லது பை வேண்டாம் பேப்பரில் பொதிந்து கொடுங்கள் என்று கேளுங்கள். துணிப்பைகள், சணல்பைகள், பழைய துணிகளால் தைக்கப்பட்ட பைகள், விழாக்களில் கொடுக்கப்படும் மஞ்சள் பைகளை பயன்படுத்துவோம்

பிளாஸ்டிக் பைகளில் சூடான உணவுப் பொருட்களை வாங்கிச் செல்லும்போது, பிளாஸ்டிக் சூடாகி வேதியியல் மாற்றங்களால் ஹைட்ரோகார்பன் மற்றும் பியூரான் போன்ற நச்சு வாயுக்கள் உணவில் கலந்து விடுகின்றன. அந்த உணவை உண்பவர்களுக்கு நுரையீரல் பாதிக்கப்படுகிறது.

மெல்லிய பைகளை விட கெட்டிப் பைகள் அழிவதற்கு ஆண்டுகள் பல பிடிக்கும்.

குழந்தைகளுக்கு தேவையற்ற பிளாஸ்டிக் விளையாட்டுப்பொருட்களை வாங்கி குவிக்காதீர்கள். நீங்கள் பெருமைக்காக வாங்கிக் கொடுக்கும் அனேக விளையாட்டுப் பொருட்களை விட மிக எளிமையான சாதாரணப்பொருட்களே குழந்தைகளுக்கு விளையாடப் போதுமானது. அதையே அவர்கள் விரும்புகிறார்கள். ஒரிரு தினங்களில் குப்பையாகிப் இடத்தை அடைத்துக் கொண்டிருக்கும் பொருட்களை தவிர்கலாமே. அத்தகைய பிளாஸ்டிக் குப்பைகளை எல்லாம் எரிப்பது கூட ஆபத்தான செயலாகும். பிளாஸ்டிக்கை எரிப்பதால் வெளியாகும் நச்சுப்புகை உயிருக்கு ஆபத்தானது.பல்வேறு சுவாச நோய்களை உண்டாக்குகிறது.

எலெக்ட்ரானிக் பொருட்கள் மிகவும் மலிந்த இக்காலத்தில் அவைகள் தான் குப்பைகளில் முதலிடம் வகிப்பது. முன்பெல்லாம் எலெக்ட்ரானிக் பொருட்கள் பழுதானால் பழுது நீக்கி பயன் படுத்தலாம். இப்போது பழுதானால் தூர எறிந்து விட்டு புதிதாக ஒன்றை வாங்கி கொள்வதே லாபமாக இருக்கிறது. பழுதான பொருட்களை தூர எறியவும் மனமின்றி குப்பைகளாக வீட்டிலேயே இடத்தை அடைத்து கொண்டு பாதுகாப்பவர் பலர். ஆசைகளுக்காகவும் பெருமைகளுகாகவும் பொருட்கள் வாங்காமல் தேவைகளுக்காக மட்டும் பொருள் வாங்கப் பழக வேண்டும். நமக்கு தேவையற்றதை தேவையின்றி சுமக்கவும் கூடாது. ஒரு டிவிடி பிளேயர் புதிதாக வாங்கினால் ஏற்கனவே இருந்த காசட் பிளேயரை அது தேவைப்படுவோருக்கு கொடுத்து விடுங்கள். எல் சி டி டீவி வாங்கினதும் பழைய டீவியை மூலையில் வைக்காமல் யாருக்காவது கொடுத்து விடுங்கள்

பாட்டரிகள் : விளையாட்டு பொருட்கள், ரிமோட் கண்ட்ரோலர்கள் ஆகியவற்றில் பயன்படுத்தப் பட்டு வீணான பாட்டரிகள் குப்பைகளில் போடப்பட்டு பூமியில் ஆபத்தான ரசாயன கழிவுகளாக மாறுகிறது. அதனுள் இருக்கும் மெர்குரி போன்ற பொருட்கள் அதிக விஷத்தன்மை வாய்ந்தது. இவை அதிக அளவு பூமியை மாசுபடுத்துவதை தவிர்க்க மீண்டும் மீண்டும் உபயோகப்படுத்த்க் கூடிய ரீசார்ஜ் பாட்டரிகள் பயன்படுத்தலாம். ஒரு ரீசார்ஜபிள் பாட்டரி 300 சாதாரண பாட்டரிகளுக்கு சமம். ரீசார்ஜபிள் பாட்டரிகளை ரீசைக்களும் செய்யலாம். எனவே அவை குப்பையாவதில்லை.

சிடிக்களும் டீவிடிக்களும் மிகவும் குறைந்த விலையில் கிடைப்பதால் இவைகளும் சில உபயோகங்களுக்கு பிறகு அழியாத குப்பைகளாக மாறுகின்றன. ஹார்ட் டிஸ்க் மற்றும் தம்ப் ட்ரைவுகளை தற்காலிக சேமிப்புகளுக்கு பயன் படுத்துவது நல்லது.

தேவையற்ற வீட்டு உபயோகப் பொருட்களையும் வாங்கிக் கூட்டுவதும் ஆரோக்கியமான பழக்கம் அல்ல.

சி எஃப் எல் வகை மற்றும் சாதாரண குழல் விளக்குகள் பழுதானால் அதை உடைத்து எறியாமல் ரீ சைக்கிள் செய்ய வேண்டும். பார்க்க LampRecycle.org. அவற்றை உடைப்பதால் அதிலிருந்து மிகவும் ஆபத்தான பாதரச வாயு வெளிப்படும். அதை சுவாசிப்பது மிகவும் கெடுதல். அப்படி ஏதும் பிரச்சனை ஏற்பட்டால் என்ன செய்ய ?என்று EnergyStar.gov தளத்தில் வழிமுறைகளை பார்க்கவும்.

பெரும் விருந்துகள், திருமன நிகழ்சிகளில் சில சமயம் ஏராளமான உணவுப் பொருட்கள் வீணடிக்கப்படுகின்றன. மீதம் வரும் அத்தகைய உணவுகளை அருகே உள்ள அனாதை ஆசிரமங்களுக்கோ், வறியவர்களுக்கோ வழங்குவது இரட்டை புண்ணியம்.

தினமும் சேரும் வீட்டு குப்பைகளை மக்கும் பொருள் மக்காத பொருள் என தரம் பிரித்து அதற்குரிய நகராட்சி குப்பைத்தொட்டிகளில் இட வேண்டும்.

மக்குகின்ற குப்பைகள் சிறந்த இயற்கை உரமாகும்.சில கிராமங்களில் இப்படி சேரும் மக்குகின்ற குப்பைகளிலிருந்து கோபார் வாயு எடுக்கப்ப்ட்டு சமையல் அடுப்பு மற்று விளக்குகளில் பயன்படுத்துகிறார்கள். மக்காத பொருட்களை கூட தரம் பிரித்து அலுமினியம், பித்தளை, செம்பு, இரும்பு, காகிதம், பாட்டில்கள், பிளாஸ்டிக் என பழயை பொருட்கள் வாங்கும் கடைகளில் விற்று காசாக்கலாம். அதோடு சுற்று சூழலையும் காக்கலாம்.

வாகனங்கள், இன்வெர்ட்டெர், எமெர்ஜென்சி லைட்களில் பயன் படுத்தப்படும் lead acid Batery கள் பழுதானால் கூட தூக்கிப் போடாதீகள். அதிக பணம் தந்து வாங்குபவர்கள் இருக்கிறார்கள்.
தேவையற்ற பொருட்களை விற்க இணையத்தில் e-bay போன்ற எவ்வளவோ தளங்கள் இருக்கின்றன. குப்பைகள் என கருதுவதைக் கூட காசாக்கலாம்.

Midway Island, North Pacific Ocean, Unbelievable !



Great Pacific Garbage Patch - Ocean Pollution Awareness




சுற்று சூழல் மாசு உருவாக்கும் உடல் நலக் கேடு பற்றிய தகவல்கள் இங்கே
http://www.scorecard.org/health-effects/

Download As PDF

09 June 2009

கலர் குளிர் பானங்களில் என்ன இருக்கிறது?


எந்த விழாக்களானாலும் பார்ட்டியானாலும் சாஃப்ட் டிரிங்ஸ் எனப்படும் குளிர் பானங்கள் இடம் பெறாமல் இருப்பதில்லை. இந்த வண்ண திரவங்களால் உடலுக்கு ஏதேனும் நன்மை கிடைக்கிறதா? என்றால் நிச்சயமாக இல்லை. மாறாக அவற்றுள் அடங்கியுள்ள நச்சுப் பொருட்கள் உடலுக்கு கேடு செய்கின்றன என்ற விழிப்புணர்வாவது இருக்கிறதா என்றால் அதுவும் இல்லை.

பற்கள் பாதிப்பு அடைகின்றன: பொதுவாக எல்லா குளிர் பானங்களும் அமிலச்சுவையுடன் இருக்கின்றன.இதில் கலந்துள்ள அமிலங்கள் பற்களின் எனாமலைப் பதம் பார்த்து கரைத்து விடுகின்றன.மேலும் அதிலுள்ள சர்க்கரை சத்து பற்களைத் தாக்கும் பாக்டீரியாக்கள் வளர உதவுகிறது.
பல பிராண்டட் குளிர் பானங்களில் அனுமதிக்கப்பட்ட அளவைக் காட்டிலும் நச்சுப்பொருள் எச்சம் உள்ளது என்று 2003-ல் அறிவியல்-சுற்றுச்சூழல் மையம் அறிக்கை வெளியிட்டது. இது செவிடன் காதில் சங்காய் அலட்சியப் படுத்தப்பட்டு இன்றும் நாகரீகமான பானமாகவே பொதுவாக கருதப்பட்டு பயன் படுகிறது. இதன் கெடுதல் தன்மை ஒரு புறம் இருக்கட்டும் இத்தகைய பானங்களில் எந்த வித ஊட்டச்சத்தும் இல்லை என்பதே உண்மை. ஒருகரண்டி சர்க்கரைக்கு சமமான சர்க்கரை சத்தும் தண்ணீரும் உடலுக்கு தேவைப்படாத சில ரசாயனமும் தான் அதில் உள்ளது. தேவைக்கு அதிகமான சர்க்கரை சத்து இரத்தத்தில் கொலெஸ்ட்ராலை அதிகரிக்க செய்யும். பின்னர், நீரிழிவு, இரத்த அழுத்தம் , இதய நோய், பக்க வாதம் எல்லாம் இதன் செல்லப்பிள்ளைகள்.

ஆபத்தான ரசாயனங்கள்
Aspartame
          "Light:" அல்லது "Diat"  குளிர்பானங்களில்  சர்கரைக்கு பதில் aspartame  என்ற செயற்கை இனிப்பூட்டி ரசாயனம் சேர்கப்படுகிறது. இது கலோரி தருவதல்ல ஆனாலும் இது தாகத்தை தணிப்பதற்கு பதில் . பசியும் தாகத்தையும் அதிகரிக்க செய்யும்.. 2010ல் ~நடைபெற்ற ஆய்வில்  இது ஈரல்,நுரையீரல் மற்றும் மூளையில் ட்யூமர் கட்டிகள் உருவாக்க கூடும் என கண்டறியப்பட்டது.
          இந்த aspartame  சிதைவுற்று methanol ஆக மாறுகிறது. இது சுற்று சூழலுக்கு கேடு விளவிக்கும் ஒரு காரணியாகும்.
        மனித உடலில் இந்த methanol மேலும் சிதைவுற்று formic acid மற்றும் formaldehyde ஆக மாறுகிறது.இது நரம்பு மண்டலத்தை தாக்கும் ஒரு விஷப்பொருள். இதனால் மைக்ரேன் எனும் ஒற்றைத் தலைவலி, மந்தம் ,பார்வைக்குறைபாடு மற்றும் மறதியை இந்த செயற்கை இனிப்பூட்டி உருவாக்கும்
Caramel
         கோலா பானங்களின் பிரவுன் நிறத்திர்க்காக இந்த ரசாயனப் பொருள் சேர்க்கப்படுகிறது.இதில் உள்ள  ammonia மற்றும் sulphite  ஈரல் மற்றும் நுரையீரல் புற்று நோயை உருவாக்குகிறது.மேலும் தைராய்ட், லூக்கேமியா போன்ற நோய்க்கு காரணமாவதாக CSPI U.S. research institute தெரிவிக்கிறது.
Phosphoric acid 
       சிட்ரிக் ஆசிட்டுக்கு பதிலாக கோலா பானங்களில் சேர்க்கப்படும் இந்த ரசாயனம் சிறுநீரக செயலிழப்பு மற்றும் Osteoporosis எலும்பு உடைதல் நோய்க்குக் காரணமாக இருக்கிறது.
Benzoic acid
        குளிர் பானங்கள் நெடு நாட்கள் கெட்டுப் போகாமல் இருக்க பென்ஸாயிக் அமிலம் பயன்படுத்தப்படுகிறது. இது ஆஸ்துமா, பரு, தோலில் வேனல் கட்டி, வெடிப்பு முதலியவற்றை உண்டாக்குகிறது. கூடவே எதிலும் குற்றம் கண்டுபிடிக்கும் மனப்பான்மையையும் உண்டாக்குகிறது.
 Sulphur Dioxide
       எலுமிச்சை பானங்கள் கருப்பு நிறமாக மாறி விடாமல் இருக்கவும், சல்ஃபர் டையாக்ஸைடு சேர்க்கப்படுகிறது. இது பானங்களில் உள்ள நறுமணம் ஆவியாகிப் போய்விடாமல் பாதுகாக்கிறது. இந்த சல்ஃபர்டையாக்ஸைடு, ஒரு நச்சு முறிவு மருந்துதான். நலமாக உள்ள ஒருவர் தொடர்ந்து கலர் அருந்தியதும் மந்தநிலை, தெளிவற்ற பார்வை, தோலில் வெடிப்பு, வீக்கம், சோர்வு, இதயத்தில் ஓருவித இறுக்கம், அதிர்ச்சி, திடீர்க் கோபம், அதிர்ச்சியில் இறப்பு போன்றவை ஏற்படுகின்றன. அப்படி இருந்தால் ஆரோக்கியமான உடலில் கலர் மூலம்சேர்ந்த சல்பர் டையாக்ஸைடே காரணம்.
 Caffine
         பானங்கள் நறுமணமாக இருக்க, காஃபைன் சேர்க்கப்படுகிறது. காஃபைன், உண்மையில் போதை தரும் ஒரு மருந்துதான். இது அதிகமானால் மத்திய நரம்பு மண்டலம் அடிக்கடி ஊக்குவிக்கப் படுவதால் விரைவில் தளர்ச்சியும் வந்துவிடுகிறது. இதனால் தூக்கமின்மை, நரம்புக் கோளாறு, எரிச்சல், வயிற்றுப் பொருமல், மனக்குழப்பம், இதயம் வேக வேகமாகத் துடித்து ஒரு விதப் பதட்டம் முதலியன ஏற்படுகின்றன. சிறுநீர்ப் பைகள், வயிறு முதலியவற்றில் புற்றுநோய், இரத்தக்கொதிப்பு, மேலும் ஆறு விதமான புற்றுநோய்கள் அடிக்கடி கலர் அருந்துகிறவர்களுக்கு வருகிறது. அடிக்கடி இளவயதில் கலர் அருந்தும் தம்பதிகளுக்கு பிறவியிலேயே குறைபாடு உள்ள குழந்தைகள் பிறந்துள்ளன.
இத்தகைய ஊக்க பானங்களை மதுவுடன் சேர்த்து அருந்துவது உடலுக்கு மிக்வும் கேடு செய்யும். ஏனெனில் இவை தற்காலிகமாக மூளையை தூண்டுகின்றன. ஆனால் மது மூளையை மந்தப்ப்படுத்துகிறது. இந்த முரண்பட்ட தன்மையால் மனிதனின் நரம்பு மண்டல கட்டுபாடு சீர்குலைகிறது. மயக்கம் வாந்தி, இதயத் துடிப்பில் சீரின்மை உண்டாகிறது.
Tartrazine
       ஆரஞ்சு மற்றும் மஞ்சள் நிறத்திலும் கலர் பானங்கள் தயாரிக்கப் படுகின்றன. இந்த டார்ட்ராஜைன் Tartrazine என்ற கலரை நார்வே, பின்லாந்து ஆகிய நாடுகள் தடை செய்துள்ளன. இந்த வண்ணச் சாயம் தோலிற்கு அலர்ஜியைத் தந்து, உடலில் வீக்கம், கடுமையான ஜலதோஷம், கண்கள் சிவப்பாக மாறுதல், பார்வைக் குறைபாடு, நரம்புக்கோளாறு ஆகிய விளைவுகளை ஏற்படுத்துகின்றன. இது ஹைப்பர் ஆக்டிவிட்டி, ஆஸ்த்மா, புற்றுநோய் போன்றவற்றை உருவாக்ககூடும்.
       குளிர் பானங்களின் நிறத்துக்கு சேர்க்கப்படும் சிவப்புச் சாயம் புற்றுநோய், ஒவ்வாமை, சாப்பிட்ட உணவை அல்லது தயாரித்த உணவை நஞ்சாக மாற்றிவிடுகிறது.
 carboxymethylcellulose
       ஐஸ்க்ரீமில் உள்ள carboxymethylcellulose எலிகளிடம் செய்த சோதனையில் 80% புற்று நோய் உரு்வாக்குவது கண்டு பிடிக்கப் பட்டது.
Aluminium
அலுமினிய கேன்களில் அடைக்கப்பட்டு வரும் குளிர்பானங்களில் அதன் அமிலத் தன்மையால் அலுமினியத்தோடு வினைபுரிந்து அலுமினியம் சிறு அளவாவது குளிர்பானத்தில் கலக்கும் வாய்ப்புள்ளது.மேலும் இந்த கேன்கள் பெட்டி பெட்டியாக கடைகளிலும் குடோன்களிலும் வைக்கப்பட்டிருக்கும் வேளையில் எலிகள் போன்ற பிராணிகளால்  கேன்களில் வாய் வைத்து குடிக்கும் பகுதியில் கிருமிதொற்று ஏற்படும் அபாயம் உள்ளது
        பாக்கெட்டுகளில் அடைத்து வரும் பழச்சாறுகள் பலதும் உண்மையில் பழச்சாறுகள் அல்ல. சர்க்கரை, தண்ணீர், அராபிக் கம் எனப்படும் கோந்து மற்றும் சில ரசாயன வண்ணங்களும் எஸ்சென்சும் தான். பல சாஃப்ட் ட்ரிங்க் பொடிகளும் ஆபத்தான வெறும் ரசாயனக்கலவைகளே.எனவே, அடுத்த முறை கலர் அருந்த நினைக்கும் போது அந்த எண்ணத்தைக் கைவிட்டு, மோர், லெமன்ஜூஸ், காரட் ஜூஸ், இயற்கையான பழச்சாறுகள், இளநீர் போன்றவற்றை அருந்துங்கள். அதுவே நல்லது.

தாகம் ஏற்பட்டல் உடனே தண்ணீர் மட்டுமே அருந்த வேண்டும். ஜூஸ் அதற்கு தீர்வாகாது.சுத்தமான தண்ணீர் என்ற பிரமையை உருவாக்கி வரும் மினரல் வாட்டர்களிலும் எந்த விதமான சத்துப் பொருளும் இல்லை பதிலுக்கு ரசாயனங்களே சேர்க்கபடுகிறது. தொழிற்சாலை கழிவுகள் ஆற்று நீரில் கலந்து பல இடங்களில் இயற்கையாகக் கிடைக்கும் குடிநீரே விஷமாகிக் கிடக்கிறது். இதை தான் குளோரின் கலந்து பல நகராட்சிகளில் குடிநீராக வினியோகிக்கிறார்கள். பூமியிலிருந்து கிடைக்கும் இயற்கையான குடிநீரையும் பரிசோதித்து  நல்ல குடி நீராக மாற்றி உபயோகப் படுத்துவதே நல்லது.

Download As PDF

08 June 2009

அறுசுவை உணவில் ஆபத்தான இரசாயனங்கள்.


பள்ளிகள் கல்லூரிகளில் உள்ள வேதியல் ஆய்வுக்கூடங்கள் பார்த்திருப்பீர்களே அது போலத்தான் இன்றைய நவீன சமையலறைகள் மாறி விட்டன. இயற்கை உணவுகளை கொஞ்சம் கொஞ்சமாக மறந்து விட்டோம். சூப்பர் மார்கெட் ஷெல்ஃப்களில் குவிந்து கிடக்கும் உணவுப்பொருட்கள் எல்லாவற்றிலும் சுவைக்காவும், நிறத்திற்காகவும் , கெடாமல் வைத்திருக்கவும் பலவித ஆபத்தான இரசாயனப் பொருட்கள் சேர்க்கப்படுகிறது. இது பற்றி கொஞ்சமும் கவலைப்படாமல் விளம்பரங்கள் சொல்லும் பச்சைப் பொய்களின் கவர்ச்சியில் மயங்கி வாய்க்குள் அள்ளித் திணித்து கொள்கிறோம். உணவுப்பொருட்களில் உண்டான வியாபாரப் போட்டியின் விளைவு இன்றைக்கு 100% தரமான இயற்கையான உணவு உண்பது என்பது குதிரைக்கொம்பு தான்.

உணவில் சுவை கூட்டும் ரசாயனப்பொருட்களில் எந்த விதமான ஊட்டசத்தும் இல்லை .இவைதேவையற்றது, ஊட்ட சத்து சேர்க்கப்பட்டவை என கூறப்படும் உணவும் உண்மையில் பல இயற்கையான ஊட்ட ச்த்துகள் நீக்கப்பட்டு சில ரசாயனங்கள் சேர்க்கப்பட்டது தான். பல உணவுப்பொருட்களில் இயற்கையான பொருட்களுக்கு பதில் அது போன்ற சுவை தரும் செயற்கையான சுவையூட்டிகள் மட்டுமே உள்ளன.

வெனிலா கலக்கப்படும் உணவு வகைகளில் பேன்களைக் கொல்ல பயன் படுத்தப்படும் பைப்பர் ஹோல் என்ற இராசயனப் பொருள் சேர்க்கப்படுகிறது.
டின் களில் அடைக்கப்பட்ட பதப்படுத்தப்பட்ட பழங்களில் துணிகளையும் தோல்களையும் கழுவப் பயன்படுத்தப்படும் பென்சி அஸிடெட், எதில் அசிடெட், அமில் அசிடெட் முதலியன சேர்க்கப்படுகின்றன. இது உடலுக்கு அதிகம் கேடானது.

கடைகளில் கிடைக்கும் பலவகை ஆப்பிள் பழங்களின் தோலை நகத்தால் சிறிது நெருடிப்பார்த்தால் அதிலிருந்து மெழுகு உதிர்ந்து வரும். ஆப்பிள் கெடாமல் இருக்க தோலில் மெழுகு தடவி பேக் செய்கிறார்கள். நாம் அதை அப்படியே உண்கிறோம்.

கேக்குகளில் எண்ணெய் உறையவைக்க சோடியம் அலுமினியம் சேர்க்கப்படுகிறது. இந்த எண்ணெய் உண்பதற்கு ஏற்றது அல்ல. மாவை
வெண்மையாகவும் உப்ப வைக்கவும் பிளீச்சிங் பவுடரும், பிற பவுடர்களும் பயன்படுத்தப்படுகின்றன. இவற்றால் உடல் நலத்திற்குத் தீமையே!

வெண்ணெய் நீக்கப்பட்ட பால் அடர்த்தியாக இருக்க வேண்டும் என்பதற்காக சில பால் நிறுவனங்கள் கலக்கும் ரசாயனப் பொருள் புற்றுநோயை ஏற்படுத்தக் கூடியது என்று ஆய்வுகள் எச்சரிக்கின்றன.

விவசாயிகள் தங்கள் பயிர்களை பாதுகாக்க பல வித ஆபத்தான ரசாயன பூச்சிக்கொல்லிகள் உபயோகிக்கிறார்கள். இதன் விளைவாக நாம் உண்ணும் அரிசி, பருப்பு, காய்கறிகளிலும் கான்சர் ,மலட்டுத்தன்மை உருவாக்கும் பூச்சிமருந்து எச்சங்கள் இருக்கின்றன. பழங்களை பழுக்கவைக்க கூட ரசாயனங்கள் உபயோகிக்கிறார்கள். இயற்கையான பூச்சி ஒழிப்பு முறையில் இயற்கையான உரம் இட்டு வளர்ந்த உணவுப்பொருளே சிறந்தது. இதற்கான திட்டங்களையும் ஊக்குவித்தலகளையும் பயிற்சியையும் அரசு விவசாயிகளுக்கு வழங்கி இயற்கையான உணவு எங்கும் கிடைப்பதை உறுதிப்படுத்த வேண்டும்.

ஜெனெடிக் என்ஜினீயரிங்க் மூலம் பெறப்படும் புது விதமான உணவுப்பொருட்கள் மனித உடலில் உண்டாக்கும் பாதிப்புகளை அறிய பல காலமாகலாம். சரியான ஆராய்ச்சிமுடிவுகளை அறியாமலேயே அவற்றை சந்தைப்படுத்துவது காசு கொடுத்து வாங்கி உண்ணும் மக்கள உடலிலேயே உணவுப் பொருள் தயாரிப்பு நிறுவனங்கள் தங்கள் சோதனைகளை நிகழ்த்துவதாகிறது.

பொதுவாக உணவுப்பொருளில் சேர்க்கப்படும் மோசமான பாதிப்புகளை ஏற்படுத்தக் கூடிய சில பொருட்கள்:

பென்சோயேட்ஸ் (Benzoates) : பதனீட்டுப் பொருள். ஆஸ்துமா நோய் உள்ளவர்களிடையே நெஞ்சில் இறுக்கமான உணர்வை ஏற்படுத்தும். தொண்டையில் அரிப்பு அல்லது புண் ஏற்படலாம்.

Butylated hydroxyanisole (BHA), butylated hydroxytoluene (BHT) : காற்றுபுகாமலிருக்க பயன்படுத்தப்படும் பொருள் - பொதுவாக குழந்தை உணவுகள் சுவிங்கம்,தாவர எண்ணெய் ஆகியவற்றை கெடாமல் வைத்திருக்கிறது். இது கான்சர் காரணி மற்றும் சிலரிடையே தோல் எரிச்சலை ஏற்படுத்தலாம்.

எப்.டி. & சி (FD & C dyes) : வர்ணங்கள் - இது சிலரிடையே அரிப்பை ஏற்படுத்தலாம். குழந்தைகளின் நடத்தையில் மாற்றத்தைஏற்படுத்தலாம்.

Monosodium glutamate (MSG) : தலைவலி, குமட்டல், வயிற்றுப்போக்கு, வியர்வை, நெஞ்சில் இறுக்கம், கழுத்துக்குப் பின்னால் எரிச்சல், ஆஸ்துமா நோயாளிகளிடையே அதிக ஆஸ்துமாவை ஏற்படுத்தும். குறிப்பாக விளையாட்டு வீரர்கள் திடீரெனெ இதய நோய் தாக்குதலுக்குள்ளாவதில் இதன் பங்கு இருப்பதாக கூறப்படுகிறது.

நைட்ரேட் (Nitrates) : பதனீட்டுப் பொருள் - தலைவலி.

பாராபென் (Parabents) : பதனீட்டுப் பொருள் - கடுமையான தோல் நோய், வீக்கம் அரிப்பு.

சல்பைட் (Sulfites) : பதனீட்டுப் பொருள் - வைட்டமின் B1 ஐ அழிக்கிறது.நெஞ்சில் இறுக்கம், வயிற்று வலி, வயிற்றுப்போக்கு, குறைந்த இரத்த அழுத்தம், பலஹீனம், சிறு அளவு கூட சிலரிடையே ஆஸ்துமா நோயை ஏற்படுத்தும், மோசமாக்கும்.

Propyl Gallate: இது எண்ணெய் மற்றும் கொழுப்புப் பொருட்கள் கெடாமல் வைத்திருக்க உதவும்.தாவர எண்ணெய், பதப்படுத்தப்பட்டஇறைச்சி, உருளைக்கிழங்கு சிப்ஸ், சிக்கன் சூப் பேஸ் மற்றும் சுவிங் கம் ஆகியவற்றில் பயன் படுத்துகிறார்கள்.-இது புற்று நோய் உருவாக்ககூடும்.

Potassium Bromate:ரொட்டிகளில் சேர்க்கப்படும் இந்தப்பொருள் புற்று நோய் ஏற்ப்படுத்தலாம்.

Aspartame (Equal, NutraSweet): இது டயட் சோடா மற்றும் டயட் உணவுகளில் சர்கரைக்குப்பதில் பயன்படுத்தப்படும் செயற்கை இனிப்பு.இது மூளையில் டியூமர் கட்டியை உருவாக்கும் என அறியப்பட்டது. மிக குறைந்த அள்வு உட்கொள்ளுவது கூட lymphomas மற்றும் leukemi நோயை உருவாக்ககூடும்.சிலருக்கு தலைவலி, மந்தம், மனக்குழப்பம் , மத்திய நரம்பு மண்டல பாதிப்பு, மாதவிடாய் பாதிப்பு, கருவில் மூளைப்பாதிப்பு உருவாக்கக்கூடும்.

Neotame:இது Aspartame போன்றது ஆனால் அதை விட அதிக நச்சுடையது.

Acesulfame-K: சர்கரையை விட 200 மடங்கு இனிப்பான இப்பொருள். கேக்குகள், சுவிங்கம், ஜெல்லி, மற்றும் குளிர் பானங்களில் சேர்க்கப்படுகிறது. இது கேன்சர் ,
தைராய்ட் பாதிப்பு உண்டாக்கலாம்.

Olestra: இது ஒரு செயற்க்கைக் கொழுப்பு. உடலால் உறிஞ்சப்படாதது, வயிற்றோட்டம் , வயிற்று வலி போன்ற பல பாதிப்புகளை உண்டாக்கும்.

Sodium Nitrite (Sodium Nitrate):இறைச்சி பதப்படுத்தவதில் உபயோகப்படுகிறது. இது கான்சர் காரணியான nitrosamine ஐ உருவாக்குகிறது.

Hydrogenated Vegetable Oil:இவ்வாறு பதப்படுத்தப்பட்ட தாவர எண்ணெய்கள் trans fat ஐ உருவாக்குகிறது. இது இதய நோய் மற்றும் நீரிழிவுக்கு வழி வகுக்கும்.

Brominated vegetable oil :- பிறவிக்குறைபாடு, உடல் உறுப்பு வளர்ச்சியின்மைக்கு காரணமாகும்.

Blue 1 and Blue 2: குளிர்பானங்கள் மற்ரும் மிட்டாய்களில் உபயோகப்படும் சாயப்பொருள். இது கான்சர் மற்றும் ட்யூமர் உருவாக்ககூடும்.

Red 3:மிட்டாய் மற்றும் செர்ரியில் பயன்படும் வண்ணப்பொருள் இது தைராய்ட் மற்றும் ட்யூமர் உருவாக்கக்கூடும்.

Yellow 6: கேக்குகள்,மிட்டாய்கல்,ஜெல்லிக்கள்,சாசேஜ் ஆகியவற்றில் பயன் படுத்தப்படுகிறது. அட்ரீனல்,சிறுநீரகக்கட்டி, மற்றும் கான்சர் உருவாக்கக் கூடியது.

330 and E330 Citric Acid:இயற்கையான சிட்ரிக் ஆசிட் கெடுதல் இல்லை. ஆனால் செயற்கையாக தயாரிக்கப்படும் சிட்ரிக் ஆசிடில் அதன் தயாரிப்பு முறையின் போது அதிலிருந்து sulfur மற்றும் sulfites முழுமையாக நீக்கப்படா விட்டால் ஆஸ்த்மா, அலர்ஜி உண்டாக வாய்ப்புள்ளது. சிட்ரிக் ஆசிட் கலந்த பானம் அதிகம் அருந்துவது பற்களுக்கு கேடு.

924 & E924 Potassium Bromate (Agent used in Bleaching Flour): நரம்பு மண்டலம், சிறுநீரகம், அஜீரணம், மற்றும் புற்றுநோய்க் காரணி.

407 & E407 Carrageenan (Thickening & Stabilizing Agent) -இவை ஆஸ்த்மா, அல்சர், கான்சர் போன்றவற்றை உருவாக்ககூடும்.

Sucralose (Splenda):40%thymus gland ஐ சுருங்கச்செய்வதாக சோதனை முடிவுகள் சொல்கின்றன. சிறுநீரகம் மற்றும் ஈரல் வீக்கம், மற்றும் ஈரலில் சுண்ணாம்பு சத்தை படியச்செய்கிறது. உண்ணத்தகுந்ததல்ல.

கேசரிப் பவுடர் உடல் நலத்திற்கு நல்லதல்ல. வீட்டில் செய்யும் எந்த உணவிலும் நிறத்திற்காக கேசரிப்பவுடர் அல்லது புஷ் பவுடர் சேர்க்காதீர்கள்.

குளிர் பானங்கள் மிட்டாய்களில் சேர்க்கப்படும் பல வித கவர்ச்சியான வண்ணங்கள் புற்று நோய் , மூளைக்கட்டி, தைராய்ட், அட்ரீனல் மற்றும் சிறுநீரக
பாதிப்புகளுக்கு வழிவகுக்கும்.
சாயங்கள்
104 & E104 Quinoline Yellow,
107 & E107 Yellow 2G,
110 & E110 Sunset Yellow,
122 & E122 Azorubine, Carmoisine,
123 & E123 Amaranth,
124 & E124 Ponceau, Brilliant Scarlet,
127 & E127 Erythrosine,
E128 Red 2G,
129 & E129 Allura Red AC,
E131 Patent Blue,
132 & E132 Indigotine, Indigo Carmine
133 & E133 Brilliant Blue
151 & E151 Activated Vegetable Carbons, Brilliant Black
154 Food Brown, Kipper Brown, Brown FK
155 & E155 Chocolate Brown HT, Brown HT
போன்ற சாயப் பொருட்கள் ஹைப்பர் ஆக்டிவிட்டி, ஆஸ்த்மா, புற்று நோய் உருவாக்ககூடும்.

120 & E120 Carmines, Cochineal
142 & E142 Acid Brilliant Green, Green S,
160b & E160b Bixin, Norbixin, Annatto Extracts
போன்ற சாயப் பொருட்கள் ஹைப்பர் ஆக்டிவிட்டி,ஆஸ்த்மா போன்றவற்றை உருவாக்ககூடும்.

143 Fast Green இது ஆஸ்த்மா உருவாக்கும்.

150 & E150 Caramelஇது ஹைப்பர் ஆக்டிவிட்டி உருவாக்கும்.

உணவு பதன ரசாயனங்கள்:
E173 Aluminium -இது ஒரு கான்சர் காரணி
E180 Latol Rubine, Pigment Rubine
210 & E210 Benzoic Acid
250 & E250 Sodium Nitrite
-இவை ஹைப்பர் ஆக்டிவிட்டி,ஆஸ்த்மா,கான்சர் போன்றவற்றை உருவாக்ககூடும்.

200 & E200-203 Potassium & Calcium Sorbates ,Sorbic Acid
211 & E211 Sodium Benzoate
220 & E220 Sulphur Dioxide also Sulfur dioxide
E228 Potassium Bisulfite, Potassium Hydrogen Sulfite or Potassium Bisulphite, Potassium Hydrogen Sulphite
280 to 283 Calcium or Potassium or Sodium Propionates, Propionic Acid
319 & E319 TBHQ, Tert Butylhydroquinone
627 & E627 Disodium Guanylate (Flavour Enhancers)
-இவை ஹைப்பர் ஆக்டிவிட்டி,ஆஸ்த்மா போன்றவற்றை உருவாக்ககூடும்.

212 & E212 Potassium Benzoate,
213 & E213 Calcium Benzoate,
E214 Ethyl Para Hydroxybenzonate,
E215 Sodium Ethyl Para Hydroxybenzonate,
216 & E216 Propyl P Hydroxybenzonate, Propylparaben]
E217 Sodium Propyl P Hydroxybenzonate
221 & E221 Sodium Sulfite or Sodium Sulphite
222 Sodium Bisulfite or Sodium Bisulphite
223 & E223 Sodium Metabisulfite or Sodium Metabisulphite
224 & E224 Potassium Metabisulphite or Potassium Metabisulfite
225 & E225 Potassium Sulfite or Potassium Sulphite
E226 Calcium Sulfite or Calcium Sulphite
E227 Calcium Hydrogen Sulphite or Calcium Hydrogen Sulfite
260 & E260 Acetic Acid, Glacial
311 & E311 Octyl Gallate
312 & E312 Dodecyl Gallate
631 & E631 Disodium Inosinate 5 (Flavour Enhancers)
635 & E635 Disodium Ribonucleotides 5 (Flavour Enhancers)
1403 Bleached Starch (Thickenner and Stabiliser)
-இவை ஆஸ்த்மா உருவாக்கும்.

E230 Diphenyl, Biphenyl
E231 Orthophenyl Phenol
E236 Formic Acid
E239 Hexamine, Hexamethylene Tetramine -இவை ஒரு கான்சர் காரணி

249 & E249 Potassium Nitrate
310 & E310 Propyl Gallate -இவை ஆஸ்த்மா,கான்சர் போன்றவற்றை உருவாக்ககூடும்.

251 & E251 Sodium Nitrate
252 & E252 Potassium Nitrate- இவை ஹைப்பர் ஆக்டிவிட்டி, கான்சர் போன்றவற்றை உருவாக்ககூடும்.

413 & E413 Tragacanth (thickener & Emulsifier)
414 & E414 Acacia Gum (Food Stabilizer)
416 Karaya Gum (Laxative, Food Thickener & Emulsifier)
441 & E441 Gelatine (Food Gelling Agent)
536 & E536 Potassium Ferrocyanide (Anti Caking Agent)
928 & E928 Benzoyl Peroxide (Bleaching Flour and Bread enhancer Agent)
-இது ஆஸ்த்மா உருவாக்ககூடும்.

421 & E421 Mannitol (Artificial Sweetener) - இது ஹைப்பர் ஆக்டிவிட்டி உருவாக்கக் கூடும்.

430 Polyxyethylene Stearate (Emulsifier)
431 Polyxyl Stearate (Emulsifier)
E432 - E435 Polyoxyethylene Sorbitan Monostearate (Emulsifiers Gelling Stabilisers Thickeners Agents)
433 - 436 Polysorbate (Emulsifiers)
466 Sodium CarboxyMethyl Cellulose
507 & E507 Hydrochloric Acid (Hydrolyzing Enhancer & Gelatin Production)
518 & E518 Magnesium Sulphate (Tofu Coagulant)
553 & E553 & E553b Talc (Anti Caking, Filling, Softener, Agent)
903 & E903 Camauba Wax (used in Chewing Gums, Coating and Glazing Agents)
905 & 905 a,b,c Paraffin and Vaseline, White Mineral Oil (Solvents, Coating and Glazing,

Anti Foaming Agents, Lubricant in Chewing Gums)
925 & E925 Chlorine (Agent used in Bleaching Flour, Bread Enhancer and Stabiliser)
926 Chlorine Dioxide (Bleaching Flour and Preservative Agent
950 & E950 Potassium Acesulphame (Sweetener)
952 & E952 Cyclamate and Cyclamic Acid (Sweeteners)
954 & E954 Saccharine (Sweetener)
1202 & E1202 Insoluble Polyvinylpyrrolidone Insoluble (Stabiliser and Clarifying Agent added to Wine, Beer, Pharmaceuticals)
-இவை ஒரு கான்சர் காரணி.

அப்பப்பா ...பயங்கரம் ..சில கம்பனிகளின் பொருளாசைக்கு பலியாகி எத்தனை விதமான வடிவத்தில் ரசாயனபொருட்களை நமது உணவில் கலந்து உள்ளே தள்ளுகிறோம். இனியாவது எந்தஉணவுப் பொருள் வாங்கினாலும் அதன் “INGREDIENTS:”அல்லது “CONTAINS:என்று இட்டிருப்பதை ஒருமுறை வாசித்துப் பார்த்துவிட்டு புற்றுநோய் போன்ற பேராபத்துகளை விலைகொடுத்து வாங்க வேண்டுமா? பிள்ளைகளுக்கு தரலாமா?என்றெல்லாம் ஒன்றுக்கு இரண்டு யோசித்து வாங்குங்கள்.

பெரியவர்களைப்போல் குழந்தைகள் உடல் உணவில் கலந்துள்ள இந்த விஷ்ப் பொருட்களை விரைந்து வெளியேற்ற இயலாது.ஆனால் துரதிஸ்ட வசமாக அனேக குழந்தை உணவுகளே விஷம் மலிந்து கிடக்கிறது.

சர்க்ரை, உப்பு , எண்ணெய் அதிக அளவு உட்கொள்வது உண்ணும் மூளையின் இயற்கையான ரசாயன சமநிலையை பாதித்து, உணவில் அதிக ஆர்வம்
உண்டாக்கி அத்தகைய உணவுகளுக்கு அடிமையாக்கிவிடும்.

ஹோட்டல்கள் ,ரெஸ்டாரென்ட்களில் சாப்பிடுவதை அடியோடு தவிர்க்கவும். முடிந்தவரை உணவுப்பொருட்களை அதன் அடிப்படை பொருளாகவே அவ்வப்போது வாங்கி ஃப்ரெஷ் ஆகவே உண்ணுங்கள். அதற்கேற்ப உணவுப் பழக்கத்திலும் மாற்றம் செய்து கொள்ளுங்கள். பணத்தையும் மிச்சப் படுத்துங்கள்.

Related  Articles
கலப்பட உணவை கண்டறிவது எப்படி?
 கலர் குளிர் பானங்களில் என்ன இருக்கிறது?
                           

Top 10 Disgusting Ingredients You've Probably Eaten Today

 

Top 10 Disturbing Facts About Foods You Eat Every Day


 

Download As PDF

05 June 2009

கிருமிகள்- கண்ணுக்கு தெரியாத வில்லன்கள்

      நம்மைச் சுற்றி எல்லா இடங்களிலும் கோடிக் கணக்கான கண்ணுக்குத் தெரியாத  நோய் கிருமிகள் நிறைந்திருக்கிறது. நம் நோயெதிர்ப்பு சக்தி வலுவிழக்கும் நேரம் பார்த்து இவை நம்மை தாக்கி நோயாளியாக்கக் காத்திருக்கின்றன. பொதுவாக எங்கெங்கே இந்த கிருமிகள் கூடாரம் போட்டு தங்கக் கூடும் என்று பார்ப்போம். அவற்றை இல்லாது ஒழிப்பதன் மூலம் உடல் நலத்தைக் காப்போம்.
  • சமையல் அறையும் சுற்றுப்புறமும் சுத்தமாக வைத்துக்கொள்ளவும்.
  • சமையலறையில் பாத்திரம் துலக்க உதவும் ஸ்பாஞ்ச் அதிக அளவு கிருமிகள் இருக்கும் இடம். அதன் ஒரு சதுர இஞ்ச் பரப்பில் 134,000 பாக்டீரியாக்கள் இருக்கலாம் என சோதனை முடிவுகள் காட்டுகின்றன. அதன் ஈரப்பதம் கிருமிகள் பல்கி பெருகுவதற்கு ஏற்ற சூழ்லைக் கொடுக்கிறது. வயிற்றோட்டட்டம் மற்றும் வயிற்று வலி உருவாக்கும் Salmonella , Campylobacter போன்ற கிருமிகள் அதில் இருக்கலாம்.
  • சமையலறை ஸ்பாஞ்சுகளை வாரம் ஒரு முறை மாற்றவும். அல்லது ப்ளீச் கலந்த நீரில் 15 நிமிடம் ஊற வைத்து கழுவி உபயோகப்படுத்தவும்.
  • சமையலறை பாத்திரங்கள் கழுவும் தொட்டி கிருமிகள் நிறைந்திருக்கும் மற்றொரு இடம். சமையலறை கழிவு நீர் குழாய்களில் ஒரு சதுர இஞ்ச் இடத்தில் சுமார் 500,000 பாக்டீரியாக்கள் சாதாரணமாக காணப்படுமாம்.
  • சோப்புக்கள் கிருமிகளை கொல்வதில்லை.பிளீச்சிங் பவுடர் கலந்த தண்ணீர் தான் கிருமிகள் ஒழிப்பதற்கு சிறந்தது.
  • சமயலறை மற்றும் பாத்ரூம்களில் உள்ள தண்ணீர் குழய்களின் கைப்பிடிகள், கதவுகள் கைப்பிடிகள் போன்றவற்றில் ஏராளமான் கிருமிகள் இருக்கக்கூடும். ஒரு சதுர இஞ்சில் 13,000 பாக்டீரியாக்களும் 6000 மற்ற கிருமிகளும் இருக்கலாம்.
  • சமையலறை கட்டிங் போர்டு ஏராளமான கிருமிகளின் உறைவிடம்.
  • கழிவறை பீங்கானில் சதுர இஞ்சுக்கு சராசரி 3.2 மில்லியன் பாக்டீரியாக்கள் இருக்கின்றன.
  • குளியல் தொட்டிகளில் நீர் வெளியேறும் பகுதியில் சதுர இஞ்சுக்கு 120,000 சராசரி பாக்டீரியாக்கள் இருக்கின்றன.
  • குளியலறை திரை சீலைகளில் Sphingomonas மற்றும் Methylobacterium போன்ற பாக்டீரியாக்கள் பெருமளவில் பதுங்கிஇருக்கின்றன.
  • வாஷிங் மெசினிலும் மிகப்பெருமளவு கிருமிகள் நிறைந்திருக்கிறது. கழுவிய துணிகளிலும் எளிதில் இக்கிருமிகள் தொற்றி விடுகின்றன.
  • வாக்குவம் கிளீனர்களின் புருஸ் களில் பெருமளவு பாக்டீரியாகாள் இருக்கின்றன, அதில் 50% fecal bacteria மற்றும் 13% e-coli bacteria காணப்படுகின்றன.சுத்தமான இடத்தை முதலிலும் அசுத்தமான இடத்தை கடைசியிலும் சுத்தம் செய்வது மூலம் கிருமிகள் எல்லா இடமும் பரவாது தடுக்கலாம். வாக்குவம் கிளீனர் உபயோகப்படுத்திய பின் கைகளை சுத்தமாக கழுவிக்கொள்வது அவசியம்.
  • மிதியடிகளை சுத்தமாக வைத்திருக்கவும்.
  • படுக்கைகள், படுக்கை விரிப்புகள் ,போர்வைகள் ,தலையணைகள் பல்வேறு வகை கிருமிகள் மற்றும் நுண்ணிய பூச்சிகளின் உறைவிடம் .எப்போதும் சுத்தமாக வைத்திருக்கவும். இல்லையேல் பலவிதமான அலர்ஜிகளை இக்கிருமிகள் ஏற்படுத்தக்கூடும். இந்த துணிகளை கழுவிய பின் பூச்சிகள் சாகும் வரை கொதிநீரில் போட்டு, பின் உலர்த்தி உபயோகிக்கவும்.
  • குளிர் பதன பெட்டியில் கெட்டுப்போன, நாள்பட்ட எதையும் வைக்காதீர்கள்.
  • லாட்ஜுகளில் உள்ள போர்வைகள், ரிமோட் கண்ட்ரோல்களில் ஆபத்தான கிருமிகள் காணப்படலாம்.
  • பொது தொலை பேசி கிருமிகளின் சந்தை.
  • உதடுகளை அடிக்கடி நாக்கால் நக்கி ஈரப்படுத்தும் பழக்கம் நல்லதல்ல. உதடுகளின் வெளிப்புறம் நிறைய கிருமிகள் இருக்கலாம்.
  • நாற்றமான சூழல் பாக்டீரியாக்களின் தேசம். அங்கே அதிக நேரம் நிற்க வேண்டாம்.
  • சாலையோர உணவு விடுதிகளில் உணவு உண்பதை தவிர்க்கவும்.
  • டின்களில் அடைக்கப்பட்ட குளிர் பானங்கள் அதன் விளிம்புகளில் நம் உதடு படும் இடங்கள் கிருமிகள் இருக்கக்கூடும்.மூடியுள்ள பாட்டில்கள் நல்லது.
  • காலணிகளை வீட்டின் வெளியே கழற்றியிடவும்.
  • பாத்ரூம் காலணிகளில் கிருமிகள் அதிகம் இருக்கும். சுத்தமாக வைத்திருக்கவும்.
  • வீட்டில் எல்லா இடமும் ஈரப்பதமின்றியும் சூரிய வெளிச்சம் படும்படியும் பார்த்துக்கொள்வோம்.
  • கைகள் நோய் கிருமிகளின் வளர்ப்புப் பண்ணை. எனவே நோயாளிகள் கைகளை சுத்தமாக வைத்துக் கொள்ள வேண்டும்.
  • ஜலதோசத்துடன் கூடிய காய்ச்சல் இருந்தால் அடிக்கடி கையை கழுவுதல் நல்லது. நோய்த்தொற்றை குறைக்கும்.
  • பிறருடன் கைகுலுக்கும் போது ஒன்றுக்கு இரண்டு முறை யோசிக்கவும். பிறரது கைகள் எந்த அளவு சுத்தமானவை என்பது தெரியாது. சும்மா விஷ் பண்ணுதே நல்லது.
  • உணவு உண்ணும் முன்பும் பிறகும் கைகளை சுத்தமாக கழுவுவது மிக முக்கியம்.
  • ரிமோட் கண்ட்ரோல்கள், மொபைல் ஃபோன்கள், டெலிஃபோன் பட்டன்கள் , ஃபிரிட்ஜ் கதவு கைப்பிடி , கம்ப்யூட்டர் கீ போர்டு, மவுஸ், கதவு குமிழ்கள், சுவிட்சுகள், ரூபாய் நோட்டுகள், பேருந்துகளில் கைப் பிடிகள். பேனாக்கள், விசிட்டிங் கார்டுகள், மருத்துவமனை வராண்டாக்கள் , கைப்பிடிச்சுவர்கள், புத்தகங்கள் இவை யாவும் நோய்கிருமிகள் சர்வ சாதாரணமாக புழங்கும் இடங்கள். ஜாக்கிரதையாக இருங்கள்.
  • ரூபாய் நோட்டுகளை எச்சில் தொட்டு எண்ணாதீர்கள்.
  • பேருந்துகள், சினிமா தியேட்டர்கள், மருத்துவமனைகள் எங்கும் நோய்கிருமிகள் நிறைந்திருக்கும்.
  • தினமும் குளிப்பது மிக நல்ல பழக்கம்.இது தினமும் உடலில் தங்கும் கிருமிகளை நீக்குகிறது.
  • டால்கம் பவுடர் போடுவது தோலில் கிருமிகள் வளர்வதை தடுக்கிறது.
  • அழுக்கான ஆடைகளை உடுக்காதீர்கள்.
  • தண்ணீர் தேங்க விடாமல் நோய் பரப்பும் கொசுக்கள் பெருகாமல் பார்த்துக்கொள்ளுங்கள்.
  • தூங்கும் போது கொசு வலைகள் உப்யோகித்து கொசுவால் பரவும் டெங்கு, மலேரியா,போன்ற வைரசுகளிடமிருந்து தப்பித்துக் கொள்ளுங்கள்
  • வைரஸ் அதிகமாக புழங்கக்கூடும் என கருதும் மேற்கண்ட இடங்களை சோப்பு மற்றும் டெட்டால் போன்ற மருந்துகள் கொண்டு அடிக்கடி சுத்தப்படுத்துவது நல்லது.
  • வீட்டில் சேரும் கழிவுப் பொருட்களையும் குப்பைகளையும் நாள் தோறும் அப்புறப்படுத்த வேண்டும்.
இதெல்லாம் நீங்கள் உசாராய் இருக்க வேண்டி சொன்னது தான். பயந்து கவச உடை போடுமளவுக்கு போக வேண்டாம். முடிந்த அளவு விழிப்பாக இருப்போம். அதையும் மீறி இந்த கண்ணுக்கு தெரியாத வில்லன்கள் தாக்காமல் இயற்கை நமக்கு தந்த கவசமான நோய் எதிர்ப்பு சக்தியையும் சத்தான உணவுகள் உண்பதன் மூலம் வளர்த்துக் கொள்வோம்.

Download As PDF

03 June 2009

தமிழ் சினிமா-அரைச்ச மாவை அரைப்போமா?

சினிமாப் படம் எடுப்பது ரிஸ்கான தொழில்.கஸ்டப்பட்டு படம் எடுப்பவர்களுக்கு கடைசியில் கையில் விருது கிடைக்குமா?இல்லை பிச்சை சட்டி கிடைக்குமா? என்று படம் வெளியாவது வரை திக் திக் தான்.திருவாளர் பொது ஜனத்தின் ரசனையை கணிப்பது கஸ்டம் தான்.அரசியல் வாதிகளையும் தேர்தலில் திகிலூட்டி எதிர்பாராமல் குப்புறத்தள்ளிவிடும் தன்மை மக்கள் தீர்ப்புக்கு உண்டு.

பொதுவாக சில தமிழ் படம் பார்க்க நேர்ந்தால் மூளையை கழற்றி ஃபிரிட்ஜில் வைத்து விட்டு வந்திருக்கலாமோ என்று தோன்றும்.காமடி எது கதை என்ற குழப்பம் அடிக்கடி வரும்.படம் தொடங்கியது முதல் முடியும் வரை லாஜிக்கெல்லாம் பார்க்க முடியாது. கையில் ஒரு பாக்கட் பாப்கார்னோ ஒரு கேர்ல் ஃபிரென்டோ இல்லாமல் தியேட்டருக்குள் போனால் கண்டிப்பாக வருந்த நேரிடும்.
அனேக தமிழ் படங்களில் பட்டா போட்டு உட்கார்ந்திருக்கும் சில விசயங்களில் எனக்கு தெரிந்ததை சொல்கிறேன்.உடன்பாடு என்றால் "ஓ" போடுங்கள்.இல்லை என்றால் நிறைய தமிழ் படங்கள் பாருங்கள்.இரண்டொன்றை பார்த்தாலே கண்டிப்பாக ஒப்புக்கொள்வீர்கள்.(அபூர்வமாக வரும் நல்ல படங்களை மட்டும் காசு குடுத்து பார்ப்பது வொர்த்)

ஒரு படத்தின் தொடக்கம் பெரும்பாலும் இப்படிதான் இருக்கும்
பொழுது புலரும் வேளை,சுப்ரபாதம்,மணியடித்து சாமி கும்பிடுவது
போலீஸ் உயர் அதிகாரிகள் கூட்டம் ஒரு குற்றவாளியின் அறிமுகம்
சிறைச்சாலையிலிருந்து கதாநாயகன் விடுதலை
ஒரு பிணத்தின் கண்டெடுப்பு
பரபரப்பான சாலை காலை நேரம்,
ஆக்ஸிடென்ட், ICU

கதாநாயகனை அறிமுகப்படுத்து முன் ரவுடிகள் பெண்கள் கையை பிடித்து இழுத்திருப்பர்கள்.தொடர்ந்து ஒரு ஃபைட், டப்பாங் குத்துப் பாட்டு.
படத்தின் இடையிடையே டிவி விளம்பரம் போல கதையுடன் ஒட்டாத காமடியர்கள் அண்ட் கோஸ்டிகளின் தனி ட்ராக்.நாயகனுக்கு ஒரு காமெடித் தோழன் கட்டாயம் தேவையா?
ஒரு குடும்பம் முழுதும் சந்தோசமாக ஆடிப்பாடினால் அடுத்து கண்டிப்பாக ஒரு எழவு விழும்.

பட்டிக் காட்டுக் கதையானாலும் நாயகிக்கு வெளுத்த தோல் தான்.லிப்ஸ்டிக்கும் ஷாம்பூ போட்ட கூந்தலும் கலக்கு்ம் ஆனால் தாவணி பாவாடை தான்.அதில் தான் இடுப்பைக் காட்ட முடியும்.மோசமான வில்லன்களுக்கு எவ்வளவு அழகிய மகள்கள்? சினிமாவில் பெண்களை எவ்வளவு கேவலமாகக் காட்டுகிறார்கள்.எந்த மாதர் சங்கமும் ஏன் வாய் திறப்பதில்லை. பெண்களில் உடலை 90% திறந்து காட்டி திரையில் கடை விரிக்கிறார்கள். பெண்களை வெறும் போகப் பொருளாகவும், போதைப்பொருளாகவும் தான் காட்டுகிறார்கள். பெண்கள் கதறி அழுவதைக் காட்டுகிறார்கள். அவர்களது உடம்பை அல்லாது மென்மையான உணர்வுகளை காட்ட எந்த காமிரா முயன்றிருக்கிறது.

பெண்கள் எல்லாம் ஏதோ ஆண்களை காதலிக்க பேயாய் அலைவது போல கதாநாயகனிடம் எதுவும் யோசிக்காமல் கப்பென்று விழுந்து விடுகிறார்களே. ஒரு சுயமரியாதையுள்ள ஆணுக்கும் ,பெண்ணுக்கும் காதலை ஒருவர் மற்றவரிடம் சொல்வது எத்தனை கடினமான செயல். காதல் இல்லாமல் எந்த படமும் இல்லை. ஆனால் காதலின் மெல்லிய உணர்வுகளை சொல்லியது அபூர்வமாக ஒரு சில படங்களே. ஒரு சந்திப்பு ,அடுத்து வெளி நாட்டில் கனவுக் காட்சி. அதோடு காதல் முடிந்தது.வேகமாக நகரும் உயிரற்ற காட்சிகளும் பஞ்ச் டயலாக்குகளும் தான் படம்.ஆண்களை ரவுடிகளாகவும்,வீரர்களாகவும் தான் காட்டுகிறார்கள்,அறிஞனாக காட்டுகிறார்களா?

எந்த கதையானாலும் ஐந்து நிமிடதிற்கு ஒரு முறை பாட்டு அவசியம் தானா? நாம் சாதாரணமாக காணும் மனிதர்கள் இப்படி தங்கள் உணர்வுகளை பாடித்தான் வெளிப்படுத்துகிறார்களா? சோகத்தில் கூட இப்படி இனிமையாகப் பாடுவார்களா? குடும்பப் பெண்கள் பாடல் காட்சிகளில் தெருவில் கூடி ஆட்டம் போடுவதாக காண்பிப்பது எந்தக் கலாச்சாரம். கதாநாயகி கூட அந்த கூட்டத்தில் மிடி அணிந்து ஆடுவதைக் காணலாம்.இடுப்பை ,தொப்புளை ,மார்பை குளோசப்பில் காட்டாத பாடல் காட்சி இல்லை.பாடல்களானால் ரெட்டை அர்த்தம் என்ன பச்சையாக கணவன் மனைவி கூட பேசக் கூசும் வார்த்தைகள்.(இத்தகைய தரங்கெட்ட பாடல்களை ஸ்கூல் ஆண்டு விழாக்களில் சிறு குழந்தைகள் பாடி ஆடுவதை கேட்டு ரசிக்கும் பெற்றோர்களை என்ன சொல்ல)உயர் போலீஸ் அதிகாரி அல்லது மதிப்புக்குரிய உத்தியோகத்திலிருக்கும் கதாநாயகன் தெருவில் பெண்களோடு குத்தாட்டம் போடுவது எங்கே நடக்கிறது.பாட்டு ,ஃபைட்டு இல்லாமல் ஒரு கதை இருக்கவே முடியாதா?

தண்ணி அடிப்பதை தமிழக கலாச்சாரமாகவே காட்டுகிறார்கள்.நியாயப்படுத்துகிறார்கள். அதற்கென்றே மப்புப் பாடல்களும் தர கவிஞர்கள் தயார்.
படத்தில் தேசிய உணர்வு வர எப்படியாவது எல்லைப் பாதுகாப்புப் படைக் காட்சிகள் சேர்த்துக்கொள்வார்கள்.ஆனால் போலீசை காமடியர்களாகவே காட்டிக் கொண்டிருக்கிறார்கள்.

வில்லன்கள் என்றால் சுத்தி எப்போதும் அரிவாளோடு அடியாட்கள்.கதாநாயகன் வெறுங்கையாகவே வில்லனின் இருப்பிடத்துக்கே வந்து சவால் விட்டு முழுசாக திரும்பி போய் விடுவார்.50 பேர் இருந்தாலும் அனாயசமாக அடித்து நொறுக்கும் நாயகனிடம் ஒவ்வொருவராக வந்து அடி வாங்கி செல்லுவது நல்ல நகைச்சுவை. அப்புறம் அடியாட்கள் கதாநாயகனின் வீட்டில் உள்ள சாதுக்களை மிரட்டுவார்கள். சாதனங்களை யெல்லாம் போட்டு உடைத்து விட்டு போவார்கள்.படம் முழுக்க துப்பக்கியை தூக்கி அலைவது அரிவாள்களுடன் திரிவது.சண்டையெல்லாம் மார்கெட்கள், குடோன்கள், explosives என்று எழுதிய அட்டைப்பெட்டிகள், மண்ணெண்ணெய் பீப்பாய்கள், கண்டெய்னர்கள், ராட்சத எந்திரங்கள் உள்ள இடங்களில் தான் நடக்கும்.டப்பாக்கள், அட்டைபெட்டி, அலுமினிய பாத்திரங்கள், காய் கறிகள், மண் சட்டிகள், கூரைகள்,தள்ளு வண்டிகள்,காரின் முன்கண்ணாடி, வீட்டுக் கண்ணாடி, ஈர செங்கல் சுவர் இவையெல்லாம் சாதாரணமாக அடியாட்கள் சரியாக போய் விழும் இடங்கள்.கிளைமேக்ஸ் காட்சியென்றால் ட்ரான்ஸ் பார்மரில் விழுந்து வெடிப்பது.வில்லன் வைத்த டைம் பாம் வெடிக்க ஒரு செகண்ட் இருக்க நாயகன் வெளியே வரவும் பேக்ரண்டில் வில்லனில் கூடாரம் வெடிது சிதறுவதும் சரியாக இருக்கும் ,ஆனால் மெயின் வில்லனும் தப்பித்து விடுவான் அவனை தனியாக டயலாக் பேசி கொல்ல வேண்டும்.ஒரே குத்தில் 80 கிலோவுக்கு மேல் உள்ள அடியாள் வானில் பறந்து போவது,சுழன்று சுழன்று விழுவது, ஒரு அடியில் அத்தனை பேரும் அந்தரத்தில் பறப்பது. எல்லோரையும் ஒரே அடியில் பரலோகம் அனுப்பி விட்டு ஒரே ஒரு பிளாஸ்திரி மட்டும் போட்டுக்கொண்டு தோன்றும் நாயகன் இப்படி இன்னும் எத்தனை நூற்றாண்டுகள் சகிப்பது.நிஜ வாழ்வில் இப்படி ஒரு ஹீரோவை தமிழகம் எப்போதாவது பார்த்திருக்கிறதா?

ஒரு கார் சேஸ்,அல்லது எதாவது ஓட்டம் துரத்தல் கண்டிப்பாக இருக்கும். வில்லனிடம் தனியாக மாட்டிகொள்ளூம் நாயகன்.அப்போது ஒப்புதல் வாக்குமூலம் போல் எல்லா உண்மைகளையும் வில்லன் தன் வாயால் சொல்வது. கடைசி நேரத்தில் வில்லன் கையில் உள்ள துப்பாக்கியை கதாநாயகன் காலால் தட்டி விடுவது.வில்லனை ஓங்கி ஈட்டியால் குத்தப் போய் தரையில் குத்தி பழிவாங்காமல் மன்னித்து விட்டு திரும்புவது. வில்லன் அந்த ஈட்டி அல்லது துப்பாக்கியை எடுத்து் ஹீரோவை குறி வைப்பது ,போலீஸ் அல்லது ஏதாவது பெண் பின்னலிருந்து வில்லனை தீர்த்து கட்டி சுபம் போடுவது. அல்லது படத்தின் முடிவில் வில்லன் திடீரென ஞானம் பெற்று மகளை சேர்த்துவைப்பான்.அல்லது ஹீரோ ஆஸ்பத்திரி ICU என்று போராடி கண்விழித்து நாயகியை முதலில் பார்ப்பது.இது தான் பெரும்பாலான படங்கள் நிலை.விதி விலக்குகளும் உண்டு.

கதை காட்சி என்று தான் இதுவரை அரைத்த மாவை அரைத்துக் கொண்டிருந்தார்கள். இப்போது ரீமிக்ஸ் என்ற பெயரில் பழைய பாடல்களை பெயின்ட் அடிக்கிறார்கள்.பிரியானியில் சாம்பார் கலந்து சாப்பிடுகிறார்கள்.படங்கள் தலைப்புக்கூட இப்போது ரீசைக்கிள் பின்னிலிருந்து தான் எடுக்கிறார்கள்

ஒரு படமென்றால் கதையல்லாம் முக்கியமல்ல யார் ஹீரோவோ அவரின் இமேஜுக்கு தகுந்த ரெடிமேட் கதை உருவாக்குவார்கள். ஒரு நடிகன் என்றால் எல்லா பாத்திரமாகவும் மாற முடிய வேண்டும் இமேஜ் என்னும் ஒரு கூண்டுக்குள் அடைபட்டு தமக்காவே சினிமா உருவாக்கி மக்கள் மனதில் ஹிரோவாக இடம் பிடித்து நாளை நாற்க்காலியை கைப்பற்றுவதை லட்சியமாகக் கொண்டு தான் எல்லா நாயகர்களும்.இது எம் ஜி யாரின் பாதிப்பு.
இங்கு கதையின் பாத்திரங்கள் பேசப்படுவதில்லை அதில் நடித்தவர்கள் தான் பேசப்படுகிறார்கள்.

இதற்கெல்லாம் காரணம் என்ன?

இதற்கு முழுக்க முழுக்க ரசிகர்கள் தான் காரணம் .படம் எடுப்பவர்கள் தங்கள் முதலுக்கு மோசம் போகக்கூடாது என்று ரிஸ்க் எடுப்பதில்லை. அதனால் தான் எம்ஜியார் காலத்திலிருந்தே வெற்றி பெற்றுவரும் இந்த பார்மு்லாவை மாற்றாமல் அப்படியே வைத்திருக்கிறார்கள். ரசிகர்கள் ரசனை மாற வேண்டும் .இது போன்ற படங்களை உடனே தியேட்டரை விட்டு ஓடசெய்தால் அடுத்து நல்ல திரைப்படங்கள் நிச்சயம் வரும்.இத்தகைய குப்பை படங்களை திருட்டு விசிடி போட இன்னொரு கும்பல் காத்திருக்கிறது.பெரும்பான்மை மக்களின் ரசனை மாறாததால் தான் சில படங்கள் சற்று வித்தியாசமாக புது முயற்சியில் வந்தாலும் மக்கள் மண்டைக்குள் அது ஏறுமுன்னே தியேட்டரை விட்டு காணாமல் போய் விடுகிறது.

இத்தகைய படங்களை பயனுள்ளதாக்க சில யோசனைகள்.
சிறைச்சலைகளில் எப்போது தமிழ் படம் ஓடச்செய்தால் குற்றவாளிகள் எண்ணிக்கை குறையும்
மனநோய் மருத்துவமனைகளில் நோயாளிகள் பெட்டராக ஃபீல் செய்ய உதவும்
வீட்டில் மூன்று நாளக்கு மேல் டேரா போட்டிருக்கும் விருந்தாளியை விரட்ட ஒரே தமிழ் படத்தை திரும்பத்திரும்ப போட்டு காட்டலாம்.

Download As PDF